தஞ்சாவூர் மாவட்டம், செங்கிப்பட்டி அருகேயுள்ள தச்சன்குறிச்சி கல்லறைத் திருவிழாவையொட்டி மார்ச் 16, 17-ம் தேதிகளில் சிறப்புப் பேருந்துகள் இயக்கப்படவுள்ளன.
இதுகுறித்து தமிழ்நாடு அரசுப் போக்குவரத்துக் கழகத்தின் கும்பகோணம் அலுவலகம் வெளியிட்டுள்ள செய்திக்குறிப்பு:
தச்சன்குறிச்சி சின்னம்மாள் கல்லறை திருவிழா மார்ச் 16, 17-ம் தேதிகளில் நடைபெற உள்ளதை முன்னிட்டு தமிழ்நாடு அரசுப் போக்குவரத்துக் கழகம் விழாப் பேருந்துகளை இரவு, பகல் முழுவதும் இயக்க உள்ளது. இப்பேருந்துகள் தஞ்சாவூர் - தச்சன்குறிச்சி, திருக்காட்டுப்பள்ளி - தச்சன்குறிச்சி, திருச்சி - தச்சன்குறிச்சி, கந்தர்வக்கோட்டை - தச்சன்குறிச்சி ஆகிய வழித் தடங்களில் இயக்கப்படவுள்ளன.