18 நவம்பர் 2018

குழந்தைகளுக்கு செவித்திறன் சோதனை அவசியம்: ஆஸ்திரேலிய கிரிக்கெட் வீரர் பிரட்லீ

DIN | Published: 12th September 2018 08:26 AM

குழந்தைகளுக்கு செவித் திறன் பரிசோதனை நடத்துவதை இந்திய அரசு கட்டாயமாக்க வேண்டும் என ஆஸ்திரேலிய கிரிக்கெட் வீரர் பிரட்லீ கேட்டுக் கொண்டார்.
பெங்களூரில் செவ்வாய்க்கிழமை செய்தியாளர்களிடம் அவர் கூறியது: 
இந்தியாவில் காது கேளாத குழந்தைகளின் எண்ணிக்கை அதிகரித்து வருகிறது. இதைத் தடுக்க மத்திய, மாநில அரசுகள் முயற்சி மேற்கொள்ள வேண்டும். பிறக்கும் போதே குழந்தைகளின் காது கேளாமை குறித்த சோதனையை கட்டாயமாக்க வேண்டும். ஆஸ்திரேலியாவில் இதுபோன்ற சோதனை கட்டாயமாக்கப்பட்டுள்ளது. இதன்மூலம் காது கேளாமை பிரச்னையை தொடக்கத்திலே கண்டறிந்து உரிய சிகிச்சை அளிக்க முடியும். 
உலக சுகாதார மையத்தின் கணக்கெடுப்பில் 34 மில்லியன் குழந்தைகளுக்கு காது கேளாமை பிரச்னை உள்ளது. இது 2050 ஆண்டுக்குள் 900 மில்லியனை எட்ட வாய்ப்புள்ளதாக தெரிய வந்துள்ளது. இதுகுறித்து இந்தியாவில் விழிப்புணர்வை ஏற்படுத்துவது அவசியம் என்றார்.
 

More from the section

"குழந்தைகளின் செவித் திறனை சோதிப்பது அவசியம்'
வாக்களிக்க ஊக்குவிக்க வேண்டும்: தலைமைத் தேர்தல் அதிகாரி சஞ்சீவ்குமார்
வங்கி தேர்வுக்கு இலவச பயிற்சி
அசையா சொத்துப் பதிவுக்கு இணையதள சேவை: முதல்வர் தொடக்கிவைப்பு
பிரச்னைகளில் சிக்கித் தவிக்கும் பெங்களூரு தமிழ்ச் சங்கம்!