வடசென்னை, தென்சென்னை, மத்திய சென்னை மக்களவைத் தொகுதிகளில் போட் டியிடும் அதிமுக, அதன் கூட்டணிக் கட்சி வேட்பாளர்கள் தங்களது சொத்து விவரங்களை வேட்புமனு பிரமாணப் பத்திரத்தில் குறிப்பிட்டுள்ளனர். அதன் விவரம்:
தென் சென்னை-அதிமுக வேட்பாளர் டாக்டர் ஜெ.ஜெயவர்தன்:
தொழில்: மருத்துவர்.
கையிருப்பு: ஜெ.ஜெயவர்தனிடம் ரூ. 25,000, மனைவி ஆர்.சொர்ணலட்சுமியிடம் ரூ. 2,50,000.
வங்கி இருப்பு: ஜெ.ஜெயவர்தனின் வங்கிக்கணக்குகளில் ரூ. 46,41,988, அவரது மனைவி ஆர்.சொர்ணலட்சுமி பெயரில் ரூ.31,889.
மொத்த சொத்து மதிப்பு: ரூ.2.90 கோடி.
அசையும் சொத்து: ஜெ.ஜெயவர்தன் பெயரில் ரூ. 49 லட்சத்து 66,988, மனைவி ஆர்.சொர்ணலட்சுமி பெயரில் ரூ. 38 லட்சத்து 67,889.
அசையா சொத்து: ஜெ.ஜெயவர்தன் பெயரில் ரூ. 2.40 கோடி, மனைவி ஆர்.சொர்ணலட்சுமி பெயரில் அசையா சொத்து இல்லை.
கடன்: ஜெ.ஜெயவர்தனுக்கு ரூ. 96,21,000, மனைவி ஆர்.சொர்ணலட்சுமிக்கு கடன் இல்லை.
வடசென்னை- தேமுதிக வேட்பாளர் அழகாபுரம் ஆர்.மோகன்ராஜ்:
தொழில்: விவசாயம், ரியல் எஸ்டேட்.
கையிருப்பு: ஆர்.மோகன்ராஜிடம் ரூ. 8 லட்சம், மனைவி உண்ணாமலையிடம் ரூ. 3.50 லட்சம்.
வங்கி இருப்பு: மோகன்ராஜ் வங்கிக்கணக்குகளில் ரூ. 12,171, மனைவி உண்ணாமலை பெயரில் ரூ.19,867.
மொத்த சொத்து மதிப்பு: ரூ.1.57 கோடி
அசையும் சொத்து: மோகன்ராஜ் பெயரில் ரூ. 1.40 கோடி, மனைவி உண்ணாமலை பெயரில் ரூ. 35 லட்சத்து 21,667.
அசையா சொத்து: மோகன்ராஜ் பெயரில் ரூ. 16 லட்சத்து 92,000, மனைவி உண்ணாமலை பெயரில் ரூ. 1.77 கோடி.
கடன்: மோகன்ராஜுக்கு ரூ. 28 லட்சத்து 31,960, மனைவி உண்ணாமலைக்கு கடன் இல்லை.
மத்திய சென்னை-பாமக வேட்பாளர் எஸ்.ஆர்.சாம்பால்:
தொழில்: ஹோட்டல், சுயதொழில்.
கையிருப்பு: எஸ்.ஆர்.சாம்பாலிடம் ரூ. 25,317, மனைவி கார்டிலா பபிதா பாலிடம் ரூ. 18,189.
வங்கி இருப்பு: எஸ்.ஆர்.சாம்பாலின் வங்கிக்கணக்குகளில் ரூ. 7,24,327, மனைவி கார்டிலா பபிதா பால் பெயரில் ரூ. 5,62,983.
மொத்த சொத்து மதிப்பு: ரூ.29.70 கோடி.
அசையும் சொத்து: எஸ்.ஆர்.சாம்பாலுக்கு ரூ. 1.17 கோடி, மனைவி கார்டிலா பபிதா பாலுக்கு ரூ. 35 லட்சம்.
அசையா சொத்து: எஸ்.ஆர்.சாம்பாலுக்கு ரூ. 28.53 கோடி, மனைவி கார்டிலா பபிதா பாலின் பெயரில் அசையா சொத்துகள் இல்லை.
கடன்: எஸ்.ஆர்.சாம்பாலுக்கு ரூ. 25 கோடி, மனைவி கார்டிலா பபிதா பாலுக்கு ரூ. 7,32 733.