16 டிசம்பர் 2018

ஆசிரியர்களுக்கு பாராட்டு விழா

DIN | Published: 12th September 2018 07:03 AM

செங்கம் தமிழ்ச் சங்கம், சிகரம் பன்னாட்டுப் பள்ளி இணைந்து ஆசிரியர்களுக்கு பாராட்டு விழாவை அண்மையில் நடத்தின.
ஆசிரியர் தினத்தையொட்டி, திருவள்ளுவர் நகர் சிகரம் பன்னாட்டுப் பள்ளி வளாகத்தில்  நடைபெற்ற இந்த விழாவுக்கு செங்கம் தமிழ்ச் சங்கத் தலைவர் பேராசிரியர் கு.வணங்காமுடி தலைமை வகித்தார். வழக்குரைஞர் கஜேந்திரன், செங்கம் கல்வி மாவட்ட அலுவலர் கந்தசாமி, வட்டாரக் கல்வி அலுவலர்கள் மகேஸ்வரி, செல்வம் ஆகியோர் முன்னிலை வகித்தனர். தலைமை ஆசிரியர் ஜெயவேல் வரவேற்றார்.
சிறப்பு அழைப்பாளராக பேராசிரியர் அப்துல்காதர் கலந்து கொண்டு, ஆசிரியர்களை வாழ்த்திப் பேசினார்.
தொடர்ந்து, ஆசிரியர்களுக்கான பல்வேறு போட்டிகள் நடைபெற்றன. இதில் சிறப்பிடம் பெற்ற ஆசிரியர்களுக்கு செங்கம் தொகுதி எம்எல்ஏ மு.பெ.கிரி, பரிசுகளை வழங்கி பாராட்டிப் பேசினார். செங்கம், புதுப்பாளையம், தண்டராம்பட்டு பகுதிகளைச் சேர்ந்த தேர்வு செய்யப்பட்ட சிறந்த ஆசிரியர்களுக்கு மாவட்ட முதன்மைக் கல்வி அலுவலர் ஜெயக்குமார் பரிசு, சான்றுகளை வழங்கி, ஆசிரியர் தின வாழ்த்துகளைத் தெரிவித்துப் பேசினார். விழாவில், தமிழ்ச் சங்க துணைத் தலைவர் கிருஷ்ணன், வட்டாரக் கல்விஅலுவலர்கள் (தண்டராம்பட்டு) பாஸ்கரன், கோவிந்தராஜ், (புதுப்பாளையம்) சிராஜ், ஜான்வின்சென்ட், சிகரம் பள்ளி ஆசிரியர் சந்தோஷ்குமார், செங்கம் கல்வி மாவட்டத்தைச் சேர்ந்த ஆசிரியர்கள், ஆசிரியைகள் உள்பட பலர் கலந்து கொண்டனர். பள்ளி முதல்வர் ஜாஸ்மின் நன்றி கூறினார்.

More from the section

அருணாசலேஸ்வரர் கோயிலில் டிச.18-இல் பரமபத வாசல் திறப்பு
செய்யாறில் கண்ணாடி இழை கேபிள் வலைப்பின்னல் சேவை தொடக்கம்
அரசின் இலவச மருத்துவ முகாம்: எம்எல்ஏ தொடக்கிவைத்தார்
அனுமதியின்றி விளம்பரப் பதாகை வைத்தால் கைது செய்யப்படுவர்: மாவட்ட நீதிபதி எச்சரிக்கை
பாரதியார் பிறந்த நாள் விழா சிறப்புக் கவியரங்கம்