புதன்கிழமை 14 நவம்பர் 2018

குடியாத்தம்: யானை தாக்கி 4 பேர் காயம்

DIN | Published: 12th September 2018 04:27 AM


குடியாத்தம் அருகே மோர்தானா அணையில் மீன் பிடிக்கச் சென்றவர்களை யானை தாக்கியதில் 4 பேர் காயமடைந்தனர்.
மோர்தானா பகுதியைச் சேர்ந்த சிலர் அங்குள்ள அணை தண்ணீரில் திங்கள்கிழமை இரவு மீன் வலைகளை விரித்து வைத்து விட்டு வந்தார்கள். செவ்வாய்க்கிழமை அதிகாலை வலையில் சிக்கிய மீன்களை பிடித்து வர சென்றுள்ளனர். அப்போது புதர் மறைவில் இருந்த ஒற்றை யானை தும்பிக்கையால் அவர்களை தாக்கியுள்ளது. இதில் கோவிந்தசாமி (55), அவரது தம்பி குப்புசாமி (45), கஜேந்திரன் (50), தங்கவேலு (50) ஆகியோர் காயமடைந்தனர். அவர்கள் குடியாத்தம் அரசு மருத்துவமனையில் அனுமதிக்கப்பட்டனர். பலத்த காயமடைந்த கோவிந்தசாமி, தீவிர சிகிச்சைக்காக வேலூர் அடுக்கம்பாறை அரசு மருத்துவமனைக்கு அனுப்பி வைக்கப்பட்டார். இதுகுறித்து வனத்துறையினர் விசாரணை நடத்தி வருகின்றனர்.

More from the section

நவம்பர் 14 மின் தடை
ஒலிக்குறிப்பு மாறாமல் ஊர்ப்பெயரை ஆங்கிலத்திலும் அமைக்க கருத்துக் கேட்பு
பாலாற்றில் குப்பை கொட்ட எதிர்ப்பு: மாநகராட்சி லாரியை சிறைபிடித்த பொதுமக்கள்


ஆம்பூரில் புதுப்பிக்கப்பட்ட நீதிமன்ற கட்டடத் திறப்பு விழா

மாவட்டம் முழுவதும் கூட்டுறவு வார விழா இன்று தொடக்கம்