குடியாத்தம் அருகே பழைய பிளாஸ்டிக் பொருள்கள் சேமித்து வைக்கும் கிடங்கில் சனிக்கிழமை ஏற்பட்ட தீ விபத்தில் பல லட்சம் ரூபாய் மதிப்புள்ள பிளாஸ்டிக் பொருள்கள் எரிந்து நாசமாயின.
குடியாத்தம் தரணம்பேட்டையைச் சேர்ந்தவர் நசீர் அகமது (38). இவர், மேல்ஆலத்தூர் சாலையில் உள்ள நத்தம் கிராமம் அருகே பழைய பிளாஸ்டிக் பொருள்களைச் சேமித்து வைக்கும் கிடங்கு வைத்துள்ளார். இந்நிலையில் சனிக்கிழமை மாலை திடீரென ஏற்பட்ட தீ விபத்தில் கிடங்கில் இருந்த பல லட்ச ரூபாய் மதிப்புள்ள பிளாஸ்டிக் பொருள்கள் எரிந்து சாம்பலாயின. அதே வளாகத்தில் இருந்த தென்னை, மா மரங்களும் எரிந்து சேதமடைந்தன.
தகவலின் பேரில் தீயணைப்புப் படையினர் அங்கு சென்று தீயை அணைத்தனர். இதுகுறித்து குடியாத்தம் நகர போலீஸார் வழக்குப் பதிந்து விசாரணை நடத்தி வருகின்றனர்.