கிருஷ்ணகிரியில் மு.க.ஸ்டாலின் முன்னிலையில் மாவட்ட ரஜினி ரசிகர்கள் திமுகவில் இணையும் விழா பிப்.23-ஆம் தேதி நடைபெறுகிறது.
இதுகுறித்து கிருஷ்ணகிரி கிழக்கு மாவட்ட திமுக பொறுப்பாளர் டி.செங்குட்டுவன் எம்எல்ஏ சனிக்கிழமை வெளியிட்ட அறிக்கை:
கிருஷ்ணகிரி மாவட்ட ரஜினி ரசிகர் மன்றச் செயலாளர் பதவியில் இருந்து விலகி திமுகவில் இணைந்த மதியழகன் தலைமையில் ரஜினி மக்கள் மன்ற மாவட்ட, ஒன்றிய, பேரூர் செயலாளர்கள், நிர்வாகிகள் உள்ளிட்ட 20 ஆயிரம் பேர் திமுகவில் இணைகிறார்கள்.
இதற்கான விழா பிப்.23-ஆம் தேதி, மாலை 4 மணிக்கு கிருஷ்ணகிரியில் சென்னை தேசிய நெடுஞ்சாலையில் உள்ள தேவராஜ் மகால் அருகே உள்ள கலைஞர் திடலில் நடைபெறுகிறது. இந்த விழாவில் மு.க.ஸ்டாலின் முன்னிலையில் ரஜினி மக்கள் மன்ற நிர்வாகிகள், திமுகவில் இணைகின்றனர். தொடர்ந்து, மு.க.ஸ்டாலின் சிறப்புரையாற்றுகிறார் என அதில் தெரிவிக்கப்பட்டுள்ளது.