ஊத்தங்கரையில் இன்று வேலைவாய்ப்பு முகாம்

ஊத்தங்கரை வித்யா மந்திர் கலை மற்றும் அறிவியல் கல்லூரி வளாகத்தில் சோனா யுக்தி  மற்றும் ஹைர்மி சார்பில் சனிக்கிழமை வேலைவாய்ப்பு முகாம் நடைபெறுகிறது.
இதில், 30-க்கும் மேற்பட்ட பன்னாட்டு நிறுவனங்கள் மற்றும் 8-க்கும் மேற்பட்ட சிபிஎஸ்இ பள்ளிகள் பங்கேற்க உள்ளன.
மேலும், இம் முகாமில் பங்கேற்க 2016, 2017 மற்றும் 2018-இல் இளநிலை, முதுநிலை, பி.இ, டிப்ளமோ முடித்த மாணவ-மாணவியர், 2019-இல் இறுதி ஆண்டு பயிலும் மாணவர்கள் ஆதார் அட்டை மற்றும் புகைப்படத்துடன் காலை 10 மணி வரை பதிவு செய்து கொள்ளலாம். மேலும், w‌w‌w.‌s‌v‌m​c‌u‌g‌i.​c‌o‌m என்ற இணையதளத்திலும் பதிவுசெய்யலாம். இதில், தருமபுரி, கிருஷ்ணகிரி, திருவண்ணாமலை, வேலூர், நாமக்கல், சேலம் மாவட்டங்களைச் சேர்ந்த பட்டதாரிகள் பங்கேற்று பயன்பெறலாம். முன்னதாக கல்லூரியின் நிறுவனர் மற்றும் முதல்வர், செயலர் ஆகியோர் இந்த வேலைவாய்ப்பு முகாமை தொடங்கி வைக்கின்றனர்.