திங்கள்கிழமை 24 செப்டம்பர் 2018

ஆட்டோ மீது கார் மோதி ஓட்டுநர் சாவு

DIN | Published: 12th September 2018 09:46 AM

மதுரை அருகே ஆட்டோ மீது கார் மோதியதில் ஆட்டோ ஓட்டுநர் செவ்வாய்க்கிழமை இறந்தார்.
  மதுரை அய்யர்பங்களா உச்சபரம்புமேடு பகுதியைச் சேர்ந்தவர் முருகன்(45). ஆட்டோ ஓட்டுநரான முருகன் பயணிகளை ஏற்றிக்கொண்டு மதுரை-திண்டுக்கல் நான்கு வழிச்சாலையில் சென்றுள்ளார். துவரிமான் சந்திப்பில் சென்ற போது எதிரே வந்த கார், ஆட்டோ மீது மோதியது. 
  இதில் பலத்த காயமடைந்த முருகனை அப்பகுதியினர் மீட்டு அரசு மருத்துவமனைக்கு அனுப்பி வைத்தனர். மருத்துவமனையில் தீவிர சிகிச்சைப் பிரிவில் சேர்க்கப்பட்ட முருகன் சிகிச்சைப் பலனின்றி செவ்வாய்க்கிழமை இறந்தார். விபத்துத் தொடர்பாக அவரது மனைவி முருகேஸ்வரி(40) அளித்தப் புகாரின்பேரில் நாகமலைபுதுக்கோட்டை போலீஸார் வழக்குப்பதிவு செய்து விசாரித்து வருகின்றனர்.

More from the section

கருத்துரிமையைத் தடுப்பது ஜனநாயக விரோதம்: கேரள சட்டப் பேரவைத் தலைவர் பி.ஸ்ரீராமகிருஷ்ணன்
புரட்டாசி முதல் சனிக்கிழமை: பெருமாள் கோயில்களில் பக்தர்கள் கூட்டம்
சுற்றுச்சூழல் குறும்பட போட்டிக்கு படைப்புகளை அனுப்பலாம்: ஆட்சியர்
வைகை ஆற்றில் மூழ்கி சிறுவன் சாவு
குடும்பத் தகராறில் தீக்குளித்த பெண் சாவு