வெள்ளிக்கிழமை 14 டிசம்பர் 2018

திருப்புல்லாணி மாரியம்மன் கோயிலில் மகாகும்பாபிஷேகம்

DIN | Published: 15th November 2018 01:19 AM

ராமநாதபுரம் மாவட்டம் திருப்புல்லாணியில் உள்ள புல்லாணி மாரியம்மன் கோயிலில் மகா கும்பாபிஷேகம் புதன்கிழமை நடைபெற்றது.
இதையொட்டி யாகாசலை பூஜைகள் செவ்வாய்க்கிழமை அனுக்கை விக்னேசுவர பூஜை, காப்புக்கட்டுதல் ஆகியவற்றுடன் விழா தொடங்கியது. யாகசாலை பூஜைகளை பாபுசாஸ்திரிகள் தலைமையிலான சிவாச்சாரியார்கள் நடத்தினர். புதன்கிழமை அதிகாலையில் கோ பூஜை, யாத்ரா தானம், மகா பூர்ணாகுதி தீபாராதனை ஆகியன நடந்து முடிந்த பின் புனித நீர்க்குடங்கள் யாகசாலையிலிருந்து புறப்பட்டு ராஜகோபுரத்தை அடைந்தன. இதனையடுத்து சிவாச்சாரியார்கள் கோபுரத்தில் புனிதநீரை ஊற்ற கும்பாபிஷேகம்  நடைபெற்றது. பின்னர் மூலவரான புல்லாணி மாரியம்மனுக்கும், உடனுறை பரிவார தெய்வங்களுக்கும் சிறப்பு அபிஷேகமும், விசேஷ தீபாராதனைகளும் நடந்தன. மூலவர் புல்லாணி மாரியம்மன் சந்தன அலங்காரத்தில் பக்தர்களுக்கு காட்சியளித்தார். மதியம் அன்னதானமும் நடந்தது. ஏற்பாடுகளை திருப்புல்லாணி வடக்குத்தெரு, மேலத்தெரு, ஜெகன்நகர் பகுதி பொதுமக்கள் ஆகியோர் இணைந்து செய்திருந்தனர். திருப்புல்லாணி போலீஸார் பாதுகாப்பு ஏற்பாடுகளை செய்திருந்தனர்.

More from the section

வீடு கட்ட அனுமதி வழங்க லஞ்சம் வட்டார வளர்ச்சி அலுவலர், ஊராட்சி செயலர் கைது
சட்டம் பயின்றவர்கள் சமூக நலன்களை காக்கும் விதமாகச் செயல்பட வேண்டும்: முதன்மை மாவட்ட நீதிபதி ஏ.கயல்விழி பேச்சு
இல்லாத நகைகளை அடகு வைத்ததாகக் காட்டி போலி ஆவணங்கள் மூலம் ரூ.24.74 லட்சம் மோசடி: நிதிநிறுவன மேலாளர் உள்பட 5 பேர் மீது வழக்கு
விஷம் குடித்து பள்ளி மாணவி தற்கொலை
திருவாடானை அருகே அஞ்சலக பூட்டை உடைத்து பணம், செல்லிடப்பேசி திருட்டு