வியாழக்கிழமை 20 செப்டம்பர் 2018

அண்ணா பல்கலை. மண்டல கூடைப்பந்து: கரூர் பொறியியல் கல்லூரி முதலிடம்

DIN | Published: 12th September 2018 05:31 AM

தேனியில் செவ்வாய்க்கிழமை நடைபெற்ற அண்ணா பல்கலை கழக மண்டல அளவிலான கூடைப் பந்து போட்டியில், கரூர் கல்லூரி அணி முதலிடம் பெற்றது. 
 தேனி நாடார் சரஸ்வதி பொறியியல் மற்றும் தொழில் நுட்பக் கல்லூரியில் செவ்வாய்க்கிழமை போட்டிகள் நடைபெற்றன. தேனி, திண்டுக்கல், விருதுநகர் மற்றும் கரூர் மாவட்டங்களில் உள்ள 15 பொறியியல் கல்லூரி அணிகள் போட்டியில் பங்கேற்றன. அரை இறுதிப் போட்டியில் திண்டுக்கல் பி.எஸ்.என்.ஏ., பொறியியல்  கல்லூரி மற்றும் தேனி நாடார் சரஸ்வதி பொறியியல் மற்றும் தொழில்நுட்பக் கல்லூரி அணிகள், கரூர் எம்.குமராசாமி பொறியியல் மற்றும் தொழில்நுட்பக் கல்லூரி மற்றும் எஸ்.எஸ்.எம்.பொறியியல் கல்லூரி அணிகள் மோதின. இதில் வெற்றி பெற்ற கரூர் எம்.குமாரசாமி பொறியியல் மற்றும் தொழில்நுட்பக் கல்லூரி மற்றும் திண்டுக்கல் பி.எஸ்.என்.ஏ. பொறியியல் கல்லூரி அணிகள் இறுதிப் போட்டியில் மோதின. 
இதில் 45-க்கு 26 என்ற புள்ளிக்கணக்கில் கரூர் எம்.குமாரசாமி பொறியியல் மற்றும் தொழில்நுட்பக் கல்லூரி அணி வெற்றி பெற்றது. திண்டுக்கல் பி.எஸ்.என்.ஏ.,பொறியியல் கல்லூரி அணி 2-ஆம் இடமும், தேனி நாடார் சரஸ்வதி பொறியியல் மற்றும் தொழில்நுட்பக் கல்லூரி அணி 3-ஆம் இடமும் பெற்றன.
 

More from the section

சுருளி அருவியில் சாரல் விழா பராமரிப்பு பணிகள் தீவிரம்
மார்க்கையன்கோட்டையில் ஆக்கிரமிப்புகள் அகற்றம் 
குழந்தைகள் பாதுகாப்பு அலுவலர்களிடம் ஆதரவற்ற குழந்தை ஒப்படைப்பு

தேனி மாவட்டத்தில் குற்றச் சம்பவங்கள் குறித்து தகவல்
தெரிவிக்க புதிய வசதி: ஆட்சியர்

முதலீட்டு  தொகையை திரும்ப வழங்க வலியுறுத்தி ஆர்ப்பாட்டம்