தேனி மாவட்டத்தில் தேர்தல் பிரசார பொதுக் கூட்டம் மற்றும் தெருமுனைப் பிரசாரம் செய்ய 135 இடங்கள் நிர்ணயிக்கப்பட்டுள்ளன.
தேனி மாவட்டத்தில் தேனி மக்களவை தொகுதி பொதுத் தேர்தல் மற்றும் ஆண்டிபட்டி, பெரியகுளம் சட்டப் பேரவை தொகுதிகளின் இடைத் தேர்தலை முன்னிட்டு அரசியல் கட்சிகள் சார்பில் தேர்தல் பிரசாரக் கூட்டம் நடத்துவதற்கு ஒற்றை சாளர முறையில் அனுமதி வழங்கப்பட்டு வருகிறது. அரசியல் கட்சிகள் சார்பில் பொதுக் கூட்டம் மற்றும் தெருமுனைப் பிரசாரத்துக்கு தேனி வட்டாரத்தில் 24 இடங்கள், போடி வட்டாரத்தில் 41 இடங்கள், உத்தமபாளையம் வட்டாரத்தில் 43 இடங்கள், ஆண்டிபட்டி வட்டாரத்தில் 14 இடங்கள், பெரியகுளம் வட்டாரத்தில் 13 இடங்கள் உள்பட மொத்தம் 135 இடங்கள் நிர்ணயிக்கப்பட்டுள்ளன. வேட்பாளர் மற்றும் அரசியல் கட்சிகள் அனுமதி பெற்றும், தேர்தல் விதிகளுக்கு உள்பட்டும், நிர்ணயிக்கப்பட்ட இடங்களில் மட்டும் பொதுக் கூட்டம் மற்றும் தெருமுனைப் பிரசாரம் செய்ய வேண்டும் என்று காவல் துறை அதிகாரிகள் கூறினர்.