அருப்புக்கோட்டையில் இன்று இலவச கண் சிகிச்சை முகாம்

அருப்புக்கோட்டை வேலாயுதபுரம் சாலியர் மகாஜன நடுநிலைப்பள்ளி வளாகத்தில் ஞாயிற்றுக்கிழமை (பிப்.17) இலவச கண் சிகிச்சை முகாம் நடைபெறவுள்ளது.
 இதுதொடர்பாக முகாம் ஒருங்கிணைப்பாளரும், வாஸ்து நிபுணருமான அண்ணாமலை சனிக்கிழமை வெளியிட்டுள்ள செய்திக்குறிப்பு: 
 கிருஷ்ணன்கோவில் சங்கரா கண் மருத்துவமனை சார்பில் ஞாயிற்றுக்கிழமை காலை 9 மணி முதல் மதியம் 1 மணி வரை நடைபெறும் இலவச கண் சிகிச்சை முகாமில் பொதுமக்கள் கலந்துகொண்டு கண் தொடர்பான தங்களின் பிரச்னைகளுக்கு உரிய மருத்துவ ஆலோசனை, வழிகாட்டுதல்களைப் பெற்றுப் பயன்பெறலாம் என அதில் குறிப்பிடப்பட்டுள்ளது.