18 நவம்பர் 2018

பொது கிணற்றை தூர்வாரிய இளைஞர்கள்

DIN | Published: 11th September 2018 08:16 AM

வேதாரண்யம் அருகே கடந்த சில ஆண்டுகளாக பராமரிப்பின்றி இருந்த பொது கிணற்றை கிராம இளைஞர்கள் திங்கள்கிழமை தூர்வாரி பயன்பாட்டுக்கு கொண்டு வந்தனர்.
தேத்தாக்குடி தெற்கு, செட்டித்தெரு பகுதியில் சுமார் 50 ஆண்டுகளுக்கு முன்பு நிறுவப்பட்ட பொது குடிநீர் கிணறு உள்ளது. 
இக்கிணற்றை அப்பகுதியைச் சேர்ந்த சுமார் 250 குடும்பங்களைச் சேர்ந்தவர்கள் பயன்படுத்தி வந்தனர். இந்நிலையில், இக்கிணறு கடந்த சில ஆண்டுகளாக போதிய பராமரிப்பு இல்லாததால் பாழடைந்து பயன்பாடு இல்லாமல் இருந்து வந்தது. இப்பகுதியில் மழை பொய்த்துப்போனதால், நிலத்தடி நீர்மட்டம் வெகுவாக குறைந்து நீர் நிலைகளில் தண்ணீர் தட்டுப்பாடு ஏற்பட்டு வருகிறது. 
இந்நிலையில், பயன்படாத கிணற்றை இப்பகுதியைச் சேர்ந்த சுரேஷ், முருகானந்தம், பாஸ்கர், ராஜா, கருணாநிதி உள்ளிட்ட 20-க்கும் மேற்பட்ட இளைஞர்கள் கிணற்றை தூய்மைப்படுத்தி, தூர்வாரி மீண்டும் பயன்பாட்டுக்கு கொண்டு வந்தனர். 
இளைஞர்கள் மேற்கொண்ட சமூகப் பணியை சமூக ஆர்வலர் பி. சண்முகம் உள்ளிட்டோர் பாராட்டினர்.
 

More from the section


புயலால் சாய்ந்த மரங்கள் அகற்றம்

கார்த்திகை மாதப் பிறப்பு: சீர்காழி கோயிலில் கோ பூஜை வழிபாடு: அஸ்திர தேவருக்கு தீர்த்தவாரி
அடிப்படை வசதிகளுக்கான நடவடிக்கைகளில் திருப்தியில்லை
புயல் சீற்ற சீரமைப்பு நடவடிக்கைகள் குறித்த வதந்திகளை நம்ப வேண்டாம்
சாய்ந்த மின்கம்பங்களை சீரமைக்கும் பணி தீவிரம்