முத்துப்பேட்டையில் புயலால் பாதித்த பகுதிகளில் நடைபெறும் சீரமைப்புப் பணிகளை சட்டப் பேரவை உறுப்பினர் ப. ஆடலரசன் செவ்வாய்க்கிழமை நேரில் பார்வையிட்டு, ஆய்வு செய்தார்.
திருவாருர் மாவட்டம், முத்துப்பேட்டை பேரூராட்சி பகுதி மற்றும் சுற்றுப் பகுதியில் உள்ள 50-க்கும் மேற்பட்ட கிராமங்கள் கஜா புயலால் பெரிதும் பாதிக்கப்பட்டுள்ளன. இப்பகுதிகளில் ஆயிரக்கணக்காண வீடுகள், லட்சக்கணக்கான மரங்கள், கால்நடைகள் என அனைத்து வாழ்வாதாரத்தையும் இழந்து மக்கள் தவித்து வருகின்றனர். இந்நிலையில், புயல் பாதிப்புகள் ஏற்பட்டு 4 நாள்களாகியும் இப்பகுதிகளில் சீரமைப்புப் பணிகள் இன்னும் முழுமை பெறவில்லை. மின்சாரம், மற்றும் தொலைத்தொடர்பு வசதிகள் சீரமைக்கப்படாத நிலையில் உள்ளன. இப்பகுதிகளில் தொடர்ந்து சீரமைப்புப் பணிகளை நடைபெற்று வருகின்றன. இப்பணிகளை திருத்துறைப்பூண்டி எம்எல்ஏ ப.ஆடலரசன் பார்வையிட்டு, சீரமைப்புப் பணிகளை விரைந்து முடிக்கும் படி அதிகாரிகளை கேட்டுக்கொண்டார்.