புதன்கிழமை 21 நவம்பர் 2018

அரசுப் பள்ளிக்கு தூய்மை பள்ளி விருது

DIN | Published: 12th September 2018 06:47 AM

மன்னார்குடி அருகேயுள்ள புள்ளவராயன்குடிக்காடு அரசு உயர்நிலைப்பள்ளி, திருவாரூர் மாவட்ட அளவில், மத்திய, மாநில அரசின் தூய்மை பள்ளி விருது பெற்றுள்ளது.
மாவட்டத்தில் உள்ள 1,264 பள்ளிகளில், பள்ளியின் தூய்மை, சுகாதாரம், சுற்றுச்சூழல், கழிப்பறை வசதிகள் போன்ற பல அம்சங்களைக் கருத்தில்கொண்டு மத்திய, மாநில அரசுகளின் தேர்வுக் குழு, பள்ளிகள்தோறும் ஆய்வு நடத்தியதில் புள்ளவாராயன்குடிக்காடு அரசு உயர்நிலைப்பள்ளி தூய்மை பள்ளி விருதுக்கு தேர்வானது.
சென்னையில், அண்மையில் நடைபெற்ற இதற்கான விருது வழங்கும் விழாவில், இப்பள்ளித் தலைமையாசிரியர் ஆர். மணிவண்ணனிடம், தூய்மை பள்ளி விருது மற்றும் ரூ. 30,000 பரிசுத்தொகையை தமிழக பள்ளிக் கல்வித் துறை அமைச்சர் கே. ஏ. செங்கோட்டையன் வழங்கினார்.
திருவாரூர் மாவட்டத்திலேயே சிறந்த தூய்மை பள்ளிக்கான விருது பெற்றமைக்காக பள்ளித் தலைமையாசிரியர் மற்றும் ஆசிரியர்களை, மாவட்ட  முதன்மைக் கல்வி அலுவலர் மாரிமுத்து, மாவட்டக் கல்வி அலுவலர்கள் விஜயா, ராமன் உள்ளிட்டோர் பாராட்டினர்.


 

More from the section

நிவாரணப் பணிகளை மேற்கொள்ள நடவடிக்கை: மத்திய அமைச்சர் பொன். ராதாகிருஷ்ணன்
கஜா புயலால் டெல்டா மாவட்டம் 30 ஆண்டுகளுக்கு பின்னோக்கிச் சென்றுள்ளது: டிடிவி. தினகரன் 
கஜா புயலால் பாதிக்கப்பட்டவர்களுக்கு நிவாரண உதவி: அமைச்சர்கள் வழங்கினர்


முத்துப்பேட்டை பகுதியில் சீரமைப்புப் பணி: எம்எல்ஏ ஆய்வு

வலங்கைமான் அருகே சாலை மறியல்