வெள்ளிக்கிழமை 16 நவம்பர் 2018

விளையாட்டுப் போட்டியில் சிறப்பிடம்: காவலர்களுக்கு எஸ்பி பாராட்டு

DIN | Published: 12th September 2018 09:25 AM

காவலர்களுக்கான மண்டல அளவிலான விளையாட்டுப் போட்டியில் சிறப்பிடம் பிடித்த தூத்துக்குடி மாவட்டத்தைச் சேர்ந்த காவலர்களை மாவட்ட காவல் கண்காணிப்பாளர் முரளி ரம்பா பாராட்டினார்.
தமிழ்நாடு காவல்துறையின் மாநில அளவிலான 58 ஆவது மண்டலங்களுக்கு இடையான 2018 ஆம் ஆண்டுக்கான  விளையாட்டுப் போட்டி திருச்சி அண்ணா விளையாட்டு மைதானத்தில் அண்மையில் மூன்று நாள்கள் நடைபெற்றது. 
 இதில்,  ஆண்களுக்கான கபடி போட்டியில் தூத்துக்குடி மாவட்ட ஆயுதப்படைப்பிரிவு காவலர்கள் மாநிலத்தில் முதலிடத்தைப் பிடித்து தங்கப் பதக்கத்தை வென்றனர்.  இதேபோல, பெண்களுக்கான வாலிபால் போட்டியில்,  தூத்துக்குடி காவல் துறையைச் சேர்ந்தவர்கள் இடம்பெற்ற அணி மூன்றாவது இடத்தைப்பிடித்தது.
விளையாட்டுப் போட்டிகளில் சிறப்பிடத்தைப் பிடித்தவர்களை மாவட்ட காவல் கண்காணிப்பாளர் முரளி ரம்பா நேரில் அழைத்து பாராட்டினார். மேலும், முக்கியஸ்தர்கள் வாகனத்தை பாதுகாப்பாகவும்,  சாதுர்யமாக ஓட்டுவதற்கான கமாண்டோ பயிற்சியில்,  முதலிடத்தைப் பிடித்த தூத்துக்குடி ஆயுதப்படை காவலர் சிவாவையும் மாவட்ட காவல் கண்காணிப்பாளர் பாராட்டினார்.
 

More from the section

சாத்தான்குளத்தில் பருப்பு, உளுந்து, தானிய வகைகள் திடீர் விலை உயர்வு: பொதுமக்கள் அதிருப்தி
தூத்துக்குடியில் பன்றிக் காய்ச்சலால் சிறுவன் சாவு
"கஜா புயல்: தூத்துக்குடி மாவட்டத்தில் 24 மணி நேரமும் கண்காணிப்பு'
எட்டயபுரத்தில் விவசாயிகள் காத்திருக்கும் போராட்டம்
குழந்தைகள் தின விழாவில் உறுதிமொழி ஏற்பு