மாயனூர் அருகே மொபெட்டில் சென்ற முதியவர் அரசு பேருந்து மோதி இறந்தார்.
கரூர் மாவட்டம் கிருஷ்ணராயபுரம் அடுத்த உள்வீரராக்கியம் பகுதியைச் சேர்ந்தவர் போதுக்கவுண்டர்(79). இவர் தனது மொபெட்டில் வெள்ளிக்கிழமை இரவு கரூர்-திருச்சி தேசிய நெடுஞ்சாலையில் வீரராக்கியம் பிரிவு பகுதியில் சென்றபோது எதிரே வந்த அரசு பேருந்து மோதி இறந்தார். தகவலறிந்த மாயனூர் போலீஸார் சடலத்தை மீட்டுகரூர் அரசு மருத்துவமனைக்கு அனுப்பினர். இதுகுறித்து வழக்குப்பதிந்து அரசு பேருந்து ஓட்டுநர் கோவை மேட்டுப்பாளையத்தைச் சேர்ந்த கிருஷ்ணமூர்த்தியை (46) தேடி வருகின்றனர்.