சனிக்கிழமை 17 நவம்பர் 2018

கும்பம்

(வான்வெளி மண்டலத்தில், பூமி உள்பட எல்லா கிரகங்களும் சூரியனை சுற்றிவருகின்றன. ஆனால், பூமியிலிருந்து பார்க்கும்போது எல்லா கிரகங்களும் பூமியை சுற்றிவருவதுபோல் தோற்றம் அளிக்கிறது. நாமும், காலையில் சூரியன் கிழக்கில் உதயமாவார் என்றும், மாலையில் மேற்கே அஸ்தமனமாவார் என்றும் கூறுகிறோம். அதாவது, சூரியன் சுற்றுவதுபோல் கூறுகிறோம். இத்தகைய தோற்றத்துக்கு GEO CENTRIC POSITION என ஆங்கிலத்தில் குறிப்பிடுவர். பூமியை சூரியன் சுற்றும் பாதைக்கு இருபுறமும் 7½ பாகைகள் கொண்ட நீள்வட்டப் பாதைக்கு ZODIAC என்று பெயர். இந்த ZODIAC ஆனது 360 பாகைகள் கொண்டது. இது 12 பகுதிகளாகப் பிரிக்கப்பட்டுள்ளது. ஒவ்வொரு பகுதிக்கும் ராசி என்று பெயர். 1. மேஷம், 2. ரிஷபம், 3. மிதுனம், 4. கடகம், 5. சிம்மம், 6. கன்னி, 7. துலாம், 8. விருச்சிகம், 9. தனுசு, 10. மகரம், 11. கும்பம், 12. மீனம் ஆகியவை அந்த ராசிகள்). *** கும்பம் (AQUARIUS) இது ஒரு ஆண் ராசி. ஸ்திர ராசி. காற்று ராசியும்கூட. இதற்கும் அதிபதி சனிதான். இது காற்று ராசியாக இருப்பதால், மிகுந்த புத்திக்கூர்மையைத் தரக்கூடியது. நீருடன் உள்ள கும்பம்தான் இதன் அடையாளம். இதன் குறியீடு K. இந்த ராசி கணுக்கால் மற்றும் உடல் நரம்புகளைக் குறிக்கிறது. நரம்பு சம்பந்தமான VERICOSE என்னும் நோய் வரக்கூடும். இந்த வீடு சுக்கிரனுக்கும் புதனுக்கும் நட்பு வீடு. சூரியன், சந்திரன், செவ்வாய், குரு ஆகியோருக்குப் பகை வீடு. இந்த ராசியானது மற்ற கிரகங்களின் கெட்ட பார்வை பட்டால், சோம்பேறித்தனம் பற்றிக்கொள்ளும். எப்போதும் கவலையுடனும், எதிர்மறை எண்ணங்களுடனும் இருப்பார்கள்.

இன்று

நவம்பர் 17 இன்று உழைப்புக்கேற்ற லாபம் கிடைக்கும்.  நல்ல பணப்புழக்கம் இருக்கும். எடுத்த காரியம் அனுகூலத்தைக் கொடுக்கும். மதிப்பு மரியாதை சீராக இருக்கும். வீன்விவாதங்களைத் தவிர்க்கவும்.  அதிர்ஷ்ட நிறம்: மஞ்சள், நீலம் அதிர்ஷ்ட எண்கள்: 1, 3, 9

இந்த வாரம்

நவம்பர் 16 - நவம்பர் 22 (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய) பொருளாதார நிலையில் முன்னேற்றம் ஏற்படும். குடும்பத்தில் குழப்பங்கள் அகலும். மந்தமாக இருந்து வந்த சுபகாரியங்கள் சுறுசுறுப்பாக முடியும். பெயரும் புகழும் அதிகரிக்கும். உடல் ஆரோக்கியம் நன்றாகவே அமையும்.  உத்தியோகஸ்தர்களின் கோரிக்கைகள் உடனுக்குடன் நிறைவேறும். மூத்த அதிகாரிகளும் சக ஊழியர்களும் நட்புடன் பழகுவார்கள். வியாபாரிகள் புதிய முயற்சிகளை  மேற்கொண்டு வெற்றி பெறுவார்கள். விவசாயிகள் அதிக மகசூலைக் காண்பார்கள். கால்நடைகளால் பலன் அதிகரிக்கும். புதிய குத்தகைகள் தானாக வந்தால் மட்டுமே எடுத்துக்கொள்ளவும். அரசியல்வாதிகளின் பொதுச் சேவையை அனைவரும் பாராட்டுவர். மேலிடத்தின் மூலம் புதிய பொறுப்புகள் கிடைக்கும். கலைத்துறையினருக்கு உயர்ந்தவர்களின் உதவியால் புதிய வாய்ப்புகள் கிடைக்கும்.  பெண்மணிகள் கணவரிடம் ஒற்றுமையோடு பழகுவார்கள். கவனமில்லாமல் மனதில் சற்று அமைதி குறையும். மாணவமணிகள் படிப்பில் அதிக மதிப்பெண்களைப் பெறுவார்கள். நண்பர்களிடம் ஒற்றுமையோடு இருப்பீர்கள். பரிகாரம்: திங்களன்று விநாயகருக்கு அருகம்புல் மாலை அணிவித்து வழிபடவும். அனுகூலமான தினங்கள்: 19, 22.   சந்திராஷ்டமம்: இல்லை.

இந்த மாதம்

நவம்பர் மாத பலன்கள் (அவிட்டம் 3, 4 பாதம், சதயம், பூரட்டாதி 1, 2, 3  பாதம்) இந்த மாதம் ராசியில் செவ்வாய் சஞ்சரிப்பதால் எடுத்த காரியங்களில் இருந்து வந்த சுணக்க நிலை மாறும். விரும்பிய இடமாற்றம் உண்டாகும். சுபச்செலவும் அதிகரிக்கும். சகோதரர்கள் மூலம் நன்மை உண்டாகும். மனோதைரியம் கூடும். புதிய நட்பு கிடைக்கும். எதிலும் முயற்சி சிரத்தை எடுப்பது நன்மை  தரும்.  தொழில் ஸ்தானத்தில் சஞ்சரிக்கும் குருபகவானால் தொழில், வியாபாரத்தில் இருந்த தடங்கல்கள் அகலும். பணவரத்து இருந்தாலும் தேவை அதிகரிக்கும். புதிய வாடிக்கையாளர்கள் கிடைக்க பெறுவீர்கள்.  அவர்களால் நன்மையும் உண்டாகும். உத்தியோகத்தில் இருப்பவர்கள் நினைத்ததை சாதிக்க வேண்டும் என்ற வேகத்தில் பணிபுரிவார்கள்.  சிலருக்கு புதிய பதவி அல்லது புதிய பொறுப்புகள் கிடைக்க பெறுவார்கள். சிலருக்கு குடும்பத்தை விட்டு வெளியே சென்று தங்க நேரிடலாம். கணவன், மனைவிக்கிடையே மகிழ்ச்சி நீடிக்கும். குடும்பாதிபதி குருவின் சஞ்சாரத்தால் குடும்பத்தில் விருந்தினர்கள் வருகை இருக்கும்.  வீட்டிற்கு தேவையான பொருட்களை வாங்குவீர்கள்.  திருமண முயற்சிகள் சாதகமான பலன் தரும். பிள்ளைகளுடன் சந்தோஷமாக பொழுதை கழிப்பீர்கள்.  பெண்கள்  அடுத்தவர்களின் வேலைக்காக வீணாக  அலைய நேரிடும். மனோ தைரியம் அதிகரிக்கும். எதிலும் கூடுதல்  கவனத்துடன் செயல்படுவது நல்லது. கலைத்துறையினர் எடுத்த காரியத்தை வெற்றிகரமாக செய்து முடிப்பீர்கள். கொடுக்கல், வாங்கலில் கவனம் தேவை. கஷ்டம் தீரும். பேச்சின் இனிமையால் காரியம் கைகூடும். சுப பலன்கள் ஏற்படும். எதிர்பார்த்த உதவிகள் கிடைக்கும். எதிலும் கூடுதல் கவனத்துடன் செயல்படுவது நல்லது. அரசியல் துறையினருக்கு எதிர்பார்த்த பண உதவி கிடைக்கலாம். மேலிடத்தை அனுசரித்து செல்வது நல்லது. பணிகள் நிறைவடைய அலைய வேண்டி இருக்கும். புதிய பொறுப்புகள் சிலருக்கு கிடைக்கலாம். மாணவர்களுக்கு கல்வியில் வெற்றி பெற முழுமூச்சாக பாடுபடுவீர்கள். புதிய நட்பு கிடைப்பதுடன் அவர்களது ஆலோசனையும் வெற்றிக்கு உதவும். ஆனால் எதிலும் எச்சரிக்கையுடன் செயல்படுவது நல்லது.

அவிட்டம்:
இந்த மாதம் பணவரத்து கூடும். வாக்கு வன்மையால் லாபம் உண்டாகும். வீண் பயணங்களும் அலைச்சலும் உண்டாகும். இடமாற்றம் ஏற்படலாம். கெட்ட கனவுகள் தோன்றும். உஷ்ணம் சம்பந்தமான நோய்கள் வந்து நீங்கும். நேரம் தவறி உண்பதை தவிர்ப்பது நல்லது.

சதயம்:
இந்த மாதம் தொழில், வியாபாரத்தில் மந்த நிலை காணப்படும். வரவேண்டிய பணம் தாமதமாக வரும். சரக்குகள் வருவதும் புதிய ஆர்டர்கள் கிடைப்பதும் எதிர்பார்த்ததை விட குறைவாக இருக்கும். தொழில், வியாபாரம் தொடர்பான அலைச்சல்களும் ஏற்படும். கவனமாக இருப்பது அவசியம். உத்தியோகத்தில் இருப்பவர்களுக்கு கடுமையான வேலை இருக்கும். உத்தியோகம் காரணமாக வெளியில் தங்க நேரிடும். 

பூரட்டாதி:
இந்த மாதம் கணவன், மனைவிக்கிடையே திடீர் பூசல்கள் ஏற்பட்டு சரியாகும். குடும்பச் செலவுகள் கூடும். குடும்பம் பற்றிய கவலைகள் உண்டாகும். உறவினர்கள், நண்பர்களிடம் பேசும்போது நிதானமாக பேசுவது நன்மை தரும். வீண் அலைச்சலும் பயணங்களும் ஏற்படலாம். நேரம் தவறி உண்பதை தவிர்ப்பது நல்லது. சாமர்த்தியமான பேச்சு லாபம் தரும்.

பரிகாரம்: பெருமாளை தரிசித்து வணங்கி வர எதிர்பார்த்த காரிய அனுகூலம் உண்டாகும். கொடுக்கல் வாங்கல் சீர்படும். அதிர்ஷ்ட கிழமைகள்: வளர்பிறை: செவ்வாய், வியாழன்; தேய்பிறை: செவ்வாய், புதன், வெள்ளி; சந்திராஷ்டம தினங்கள்: 4, 5

அதிர்ஷ்ட தினங்கள்: 16, 17, 18
 

இந்த ஆண்டு

தமிழ்ப் புத்தாண்டுப் பலன்கள் - 2018 (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய) இந்த விளம்பி வருடத்தில் ஐப்பசி மாதம் வரை உள்ள காலகட்டத்தில் உங்கள் கஷ்டங்கள் பிரச்னைகள் அனைத்தும் கதிரவனைக் கண்ட பனிபோல் தீர்ந்துவிடும். உடலுழைப்புக்கு இரண்டு மடங்கு லாபம் கிடைக்கும். எடுத்த காரியங்களில் எல்லாம் வெற்றிக்குமேல் வெற்றி கிடைக்கும்.  வருமானத்தின் பெரும்பகுதியை சேமிக்கத் தொடங்குவீர்கள். சிறிய முதலீடுகளில் தொழிலைப் பெருக்கி நல்ல லாபத்தைப் பார்ப்பீர்கள். அதாவது சிறிய நிறுவனங்கள் பெரிய நிறுவனங்களாக மாறிவிடும். அவர்களுடன் கூட்டு சேர்ந்தவர்களும் வளர்ச்சி அடைந்து விடுவார்கள். முடிபெறாது இழுத்தடித்துக் கொண்டிருந்த வம்பு வழக்குகள் வெற்றி பெறும். தைரியமாக எதையும் சமாளிப்பீர்கள்.  பழைய கடன்களையும் திருப்பி அடைந்து விடுவீர்கள். புதிய  தொழில் சம்பந்தமாக வெளியூர் பயணம் நல்லதொரு சூழ்நிலையை உருவாக்கும். சிலருக்கு அன்னியரின் சொத்து அதிர்ஷ்டவசமாகக் கிடைக்கும். சொந்தவீடு வாகனம் வாங்கும் யோகங்கள் உண்டாகும். மனதிற்கு சந்தோஷம் அளிக்கும் வகையில் வெளியூரிலிருந்து நல்ல தகவல்கள் வந்து சேரும். மற்றபடி உங்களின் வாழ்க்கைத்தரம் சீரும் சிறப்புமாக இருக்கும் காலக்கட்டமாக இது அமைகிறது என்றால் மிகையாகாது,  இந்த ஆண்டு கார்த்திகை மாதத்திலிருந்து ஆண்டு இறுதிவரை உள்ள காலகட்டத்தில் மறைமுக எதிர்ப்புகள் தோன்றலாம். இருப்பினும் செய்தொழிலில் பாதிப்பு எதுவும் ஏற்படாது. குழந்தைகளுக்கு சுபநிகழ்ச்சிகள் நடக்கும். சிலருக்கு கலைத்துறையில் நாட்டம் ஏற்படும். சமுதாயத்தில் புதிய பொறுப்புகள் பெற வாய்ப்புகள் தேடிவரும்.  பெற்றோர்களின் உடல்நலம் சீராகும். குடும்பத்திலும் மருத்துவச் செலவுகள் ஏற்படாது. உங்கள் பெயர் புகழ் அந்தஸ்து, கௌரவம் ஆகியவை கூடும். பங்கு வர்த்தகம் போன்றவைகளிலிருந்து தொடர்ந்து சிறு வருவாய் வந்து கொண்டிருக்கும். சிலர் பழைய வாகனங்களை விற்று  விட்டு புதிய வாகனங்களை வாங்குவார்கள். சமுதாயத்தில் உயர்தோரால் பாராட்டப் படுவீர்கள். உடன்பிறந்தோர் சற்று கூடுதலாக எதிர்பார்ப்பார்கள். அவர்களின் நியாயமான கோரிக்கைகளை மகிழ்ச்சியுடன் நிறைவேற்றுவீர்கள். பூர்வீகச் சொத்து சம்பந்தமான விவகாரங்களில் பெரியவர்களின் தலையீட்டினால் கோர்ட்டுக்குச் செல்லாமல் சமாதானமாகச் சென்று பாகப்பிரிவினையை ஏற்றுக்கொள்வீர்கள். எதையும் புத்தி கூர்மையுடனும் சமாளிக்கும் திறமை உண்டாகும் காலக்கட்டமிது என்றால் மிகையாகாது. உத்தியோகஸ்தர்கள் மேலதிகாரிகளை அனுசரித்து நடந்து கொள்வார்கள். சில தவிர்க்க முடியாத வேலைகளை உங்களுக்கு ஒதுக்குவார்கள். அதை முடித்துக்கொடுத்து உங்கள் திறமையை வெளிப்படுத்துவீர்கள். சக ஊழியர்களிடம் நட்போடு பழகுவீர்கள். எந்த நேரம் என்னவாகுமோ என்ற அநாவசியப் பதட்டம் இருக்கும்.  வியாபாரிகளுக்கு போட்டிகளையும் பொறாமைகளையும் சந்தித்தாலும் பொறுமையுடன் இருந்து அவைகளைச் சமாளிப்பீர்கள். உங்களின் சமயோசித புத்தியால் தேவையில்லாத பிரச்னைகளிலிருந்து தப்பித்துக் கொள்வீர்கள். விவசாயிகளுக்கு மகசூல் அதிகரிக்கும். இதனால் புதிய வாழ்க்கை வசதிகளை உருவாக்கிக் கொள்வீர்கள். உங்களுக்குக்கீழ் வேலை செய்பவர்கள் உங்களுக்குத் தேவையான உதவிகளைச் செய்யமாட்டார்கள்.  அரசியல்வாதிகள் தாங்கள் சார்ந்துள்ள கட்சியின் தொண்டர்களுக்கும் நெருங்கியவர்களுக்கும் மிகப்பெரிய உதவிகளைச் செய்து பாராட்டுகளைப் பெறுவீர்கள். கௌரவமும் அந்தஸ்தும் உயரும். நீங்கள் எடுக்கும் முயற்சிகள் உங்களை வெற்றிப்பாதைக்கு இட்டுச் செல்லும்.  கலைத்துறையினருக்கு  இந்த ஆண்டு வரவேற்பு அதிகரிக்கும். திறமைக்குத் தக்க அங்கீகாரமும் விருதுகளும் கிடைக்கும். பொருளாதார நிலை சீராக இருக்கும். மனதில் தோன்றும் எண்ணங்களை உடனுக்குடன் செயல்படுத்த முனைய வேண்டாம்.  பெண்மணிகளுக்கு இந்த ஆண்டு குடும்பத்தில் அமைதி நிலவும். வெளியூர் வெளிநாட்டிலிருந்து இன்பகரமான செய்திகள் வந்து சேரும். கணவரிடம் அனுசரித்து செல்வீர்கள். மாணவமணிகள் கல்வியில் பெருமைபடும்படி மதிப்பெண்களைப் பெறுவார்கள். உள்ளரங்கு விளையாட்டுகளில் ஈடுபட்டு வெற்றி பெறுவீர்கள். 

பரிகாரம்: தேய்பிறை அஷ்டமியில் பைரவரை வழிபட்டு வரவும்.
 

***** ஆங்கிலப் புத்தாண்டுப் பலன்கள் - 2018 (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய) இந்த 2018 ஆம் ஆண்டு  ஜூன் மாதம் வரை உள்ள காலகட்டத்தில் குடும்பத்தில் குதூகலம் நிறையும். உற்றார் உறவினர்கள் ஆதரவுக்கரம் நீட்டுவார்கள். பலவழிகளில் பணம் கைவந்து சேரும். நம்பிக்கையுடன் உங்கள் காரியங்களில் ஈடுபடுவீர்கள். குடும்பத்தில் திருமணம் போன்ற சுப நிகழ்ச்சிகள் நடைபெறும். குழந்தைகள் உங்கள் சொல் கேட்டு நடப்பார்கள். அவர்களும் சிறப்பான வெற்றிகளைக் காண்பார்கள்.  வெளிநாட்டு படிப்புக்கு முயற்சி செய்பவர்கள் பண உதவியுடன் பெயர் பெற்ற பல்கலைக் கழகங்களில் சேருவார்கள். பூர்வீகச் சொத்துகளில் சுமுகமான பாகப்பிரிவினை உண்டாகும். மனதை ஒருமுகப் படுத்தி உழைக்கத் தொடங்குவீர்கள். மற்றவர்களின் மனதைப் புரிந்து கொண்டு அதற்குத் தக்கவாறு நடப்பீர்கள். வீட்டிலும் வெளியிலும் உங்கள் புகழ், கௌரவம் கூடும். மனதை அழுத்திக் கொண்டிருந்த பிரச்னைகள் விலகும். வழக்குகளில் வெற்றி கிடைக்கும். அனைவரிடமும் விட்டுக்கொடுத்துச் செல்வீர்கள். முயலுக்கு மூன்று கால் என்று பிடிவாதம் பிடிக்காமல் அனைவரின் எண்ணங்களுக்கும் வளைந்து கொடுத்துச் சென்று நற்பெயர் எடுக்கும் காலகட்டமாக இது அமைகிறது. ஜூலை மாதம் முதல்  இந்த ஆண்டு இறுதிவரை உள்ள காலகட்டத்தில் வெளியில் கொடுத்திருந்த கடன்களும் திரும்பக் கைவந்து சேரும். முயற்சிகளில் தடை ஏற்பட்ட பிறகே வெற்றி காண்பீர்கள். ஒதுக்கி வைத்திருந்த பயணங்களையும் மேற்கொள்வீர்கள். பொருளாதாரத்தில் முன்னேற்றம் காண கடினமாக உழைக்க வேண்டிவரும். உங்கள் பேச்சில் கடமை உணர்ச்சி மிகுந்திருக்கும். நீங்கள் நியாயவாதி என்று பெயரெடுப்பீர்கள். சிலர் புது வீட்டிற்கு கிரகபிரவேசம் செய்வார்கள். உடல் ஆரோக்கியம் சிறப்படையும். அரசுத்துறையின் மூலம் எதிர்பார்த்த சலுகைகளும் கிடைக்கும். சுகபோக வசதிகளை அனுபவிப்பீர்கள். உங்கள் ஆலோசனைகள் அனைவருக்கும் பயன்படும் காலகட்டமாக இது அமைகிறது. உத்தியோகஸ்தர்களுக்கு பதவி உயர்வு தேடி வரும். வருமானம் சீரும் சிறப்புமாக இருக்கும். விரும்பிய இடமாற்றங்கள் கிடைக்கும். சக ஊழியர்களிடம் சுமுகமான உறவுநிலை தொடருவதால் வேலைகள்குறித்த நேரத்தில் நிறைவேறி விடும். உங்கள் வேலைத் திறனைக்கூட்டிக்கொள்ள புதிய அலுவலக பயிற்சிகளை மேற்கொள்ள வாய்ப்புகள் உண்டாகும். வியாபாரிகள் உழைப்பைக் குறைத்துக்கொள்ளாமல் பாடுபட்டால் எதிர்பார்த்த வருவாய் வருவதற்குத் தடையிராது. கூட்டாளிகளும் நண்பர்களும் சாதகமாக இருப்பார்கள். கொடுக்கல் வாங்கல்கள் அனுகூலமாகவே தொடரும். முயற்சிகள் படிப்படியாக வெற்றிகளைக் கொடுக்கும். கூட்டாளிகளிடம் விட்டுக்கொடுத்து நடந்துகொள்ளவும். கடன்கள் கட்டுக்குள் இருக்கும். விவசாயிகளுக்கு  வருமானம் திருப்திகரமாக இருப்பதால் புதிய விவசாய உபகரணங்களையும் வாங்குவீர்கள். கால்நடைகளால் எதிர்பார்த்த பலன் பெற முடியாமல் போகும்.  அரசியல்வாதிகள் பொதுச்சேûவையில் கண்ணும் கருத்துமாக இருக்க வேண்டும். தொண்டர்கள் அனுகூலமாக இருப்பார்கள். உங்கள் முயற்சியில் தடைகள் உண்டானாலும் இறுதியில் வெற்றி காண்பீர்கள். எதிர்கட்சியினரின் போட்டி பொறாமைகளுக்கு ஆளாக நேரிடும். பயணங்களை அதிகம் செய்யும் ஆண்டாக இது அமையும். கட்சித் தலைமைக்கு தகவல் அனுப்பும்போது எச்சரிக்கையுடன் இருக்கவும். கலைத்துறையினர் படிப்படியாக வளர்ச்சியைக் காண்பார்கள். வருமானம் நன்றாக இருப்பதால் ரசிகர்களுக்கு சிறிது செலவு செய்வீர்கள். சக கலைஞர்களால் சில புதிய வாய்ப்புகளையும் பெறுவீர்கள். புதிய வண்டி வாகனங்களையும் வாங்குவீர்கள். பெண்மணிகளுக்கு குடும்பத்தில் மதிப்பு உயரும். விருந்து நிகழ்ச்சிகளில் கலந்து கொள்வீர்கள். மனமகிழ்ச்சி காணப்படும். குடும்பத்தில் திருமணம் போன்ற சுப காரியங்கள் நடைபெறும். குழந்தை பிறப்பும் உண்டாகும் ஆண்டாகும். மாணவமணிகள் படிப்பில் வெற்றிவாகை சூடுவீர்கள். ஞாபக சக்தி அறிவாற்றல் அதிகரிக்கும். விளையாடும் நேரத்தில் கவனம் தேவை. பெற்றோர் உங்கள் கோரிக்கையை நிறைவேற்றுவர். பரிகாரம்: அனுமனை வழிபட்டு வரவும்.

ராசி பலன்கள்

மேஷம்
ரிஷபம்
மிதுனம்
கடகம்
சிம்மம்
கன்னி
துலாம்
விருச்சிகம்
தனுசு
மகரம்
கும்பம்
மீனம்

எண் ஜோதிடம்:

பிறந்த தேதி பலன்கள்

1
பிறந்த தேதி 1, 10, 19, 28 என்றால்...
2
பிறந்த தேதி 2, 11, 20, 29 என்றால்...
3
பிறந்த தேதி 3, 12, 21, 30 என்றால்...
4
பிறந்த தேதி 4, 13, 22, 31 என்றால்...
5
பிறந்த தேதி 5, 14, 23 என்றால்...
6
பிறந்த தேதி 6, 15, 24 என்றால்...
7
பிறந்த தேதி 7, 16, 25 என்றால்...
8
பிறந்த தேதி 8, 17, 26 என்றால்...
9
பிறந்த தேதி 9 என்றால்...