சனிக்கிழமை 22 செப்டம்பர் 2018

மீனம்

(வான்வெளி மண்டலத்தில், பூமி உள்பட எல்லா கிரகங்களும் சூரியனை சுற்றிவருகின்றன. ஆனால், பூமியிலிருந்து பார்க்கும்போது எல்லா கிரகங்களும் பூமியை சுற்றிவருவதுபோல் தோற்றம் அளிக்கிறது. நாமும், காலையில் சூரியன் கிழக்கில் உதயமாவார் என்றும், மாலையில் மேற்கே அஸ்தமனமாவார் என்றும் கூறுகிறோம். அதாவது, சூரியன் சுற்றுவதுபோல் கூறுகிறோம். இத்தகைய தோற்றத்துக்கு GEO CENTRIC POSITION என ஆங்கிலத்தில் குறிப்பிடுவர். பூமியை சூரியன் சுற்றும் பாதைக்கு இருபுறமும் 7½ பாகைகள் கொண்ட நீள்வட்டப் பாதைக்கு ZODIAC என்று பெயர். இந்த ZODIAC ஆனது 360 பாகைகள் கொண்டது. இது 12 பகுதிகளாகப் பிரிக்கப்பட்டுள்ளது. ஒவ்வொரு பகுதிக்கும் ராசி என்று பெயர். 1. மேஷம், 2. ரிஷபம், 3. மிதுனம், 4. கடகம், 5. சிம்மம், 6. கன்னி, 7. துலாம், 8. விருச்சிகம், 9. தனுசு, 10. மகரம், 11. கும்பம், 12. மீனம் ஆகியவை அந்த ராசிகள்). ***​ மீனம் (PISCES) (இது ராசி மண்டலத்தின் கடைசி ராசி; இது ஒரு பெண் ராசி. உபய ராசி. இரட்டை ராசி. இதன் உருவம் இரண்டு மீன்கள். இதன் சின்னம் L. இரண்டு மீன்கள் எதிர் எதிர் திசையில் பிணைத்திருப்பது போன்றது. உடல் உறுப்புகளில் கால்களைக் குறிக்கிறது. இங்கு சுக்கிரன் உச்சம் பெறுகிறார். புதன் நீச்சம் பெறுகிறார். இந்த ராசியானது சூரியன், சந்திரன், செவ்வாய் ஆகியோருக்கு நட்பு ராசி. இங்கு சூரியன் இருந்தால், ரத்த ஓட்டம் சம்பந்தமான நோய்கள் வரக்கூடும். ஏனெனில், சூரியன் 6-ம் வீட்டு அதிபதி அல்லவா? இங்கு சந்திரன் இருந்தால் சிலர் குடிப்பழக்கத்துக்கு ஆளாகக்கூடும். செவ்வாய், இருந்தால், கால்களில் எலும்பு முறிவு போன்ற பாதிப்புகளை ஏற்படுத்தக்கூடும். புதன் இருந்தால், நரம்பு சம்பந்தமான பிரச்னைகள் ஏற்படக்கூடும். குரு இருந்தால், கால்களில் வீக்கம், அடிவயிற்றில் கட்டிகள் போன்றவை ஏற்படக்கூடும். சனி முடக்குவாதத்தை ஏற்படுத்தக்கூடும்.

இன்று

செப்டம்பர் 22

இன்று தொழில் வியாபாரம் சீராகும். தொழில் தொடர்பாக எடுக்கும் முயற்சிகள் வெற்றியை தரும். வியாபாரத்திற்கு தேவையான  பண உதவி கிடைக்கும். போட்டிகள் குறையும். உத்தியோகத்தில் இருப்பவர்கள் தன்னம்பிக்கையுடன் செயல்பட்டு வெற்றியை பெறுவார்கள்.  சக ஊழியர்களுடன் இருந்த பிரச்சனைகள் தீரும். 
அதிர்ஷ்ட நிறம்: மஞ்சள், வெள்ளை
அதிர்ஷ்ட எண்: 9, 3

இந்த வாரம்

செப்டம்பர் 21 - செப்டம்பர் 27 மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய) தேவைகள் அனைத்தும் பூர்த்தியாகும். பணவரவுக்குக் குறைவு இருக்காது. வீடு மற்றும் தொழில் மாற்றத்திற்கு இது ஏற்ற காலமாகும். குடும்பத்தில் பிரச்னைகள் இருந்தாலும் அனைவரையும் அனுசரித்துச் செல்வது உத்தமம்.  உத்தியோகஸ்தர்களுக்கு அலைச்சலும் வேலைப்பளுவும் அதிகரிக்கும். சிலருக்கு விரும்பத்தகாத இடமாற்றங்கள் ஏற்படும். வியாபாரிகள் கடுமையாக உழைக்க நேரிடும். வியாபாரத்தை மற்றவர்களை நம்பி ஒப்படைக்காமல் நேரடியாக கவனிக்கவும். விவசாயிகளுக்கு மகசூல் பெருகும். கடுமையாக முயற்சித்து மேலும் முன்னேற நினைப்பீர்கள்.  அரசியல்வாதிகளின் பேச்சுக்கு நல்ல வரவேற்பு கிடைக்கும் என்றாலும் கட்சி மேலிடத்திடம் கவனம் தேவை. கலைத்துறையினர் புதிய ஒப்பந்தங்களைப் பெறுவீர்கள். புதிய நண்பர்களால் பலன் அடைவீர்கள். பெண்மணிகளுக்கு பணவரவு  சீராக இருக்கும்.  அனைவரையும் அனுசரித்து நடக்கவும். மாணவமணிகள் பெற்றோரின் ஆதரவுடன் வேலைகளைச் செய்து முடிப்பீர்கள். விளையாட்டுகளிலும் ஈடுபடுவது நல்லது. பரிகாரம்: செவ்வாய் கிழமைகளில் துர்க்கையை வழிபடவும்.   அனுகூலமான தினங்கள்: 26, 27. 

சந்திராஷ்டமம்: இல்லை.
 

இந்த மாதம்

செப்டம்பர் மாத பலன்கள் (பூரட்டாதி 4ம் பாதம், உத்திரட்டாதி, ரேவதி)

கிரகநிலை:
தனவாக்கு குடும்ப ஸ்தானத்தில் சந்திரன் - பஞ்சம பூர்வ புண்ணிய ஸ்தானத்தில் ராஹூ - ரண ருண ரோக ஸ்தானத்தில் சூர்யன், புதன் - அஷ்டம ஆயுள் ஸ்தானத்தில் குரு, சுக்ரன் - தொழில் ஸ்தானத்தில் சனி - லாப ஸ்தானத்தில் செவ்வாய் (வ), கேது என கிரகங்கள் வலம் வருகின்றன.  

கிரகமாற்றம்:
15.09.2018 அன்று பகல் 2.06 மணிக்கு புதன் பகவான்  ரண ருண ரோக ஸ்தானத்தில் இருந்து களத்திர ஸ்தானத்திற்கு மாறுகிறார்.
17.09.2018 அன்று மாலை 05.16 மணிக்கு சூர்ய பகவான் ரண ருண ரோக ஸ்தானத்தில் இருந்து களத்திர ஸ்தானத்திற்கு மாறுகிறார்.

பலன்:
இந்த மாதம் ரண ருண ரோகாதிபதியை ஆட்சி நிலையில் அமையப்பெறும் மீன ராசி அன்பர்களே,
குடும்பத்திற்காக ஓய்வில்லாமல் உழைக்க வேண்டி வரலாம். பிரச்சினைகளை குடும்பத்தாரின் காதிற்கு கொண்டு செல்ல மாட்டீர்கள். மூத்த சகோதரி அல்லது சகோதரர்களால் இருந்து வந்த மனக் கசப்பு குறையும். உங்களை தானே மனம் வந்து இல்லத்திற்கு அழைப்பார்கள். நீங்களும் விட்டுக் கொடுத்து செல்லுங்கள். பிள்ளைகள் நலனில் அக்கறை என்ற பெயரில் அவர்களை மிகவும் வெறுமைப் படுத்த வேண்டாம்.

தொழில் சார்ந்த கடன்களை அடைக்க  முடியும். தாமதமாக நடந்தாலும் சிறப்பான பலன்களை சில காரியங்களில் பெறுவீர்கள். உங்களுக்கு வர வேண்டிய பொருட்கள் தாமதமாக வருவதற்கான சூழலும் உள்ளது. எனினும் கவலை வேண்டாம். உத்யோகஸ்தர்களுக்கு வரவேண்டிய பணம் வந்து சேரும். நிலுவையில் இருந்த பாக்கிகளும் கைக்கு கிடைக்கும். தொழிலுக்காக புதிய இடம் வாங்குவதற்கும் வாய்ப்பு உள்ளது. அரசியல்துறையினருக்கு எந்த ஒரு விஷயத்திலும் வேகம் காட்டினாலும் அதே நேரத்தில் அதில் உள்ள நன்மை தீமைகள் பற்றி ஆலோசித்து முடிவு எடுப்பது அவசியமாகிறது. காரிய அனுகூலம் உண்டாகும். காரிய தடைதாமதம் ஏற்படும். எதிர்பார்த்தபடி எதுவும் நடக்காமல் இழுபறியாக இருக்கும்.  கலைத்துறையினருக்கு இழுபறி நிலை மாறி மன மகிழும்படியாக எல்லாம் நடந்து முடியும். தொழில் மந்தமாக இருக்கும். பழைய பாக்கிகள் வசூலாவதில் தாமதம் இருக்கும். கொடுக்கல், வாங்கலில் கவனம் தேவை. பணவரத்து இருக்கும். பணிகள் தொடர்பான பயணம் செல்ல வேண்டி இருக்கலாம். பெண்கள் நினைத்ததை சாதித்துக் கொள்வீர்கள். ஆடை ஆபரணங்கள் வாங்கி மகிழ்வீர்கள். வீட்டிற்குத் தேவையானதை வாங்கி மகிழ்வீர்கள். மாணவர்களின் அறிவுத் திறமை வெளிப்படும். ஆசிரியர்களிடம் பாராட்டு பெற்வீர்கள். மனதில் உற்சாகம் பிறக்கும்.

பூரட்டாதி 4ம் பாதம்:
இந்த மாதம் தெய்வ அனுகூலத்தால் கஷ்டங்களில் இருந்து விடுபட்டு முன்னேற்றம் வந்து சேரும். அதீத உழைப்பின் மூலம் வெற்றிகள் கிடைக்கும். வழக்கு, வியாஜ்ஜியங்கள் சாதகமாக இருக்கும். அதனால் சிலருக்கு கடன்கள் வரலாம்.

உத்திரட்டாதி:
இந்த மாதம் குடும்பத்தில் உறவினர்கள் முறையில் நிலவி வந்த பிரச்சனைகள் அனைத்தும் அடியோடு மறையும். சுப நிகழ்ச்சிகள் குடும்பத்தில் நிகழும். உங்கள் முயற்சிகளில் வெற்றியையும். பொருளாதார வளத்தையும் குடும்பத்தில் மகிழ்ச்சி அதிகரிப்பதையும் காண்பீர்கள். 

ரேவதி:
இந்த மாதம் கணவன், மனைவியிடையே அன்யோன்யம் அதிகரிக்கும். குழந்தை பாக்கியம் கிடைக்கும். உத்தியோகஸ்தர்கள் உத்தியோகம் பார்ப்பவர்கள் முன்னேற்றம் காண்பர். பதவி உயர்வு, சம்பள உயர்வு, போன்றவை தங்கு தடையின்றி கிடைக்கும். உடன் பணிபுரிபவர்கள் ஆதரவுடன் இருப்பர். 

சந்திராஷ்டம தினங்கள்: 13, 14
அதிர்ஷ்ட தினங்கள்: 6, 7, 8
அதிர்ஷ்ட கிழமைகள்: திங்கள் - செவ்வாய்
பரிகாரம்: விஷ்ணுவிற்கு தாமரை மலரை அர்ப்பணித்து வர உடல் உபாதைகள் குறையும்.
 

இந்த ஆண்டு

தமிழ்ப் புத்தாண்டுப் பலன்கள் - 2018 (பூரட்டாதி 4-ம் பாதம் முதல் உத்திரட்டாதி, ரேவதி முடிய) இந்த விளம்பி வருடத்தில் ஐப்பசி மாதம் வரை உள்ள காலகட்டத்தில் எதற்கும் மனம் தளராது வருவது வரட்டும் என்று காரியமாற்றுவீர்கள். இறுதியில் வெற்றியும் பெறுவீர்கள். நல்லவர்கள் தானாகவே úடிவந்து நட்பு கொள்வார்கள். குடும்ப ஒற்றுமை முன்னிலும் பலமாக அமையும். தொழில் வகையில் பிரச்னை என்று எதுவும் வராது. எதிர்ப்புகள் இருப்பினும் அவைகள் கூடிய மட்டும் பலகீனமுடையதாகவே இருக்கும். அசையாச் சொத்து வகையில் ஒரு பெரிய மாற்றம் உண்டாகும். அதன் வழியில் நல்ல பெயர் ஏற்படுவதுடன் மனநிறைவும் உண்டாகும். உங்கள் மனிதாபிமான சிந்தனையால் மற்றவர்களுக்கு உதவி செய்வீர்கள்.  அரசு அதிகாரிகள் உங்களுக்குத் தேவையான  உதவிகள் செய்வார்கள். உங்களுக்குக் கீழ் வேலை செய்பவர்களுக்குத் தேவையான உதவிகளைச் செய்வீர்கள். ஓடி ஆடி கடமையுடன் உழைத்து வருமானத்தைப் பெருக்குவீர்கள். தடைபட்டிருந்த கட்டடப் பணிகளையும் தொடர்ந்து முழுமையாக முடித்து கிரகப்பிரவேசத்தையும் செய்வீர்கள். நீங்கள் சார்ந்துள்ள துறையில் புதிய யுக்திகளைக் கற்று நிபுணத்துவம் பெறுவீர்கள். கையிருப்புப் பொருள்களை பத்திரப்படுத்திக் கொண்டு விழிப்புடன் செலவழிக்கும் காலக்கட்டமாக இது அமைகிறது என்றால் மிகையாகாது. இந்த ஆண்டு கார்த்திகை மாதத்திலிருந்து ஆண்டு இறுதிவரை உள்ள காலகட்டத்தில் குடும்பத்தின் பகைமை மறைந்து நேசமுண்டாகும். கொடுக்கல் வாங்கல்களில் சரளமான போக்கு தென்படும். பொருளாதாரத்தில் படிப்படியான முன்னேற்றம் உண்டாகும். தற்காலிகமாக தொழில் செய்தவர்கள் நிரந்தரமாகத் தொழில் செய்வார்கள். சிலருக்கு அரசாங்கத்திலிருந்து கௌரவமும் அங்கீகாரமும் சன்மானமும் கிடைக்கும். குடும்பத்துடன் அயல்நாடுக்கு சுற்றுலா சென்று வருவீர்கள்.  உங்களின் தனித்தன்மை வெளிப்படும்.  தன்னம்பிக்கை கூடும். போட்டிகளைச் சுலபமாக எதிர்கொள்வீர்கள். புதிய பொறுப்புகள் கிடைக்கும். குழந்தைகளை ஆன்மிகத்தில் ஈடுபடுத்துவீர்கள். ஞானிகள் மகான்களின் தரிசனம் சிரமமின்றி கிடைக்கும். சிலர் புதிய வீடு வாங்கி அங்கே குடியேறுவார்கள். பெற்றோர்களின் முழு ஆதரவையும் பெறுவீர்கள். குடும்பத்தில் மருத்துவச் செலவுகள் என்று எதுவும் இராது. சென்ற இடமெல்லாம் புகழ் என்று கூறலாம். எடுத்த காரியத்தை முடிக்காமல் விடுவதில்லை என்கிற உறுதியுடன் நீங்கள் செயல்படுகிற காலகட்டமிது என்றால் மிகையாகாது. உத்தியோகஸ்தர்களுக்கு பதவி உயர்வு தேடிவரும். வருமானம் சீரும்சிறப்புமாக இருக்கும். விரும்பிய இடமாற்றங்களும் கிடைக்கும். உங்களுக்கு மேலதிகாரிகளின் அன்பும் ஆதரவும் கிடைக்குமென்றாலும் உங்களின் பேச்சினால் சில அபவாதங்களையும் தேடிக்கொள்வீர்கள். சக ஊழியர்களின் சுமுகமான உறவுநிலை தொடருவதால் உங்களின் வேலைகள் குறித்த காலத்திற்குள் நிறைவேறிவிடும். உங்களின் வேலைத்திறனைக் கூட்டிக்கொள்ள புதிய அலுவலகப் பயிற்சிகளை மேற்கொள்ளும் வாய்ப்பு உண்டாகும். வியாபாரிகளுக்கு வியாபாரம் நன்றாக நடப்பதால் பொருளாதாரம் அபிவிருத்தி அடையும். பழைய கடன்களை அடைத்துவிடும் ஆண்டாகும். வியாபாரத்தைப் பெருக்க புதிய வண்டி வாகனங்களை வாங்குவீர்கள்.  விவசாயிகளுக்கு நீர்வரத்து அதிகமாக இருப்பதால் தகுந்த நேரத்தில் அனைத்து வளமையை கூட்டிக்கொள்ள முற்படுங்கள். விளைச்சல் திருப்திகரமாக இருக்குமாகையால் விளைபொருள்களின் விற்பனை மிகவும் நன்றாக இருக்கும்.   அரசியல்வாதிகள் அனைவரையும் அரவணைத்துச் செல்வார்கள். கட்சி மேலிடத்தின் ஆதரவு கனிவான பார்வை உங்கள் மீது விழும். அரசு அதிகாரிகளிடம் உங்கள் செல்வாக்கு உயரும். உங்களை மறைமுகமாக எதிர்த்தவர்கள் அடங்கி விடுவார்கள். புதிய முயற்சிகளை தொண்டர்களின் ஆலோசனைகளைக் கேட்டப்பின்பே  செயல்படுத்தவும். கலைத்துறையினர் படிப்படியாக வளர்ச்சியைக் காண்பார்கள். சக கலைஞர்களால் நன்மைகள் பெறுவீர்கள். பெண்மணிகளுக்கு குடும்பத்தினரிடம் ஆதரவு கிடைக்கும். வருமானம் சிறப்பாக இருக்கும். அனைவரிடமும் விட்டுக்கொடுத்து நடந்து கொள்ளுங்கள். மாணவமணிகள் படிப்பில் வெற்றி வாகை சூடுவீர்கள். அறிவாற்றலும் பெருகும். ஞாபக சக்தியும் கூடும்.  பரிகாரம்: "நமசிவாய' என்று ஜபித்து சிவபெருமானை வழிபட்டு வரவும். ***** ஆங்கிலப் புத்தாண்டு பலன்கள் - 2018  (பூரட்டாதி 4-ம் பாதம் முதல் உத்திரட்டாதி, ரேவதி முடிய) இந்த 2018 ஆம் ஆண்டு  ஜூன் மாதம் வரை உள்ள காலகட்டத்தில் உங்கள் செயல்களை உடனுக்குடனும் பொறுப்புடனும் நிதானத்துடனும் செய்து முடிப்பீர்கள்.  நீங்கள் செய்த சிறிய முதலீடுகளை விரிவுபடுத்துவீர்கள். குடும்பத்தில் உள்ளவர்களிடம் அனுசரித்து நடந்து கொள்வீர்கள்.  எவருக்கும் கடன் கொடுக்க வேண்டாம்.  மனதில் எதிர்நீச்சல் போடும் தெம்பு உண்டாகும்.  உங்களின் வைராக்கியம் கூடும்.  உங்களை ஏமாற்ற நினைக்கும் நண்பர்களின் சூழ்ச்சிகளைப் புரிந்து கொள்வீர்கள். உடலில் பொலிவு கூடும். இக்கட்டான தருணங்களில் மனமுதிர்ச்சியுடனும் விவேகத்துடனும் நடந்து கொள்வீர்கள். உங்கள் தேவைகள் அனைத்தும் பூர்த்தியாகும். எவருக்கும் கடன் கொடுக்க வேண்டாம். மனதில் எதிர்நீச்சல் போடும் தெம்பு உண்டாகும். உங்கள் வைராக்கியம் கூடும். உங்கள் முயற்சிகளில் முழு ஆற்றலை வெளிப்படுத்துவீர்கள்.  புதிய முயற்சிகளை செய்வதன் மூலம் புதிய அனுபவங்களைப் பெறுவீர்கள். அனாவசியப் பயணங்களைத் தள்ளி வைக்கவும். ஜூலை மாதம் முதல்  இந்த ஆண்டு இறுதிவரை உள்ள காலகட்டத்தில் வருமானம் உயரத்தொடங்கும். குடும்பத்தில் சுப காரியங்கள் நடக்கும். குழந்தைகளுக்கும் நன்மைகள் உண்டாகும். முக்கிய முடிவுகளை எடுப்பீர்கள். உங்கள் ஆசைகள் ஒவ்வொன்றாக நிறைவேறக் காண்பீர்கள். தொழில் வகையில் இருந்த சங்கடங்கள் நீங்கி முன்னேற்றகரமான திருப்பங்கள் உண்டாகும். பழைய கடன்களை திருப்பி அடைத்துவிட்டு புதிய சேமிப்புகளிலும் ஈடுபடுவீர்கள்.  உடலில் இருந்த நோய்கள் மறைந்து உடல் ஆரோக்கியம் சிறக்கத் தொடங்கும். பொதுப்பணிகளில் ஆர்வம் கூடும். மகிழ்ச்சி தரும் பயணங்களைச் செய்வீர்கள். ஷேர் மார்கெட் போன்றவற்றிலிருந்து திடீர் பணவரவும் உண்டாகும். ஆன்மிக நாட்டம் அதிகரிக்கும். குலதெய்வ வழிபாடுகளைச் சிறப்பாகச் செய்வீர்கள். போட்டிகளைத் தனித்து நின்று சமாளிப்பீர்கள். புதிய திட்டங்களைத் தீட்டி வெற்றி பெறுவீர்கள். நடையில் மிடுக்கு தோன்றும். உழைப்பிற்கு இரண்டு மடங்கு பலன் தரும் காலகட்டமாக இது அமைகிறது என்றால் மிகையாகாது.  உத்தியோகஸ்தர்களுக்கு அலுவலகத்தில் சுமுகமான சூழ்நிலை காணப்படும். உங்கள் வேலைகளைத் தனித்தன்மையுடன் செய்து முடிப்பீர்கள். பணப்புழக்கம் அதிகமாகும். வேலைகளுக்குரிய அங்கீகாரத்தை மேலதிகாரிகள் வழங்குவார்கள். சக ஊழியர்கள் சற்று தள்ளியே இருப்பார்கள். உங்களின் அமைதியான அணுகுமுறையினால் அரவணைத்துச் செல்லவும். மனதில் இருந்த ஒருவித பயம் விலகி தெளிவாக காரியமாற்றுவீர்கள். வியாபாரிகள் போட்டிகளையும் பொறாமைகளையும் சந்தித்தாலும் பொறுமையுடன்இருந்து அவைகளைச் சமாளிப்பார்கள்.  புதிய வாடிக்கையாளர்களையும் புதிய சந்தைகளையும் நாடிச் செல்வீர்கள். கொடுக்கல் வாங்கல்கள் சற்று ஏற்ற இறக்கமாக இருக்கும் ஆண்டாக இது அமைகிறது. விவசாயிகள் கொள் முதல் லாபங்களைப் பெறுவார்கள். உங்கள் பேச்சுக்கு உங்களுக்குக்கீழ் வேலை செய்யும் தொழிலாளர்கள் மதிப்பு கொடுப்பார்கள். குடும்பத்தில் சுபநிகழ்ச்சிகளை நடத்தி மகிழ்வீர்கள். உழைப்புக்கு ஏற்ற வருமானத்தைக் காண்பீர்கள்.  அரசியல்வாதிகள் தாங்கள் சார்ந்துள்ள கட்சித் தொண்டர்களுக்கும் மற்ற நெருங்கியவர்களுக்கும் மிகப்பெரிய உதவிகளைச் செய்து பாராட்டுகளைப் பெறுவீர்கள். உங்கள் கௌரவம் உயரும். சமுதாயத்தில் புதிய அந்தஸ்து உண்டாகும். உங்கள் முயற்சிகள் வெற்றிப்பாதைக்கு இட்டுச் செல்லும்.  கலைத்துறையினரின் முயற்சிகள் வீண் போகாது. சக கலைஞர்களுக்கு தக்க நேரத்தில் உதவி செய்து உங்கள் நிலையை உயர்த்திக் கொள்வீர்கள். ரசிகர்கள் ஆதரவாக இருப்பார்கள். கூடுதல் பணவரவும் உண்டாகும்.  பெண்மணிகளுக்கு குடும்பத்தில் அமைதி நிறையும். வெளியூர் வெளிநாட்டிலிருந்து இன்பகரமான செய்திகள் வந்து சேரும். கணவரிடம் அனுசரித்து நடந்து கொள்வீர்கள். எவரிடமும் வீண் வாக்கு வாதங்களில் ஈடுபட வேண்டாம். மாணவமணிகள் சிறுசிறு குழப்பங்களை சந்திப்பீர்கள். படிப்பில் முழு அக்கறையை காட்டவும்.  பரிகாரம்: ஸ்ரீ ராமரை வழிபட்டு வரவும்.

ராசி பலன்கள்

மேஷம்
ரிஷபம்
மிதுனம்
கடகம்
சிம்மம்
கன்னி
துலாம்
விருச்சிகம்
தனுசு
மகரம்
கும்பம்
மீனம்

எண் ஜோதிடம்:

பிறந்த தேதி பலன்கள்

1
பிறந்த தேதி 1, 10, 19, 28 என்றால்...
2
பிறந்த தேதி 2, 11, 20, 29 என்றால்...
3
பிறந்த தேதி 3, 12, 21, 30 என்றால்...
4
பிறந்த தேதி 4, 13, 22, 31 என்றால்...
5
பிறந்த தேதி 5, 14, 23 என்றால்...
6
பிறந்த தேதி 6, 15, 24 என்றால்...
7
பிறந்த தேதி 7, 16, 25 என்றால்...
8
பிறந்த தேதி 8, 17, 26 என்றால்...
9
பிறந்த தேதி 9 என்றால்...