ரூ.97 கோடி மதிப்புக்கு ஜெர்மன் பிராண்டை வாங்கியது இமாமி

இந்தியாவைச் சேர்ந்த இமாமி நிறுவனம் ஜெர்மனியின் மிகவும் புகழ்பெற்ற கிரீமி 21 என்ற பிராண்டை 12 மில்லியன் யூரோ (ரூ.97 கோடி) மதிப்புக்கு கையகப்படுத்தியுள்ளது.

இந்தியாவைச் சேர்ந்த இமாமி நிறுவனம் ஜெர்மனியின் மிகவும் புகழ்பெற்ற கிரீமி 21 என்ற பிராண்டை 12 மில்லியன் யூரோ (ரூ.97 கோடி) மதிப்புக்கு கையகப்படுத்தியுள்ளது.
இதுகுறித்து இமாமி நிறுவனத்தின் இயக்குநர் ஹர்ஷா வி. அகர்வால் கூறியதாவது:
இவ்வளவு பெரிய தொகையில் சர்வதேச கையகப்படுத்தல் நடவடிக்கையொன்றை  இமாமி மேற்கொள்வது இதுவே முதல் முறை. இதற்கு, முன்பாக, சிறிய நிறுவனத்தை ஏற்கெனவே கையகப்படுத்தியுள்ளோம்.
ஜெர்மனியின் கிரீமி 21 பிராண்ட் 11-12 மில்லியன் யூரோ மதிப்புக்கு கையகப்படுத்தப்பட்டுள்ளது. இதன் மூலம் இமாமி நிறுவனத்தின் சர்வதேச நிறுவனத்தின் வருவாய் கூடுதலாக 15 சதவீதம் அளவுக்கு உயரும்.
தனிநபர் பராமரிப்பு பொருள்கள் பிரிவில் நிறுவனத்தின் வர்த்தகம் சர்வதேச சந்தையில் இன்னும் பரவலாக அதிகரிக்க இந்த கையகப்படுத்துதல் நடவடிக்கை பேருதவியாக இருக்கும். இந்தியாவில் மட்டும் இப்பிரிவிலான வர்த்தகம் 70 சதவீதம் அளவுக்கு உள்ளது என்றார் அவர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com