செய்திகள்

தீபிகா படுகோன் - ரன்வீர் திருமணத்துக்காக வழங்கப்பட்ட கிருஷ்ணா ஸ்வீட்ஸ்!

எழில்

ஹிந்தி திரையுலக நட்சத்திரங்கள் ரண்வீர் சிங்- தீபிகா படுகோன் திருமணம், இத்தாலியில் நடைபெற்றது. இத்தாலியில் உள்ள லேக் கோமா நகரில் சொகுசு பங்களா ஒன்றில் இவர்களின் திருமணம் நடைபெற்றது. திருமணத்துக்கு ஹிந்தி திரையுலகைச் சேர்ந்த ஷாரூக் கான், சஞ்சய் லீலா பன்சாலி, ஃபாரா கான் மற்றும் நெருங்கிய உறவினர்கள், நண்பர்களுக்கு மட்டுமே அழைப்பு விடுக்கப்பட்டிருந்ததாகத் தெரிகிறது. தீபிகா படுகோன் கொங்கனி சமூகத்தைச் சேர்ந்தவர். ரண்வீர் சிங், மும்பையைச் சேர்ந்த சிந்தி குடும்பத்தைச் சேர்ந்தவர். இதனால், ரண்வீர் சிங்- தீபிகா திருமணம் புதன்கிழமை கொங்கனி முறைப்படி நடைபெற்றது. வியாழக்கிழமை சிந்தி குடும்ப முறைப்படி திருமணம் நடைபெற்றது. 

பெங்களூரில் வரும் 21-ம் தேதியும், மும்பையில், வரும் 28-ம் தேதியும் திருமண வரவேற்பு நிகழ்ச்சி நடைபெறுகிறது. இந்த நிகழ்ச்சிகளில் நண்பர்களுக்கும், திரையுலகினருக்கும் இவர்கள் விருந்தளிக்கிறார்கள். ரண்வீர் சிங்கும், தீபிகா படுகோனும், ராம் லீலா, பத்மாவத், பாஜிராவ் மஸ்தானி ஆகிய திரைப்படங்களில் இணைந்து நடித்துள்ளனர்.

இந்நிலையில் தன்னுடைய நண்பர்களும் ஊடகத்தினருக்கும் திருமணம் தொடர்பாக நன்றிக் கடிதமும் இனிப்புகளையும் வழங்கியுள்ளார்கள் தீபிகாவும் ரன்வீரும். இனிப்புகளில் நம் ஊரைச் சேர்ந்த கிருஷ்ணா ஸ்வீட்ஸின் மைசூர்பாவும் வட இந்திய ஸ்வீட்ஸும் தனித்தனியாக அனைவருக்கும் அனுப்பி வைக்கப்பட்டுள்ளன. இதையடுத்து தீபிகா-ரன்வீருக்கு நன்றி தெரிவித்து பலரும் சமூகவலைத்தளங்களில் பதிவுகள் எழுதியுள்ளார்கள். அதில் கிருஷ்ணா ஸ்வீட்ஸின் சுவை குறித்தும் பலர் பாராட்டி எழுதியுள்ளார்கள். தீபிகா சார்பாக வழங்கப்பட்ட கிருஷ்ணா ஸ்வீட்ஸ், பெங்களூர் கிளையில் வாங்கப்பட்டுள்ளது.

இதுதொடர்பாகச் சமூகவலைத்தளங்களில் வெளியான புகைப்படங்கள்:

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

மதுபான விடுதி: மேற்கூரை இடிந்து 3 பேர் பலி!

தில்லிக்காக 100-வது போட்டியில் விளையாடும் முதல் வீரர் ரிஷப் பந்த்; மற்ற அணிகளுக்கு யார் தெரியுமா?

பெங்களூரு குண்டுவெடிப்பு: முக்கிய குற்றவாளி கைது!

பும்ராவை சரியாக பயன்படுத்தவில்லை; ஸ்டீவ் ஸ்மித் கருத்து!

மும்பை விழாவில் அழகு பதுமைகள் அணிவகுப்பு - புகைப்படங்கள்

SCROLL FOR NEXT