செவ்வாய்க்கிழமை 20 நவம்பர் 2018

விலையை கட்டுப்படுத்துவதில் காங்கிரஸை போல பாஜகவும் தோல்வி: மாயாவதி குற்றச்சாட்டு

DIN | Published: 12th September 2018 01:20 AM


பெட்ரோலியப் பொருள்களின் விலையை கட்டுப்படுத்துவதில் காங்கிரஸை போல பாஜகவும் தோல்வியடைந்து விட்டதாக பகுஜன் சமாஜ் கட்சித் தலைவர் மாயாவதி குற்றம்சாட்டியுள்ளார்.
இதுகுறித்து மாயாவதி வெளியிட்டுள்ள அறிக்கையில் தெரிவிக்கப்பட்டிருப்பதாவது:
மத்தியில் முன்பு ஆட்சியிலிருந்த காங்கிரஸ் தலைமையிலான ஐக்கிய முற்போக்குக் கூட்டணி 2ஆவது அரசு ஆட்சிக்காலத்திலும் மக்கள் விரோத கொள்கைகள் செயல்படுத்தப்பட்டன. அதேபோல், தற்போது ஆட்சியிலிருக்கும் பிரதமர் நரேந்திர மோடி தலைமையிலான அரசும், மக்கள் விரோத கொள்கைகளை செயல்படுத்துகிறது.
விலைவாசி உயர்வால் நாட்டு மக்கள் துன்பப்படும் நிலையில், பொருளாதாரம் தொடர்பான கேள்விகளுக்கு பாஜக தலைவர்கள் பதிலளிப்பதை தவிர்க்கின்றனர். பெட்ரோலியப் பொருள்கள் தொடர்பாக நடைமுறைக்கு ஒவ்வாத, நியாயமில்லாத கொள்கையை மத்திய அரசு கடைப்பிடித்து வருகிறது.
பெட்ரோலியப் பொருள்களின் விலை கட்டுப்பாட்டை மீறி சென்று விட்டது. மத்தியில் இருக்கும் நரேந்திர மோடி தலைமையிலான அரசு, இந்த விவகாரத்தில் தனது தொழிலதிபர்கள் நண்பர்களை பகைத்து கொள்ள விரும்பவில்லை.
பெட்ரோலியப் பொருள்களின் விலை உயர்வை கட்டுப்படுத்துவதில், மத்தியில் ஆளும் மோடி அரசு எந்தவித நடவடிக்கையையும் எடுக்கவில்லை. பெட்ரோலியப் பொருள்களின் விலையை கட்டுப்படுத்துவதில் காங்கிரஸும், பாஜகவும் தோல்வியடைந்து விட்டன. இதனால் பாதிக்கப்படும் நடுத்தர வர்க்கத்தினர், ஏழைகள் மீது மோடி அரசு இரக்கம் காட்டவில்லை. மத்திய அரசு விரும்பினால், பெட்ரோல்-டீசல் விலை உயர்வை கட்டுப்படுத்த முடியும் என்று அந்த அறிக்கையில் மாயாவதி குறிப்பிட்டுள்ளார்.
 

More from the section

இந்தியக் கடற்படைக்கு  போர்க்கப்பல்கள் தயாரிக்க இந்தியா - ரஷ்யா இடையே ரூ.3570 கோடி ஒப்பந்தம் கையெழுத்து  
ராமர் கோவில் கட்டுவோம் என்பது வெற்று வாக்குறுதிதானா?: பாஜகவுக்கு சிவசேனா கேள்வி
சீக்கியர்களுக்கு எதிரான கலவர வழக்கு: குற்றவாளிக்கு தூக்கு தண்டனை விதிப்பு
தில்லி முதல்வர் கேஜரிவால் மீது மிளகாய்ப்பொடி வீச்சு: இளைஞர் கைது 
செருப்பு மாலை போட்ட வாலிபருடன் சண்டையிட்ட பாஜக எம்.எல்.ஏ (வைரல் விடியோ