"மன்னா எதிரிகள் நீங்கள் பதுங்கு குழியில் இருப்பதை கண்டுபிடித்துவிட்டார்கள்''
"எப்படி தளபதியாரே...?''
"எல்லாம் கூகுள் மேப் மூலம்தான்''
பி.பரத், கோவிலாம்பூண்டி.
**
காதலன்: எனக்குச் சாப்பிடும் போதெல்லாம் உன் நினைவு வருது
காதலி: எனக்குக் கை கழுவும்போதெல்லாம் உங்க நினைப்பு வருது
காதலன்: ?...?...?
டி.மோகனதாஸ், நாகர்கோவில்-1
**
"அவர் ஏன் காரை பின்பக்கமாவே ஓட்டிட்டுப் போறாரு''
"முன்பக்கம் ஓட்டுனா கிலோ மீட்டர் அதிகமா ஓடுமாம்''
அ.செல்வகுமார், சென்னை-19.
**
"உங்க பொண்ணு வீட்டு வேலையெல்லாம் நல்லா பார்ப்பாளா?''
"வீட்டுல யாராவது வேலை செய்தா நல்லா வேடிக்கை பார்ப்பா''
வி.பார்த்தசாரதி, சென்னை-5.
**
"இப்ப வர்ற எந்தப் படத்தையும் குடும்பத்தோட பார்க்க முடியலை''
"நேத்துக் கூட சினிமாவுக்குப் போயிட்டு வந்தியே?''
"அதுவா?... வேலைக்காரி கூட போயிருந்தேன்''
தீபிகா சாரதி, சென்னை-5.
**
"ஆபரேஷனுக்குப் பிறகு எப்ப டாக்டர் வரும்படி இருக்கும்?''
"நீங்க எப்ப வந்தாலும் எனக்கு வரும்படிதான்''
வி.ரேவதி, தஞ்சை.
**
"டிவியிலே அவர் ஓடிக் கொண்டே செய்தி வாசிக்கிறாரே?''
"அது விரைவுச் செய்தியாம்''
கு.அருணாசலம், தென்காசி.
**
மகன்: என்னது எனக்குப் பார்த்திருக்கிறது ஆர்கானிக் பெண்ணா?
தாய்: ஆமாம். மலைகிராமத்தில் பிறந்து அங்கேயே வளர்ந்தவள்
எஸ்.மோகன், கோவில்பட்டி.
**
"உங்க மனைவிக்கு ஏன் வாயில தையல் போட்டாங்க?''
"வாய் கிழிய பேசினாங்க. அதான்''
என்.சாமிநாதன், பட்டீஸ்வரம்.
**
"வாயைத் திறக்க முடியாமல் அவஸ்தைப்பட்ட உங்க மாமாவை டாக்டர் எப்படி குணப்படுத்தினார்?''
"இந்த வியாதியைக் குணப்படுத்த ரூ.50 ஆயிரம் ஆகும்னு டாக்டர் சொன்னார். தானாகவே வாய் திறந்துகிடுச்சி''
வி.ரேவதி, தஞ்சை.
**
"தலைவர் ஏன் டேபிள்ல காய்கறிகளை குவிச்சு வச்சுக்கிட்டு அங்கேயும் இங்கேயும் நகர்த்துறாரு''
"காய் நகர்த்த பயிற்சி எடுக்குறாராம்''
சி.ரகுபதி, போளூர்.
**
"என்னங்க மாப்பிள்ளை உடம்பு முழுக்க ஒரே தழும்பா இருக்கு''
"நான் அப்பவே சொல்லலை. மாப்பிள்ளை வாழ்க்கையில ரொம்ப அடிபட்டவர்ன்னு''
கே.முத்தூஸ், தொண்டி.
**
"அந்த நடிகை ஏன் குளியல் அறை காட்சியில் நடிக்கமாட்டேன்னு சொல்றாங்க?''
"அவங்க இப்ப முழுகாம இருக்காங்களாம்''
**
"இந்த குக்கரை நாங்க எங்க பாட்டி காலத்துல இருந்து யூஸ் பண்றோம்''
"அப்ப நல்ல ஆவி வந்த குக்கர்ன்னு சொல்லு''
**
"எங்க ஏரியால பயங்கர தண்ணி கஷ்டம்''
"நிஜமாவா?''
"ஆமா... அழுதாக் கூட கண்ணில இருந்து தண்ணி வரமாட்டேங்குது''
**
"நீங்க ஏன் பொம்பளை மாதிரி டிவி சீரியலைப் பார்த்து அழறீங்க?''
"இது டிவி சீரியல் இல்லீங்க. என் கல்யாண கேசட்''
வி.சாரதி டேச்சு, சென்னை -5.