தினமணி ஜோதிடர் கே.சி.எஸ் ஐயர் இந்த (நவம்பர் 16 - நவம்பர் 22) வாரப் பலன்களை துல்லியமாக நமக்குக் கணித்து வழங்கியுள்ளார்.
மேஷம் (அசுவினி, பரணி, கார்த்திகை முதல் பாதம் முடிய)
வேலைத்தொந்தரவுகள் அதிகரித்தாலும் முடிவில் வெற்றி காணப்போகிறீர்கள். வீண் அலைச்சல்களினால் மனச்சோர்வுக்கு ஆளாவீர்கள். பொருளாதாரம் சீராக இருப்பினும் அனாவசிய செலவுகளைக் குறைப்பது நல்லது.
உத்தியோகஸ்தர்கள் இடையூறுகளைச் சமாளித்து வேலைகளை முடிப்பீர்கள். பணவரவுக்குத் தடைகள் இல்லாவிட்டாலும் கூட செலவுகளைக் கட்டுப்படுத்த வேண்டும். வியாபாரிகளுக்கு கொடுக்கல் வாங்கல்கள் சுமாராகவே இருக்கும். கூட்டாளிகளிடம் மனக்கசப்புகள் உண்டாகும். விவசாயிகளுக்கு திட்டமிட்ட பணிகள் அனைத்தும் நிறைவேறும். அமோகமான விளைச்சலினால் லாபத்தை அள்ளுவீர்கள்.
அரசியல்வாதிகள் அரசிடமிருந்து சில சலுகைகள் பெறுவார்கள். அவர்களின் திட்டங்கள் அனைத்தும் நிறைவேறும். கலைத்துறையினர் சாதகமான திருப்பங்களைக் காண்பார்கள். பெண்மணிகளுக்கு பொருளாதார வளத்தால் திருப்தி அடைவீர்கள். நல்லசெய்திகளைக் கேட்பீர்கள். மாணவமணிகள் ஆர்வமுடன் படித்து அதிக மதிப்பெண்கள் பெறுவீர்கள்.
பரிகாரம்: சூரியபகவானையும் விநாயகரையும் வழிபடவும்.
அனுகூலமான தினங்கள்: 16, 17.
சந்திராஷ்டமம்: இல்லை.
{pagination-pagination}
ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய)
ஆற்றல் அதிகரிக்கும். செயல்கள் அனைத்தும் திட்டமிட்டபடியே நடந்தேறும். குடும்பத்திற்கு தேவையான பொருள்களை வாங்கி மகிழ்வீர்கள். காரியங்களில் இடையூறுகள் மற்றும் குழப்பங்கள் ஏற்பட்டாலும் முடிவு சாதகமாகவே இருக்கும்.
உத்தியோகஸ்தர்களின் கோரிக்கைகள் நிறைவேறும். கொடுத்த வேலைகளை நன்கு செய்வீர்கள். வியாபாரிகளுக்கு லாபம் அதிகரிக்கும். பொருள்களின் விற்பனை நல்லமுறையில் நடக்கும். விவசாயிகள் எதிர்பாராத மகசூல் கிடைத்து பொருளாதார முன்னேற்றம் அடைவீர்கள். கால்நடைகளால் எதிர்பார்த்த பலனைப் பெறுவீர்கள்.
அரசியல்வாதிகளின் பெயரும் புகழும் வளரும். புதிய பதவிகள் நாடி வரும். பயணங்களால் நன்மையே உண்டாகும். கலைத்துறையினரின் கோரிக்கைகள் அனைத்தும் நிறைவேறும். தொழிலில் முன்னேற்றம் அடைவதற்கான முயற்சிகளில் ஈடுபடுவீர்கள்.
பெண்மணிகள் கணவரை அனுசரித்துச் செல்லவும். செலவுகள் கூடும். மாணவ, மணிகள் கடுமையாக உழைத்துப் படித்தால் எதிர்பார்த்த மதிப்பெண்களைப் பெறலாம்.
பரிகாரம்: ஆஞ்சநேயரை வணங்கி பலன் பெறவும்.
அனுகூலமான தினங்கள்: 16, 18.
சந்திராஷ்டமம்: இல்லை.
{pagination-pagination}
மிதுனம் (மிருகசீரிஷம்3ம் பாதம் முதல் திருவாதிரை,புனர்பூசம் 3-ம் பாதம் முடிய)
பொருளாதாரத்தில் முன்னேற்றம் தென்படும். அனைத்து வேலைகளையும் சுறுசுறுப்புடன் செய்து முடிப்பீர்கள். சமூகத்தில் உங்களின் செல்வாக்கு குறைந்து காணப்படும். சமயோசித புத்தியுடன் பணியாற்றி நற்பெயரை வாங்குவீர்கள்.
உத்தியோகஸ்தர்கள் கவனம் சிதறாமல் வேலைகளைப் பட்டியலிட்டு செய்து முடிக்கவும். பதவி உயர்வை நீங்கள் எதிர்பார்க்கலாம். வியாபாரிகளுக்கு உழைப்புக்கேற்ற வருமானம் கிடைக்கும். புதிய முதலீடுகளைத் தவிர்க்கவும். விவசாயிகளுக்கு தானிய விற்பனை லாபகரமாக முடியும். குடும்ப நிலைமை மேன்மையடையும்.
அரசியல்வாதிகளுக்கு சமூகத்தில் மதிப்பும் மரியாதையும் அதிகரிக்கும், ஒத்தி வைத்திருந்த திட்டங்களைச் செயல்படுத்த முனைவீர்கள். கட்சியில் உங்கள் செல்வாக்கு அதிகரிக்கும். கலைத்துறையினருக்கு புகழும் பாராட்டும் கிடைக்கும்.
பெண்மணிகளுக்குக் கணவரிடம் ஒற்றுமை அதிகரிக்கும். பேசும் நேரத்தில் நிதானத்தைக் கடைப்பிடிக்கவும். மாணவமணிகள் விளையாட்டில் கவனம் செலுத்தவும். மேலும் படிப்பிலும் வெற்றிக்கு பிரகாசமான வழிகள் தென்படும்.
பரிகாரம்: புதன்கிழமைகளில் பெருமாளை வழிபடவும்.
அனுகூலமான தினங்கள்: 17, 18.
சந்திராஷ்டமம்: இல்லை.
{pagination-pagination}
கடகம் (புனர்பூசம்4-ம் பாதம் முதல் பூசம், ஆயில்யம் முடிய)
பொருளாதார வளம் சிறப்பாக இருக்கும். ஆடம்பரப் பொருள்களை வாங்கி மகிழ்வீர்கள். பெரியவர்களின் ஆசியுடன் குடும்பத்தில் சுபநிகழ்ச்சிகள் நடக்கும். பூர்வீகச் சொத்து வழியில் இருந்த தடைகள் நீங்கி பாகப்பிரிவினை உண்டாகும்.
உத்தியோகஸ்தர்களுக்கு மேலதிகாரிகளின் ஆதரவு குறைவாகவே இருக்கும். அதனால் வீண் வாக்குவாதங்களில் ஈடுபடுவதைத் தவிர்க்கவும். வியாபாரிகளுக்கு பல வகைகளிலும் லாபம் வரும். செலவு செய்யும் நேரத்தில் கவனமாக இருக்கவும். கூட்டாளிகளிடம் மனம் திறந்து பேசுவதைத் தவிர்க்கவும். விவசாயிகளுக்கு வர வேண்டிய குத்தகை பாக்கிகள் கிடைக்கும்.
அரசியல்வாதிகளுக்கு அனைத்து விஷயங்களிலும் முன்னேற்றகரமான சூழல் அமையும். இருப்பினும் மேலிடத்தின் அதிருப்தி குழப்பத்தில் ஆழ்த்தும். கலைத்துறையினருக்கு அதிக முயற்சிகளுக்குப் பிறகே புதிய ஒப்பந்தங்கள் கிடைக்கும்.
பெண்மணிகளுக்கு கணவர் வழி உறவினரிடையே இருந்து வந்த சலசலப்புகள் குறையும். வீண் செலவுகளைத் தவிர்க்கவும். மாணவமணிகள் கல்வியில் எதிர்பார்த்த மதிப்பெண்களை அள்ளலாம்.
பரிகாரம்: சனிபகவானை வழிபட்டு வரவும்.
அனுகூலமான தினங்கள்: 18, 19.
சந்திராஷ்டமம்: 16,17.
{pagination-pagination}
சிம்மம் (மகம், பூரம்,உத்திரம் முதல் பாதம் முடிய)
நீங்கள் மதிப்பு மரியாதை உயரும். பயணங்களால் நன்மை அடைவீர்கள். உறவினர்களின் ஆதரவு கூடும். திட்டமிட்ட வேலைகளை குறிப்பிட்ட காலத்திற்குள் முடித்துவிடுவீர்கள். தேக ஆரோக்கியம் சீராக இருக்கும். குடும்பத்தில் சுப காரியங்கள் நடக்கும்.
உத்தியோகஸ்தர்களுக்கு பிரச்னைகள் குறையும். மேலதிகாரிகள் நட்போடு பழகுவார்கள். வியாபாரிகளுக்கு செயல்கள் அனைத்தும் சாதகமாகவே முடியும். புதிய திட்டங்களைச் செயல்படுத்துவீர்கள். விவசாயிகளுக்கு விளைச்சல் மந்தமாக இருக்கும். கால்நடைகளால் வருமானம் சுமாராக இருக்கும்.
அரசியல்வாதிகள் செய்யும் செயல்களில் வெற்றி பெறுவார்கள்.பெயரும் புகழும் கிடைக்கப் பெறுவர். தொண்டர்களின் ஆதரவுடன் கடினமான வேலைகளையும் செய்து முடிப்பீர்கள். கலைத்துறையினர் மனதிற்கினிய ஒப்பந்தங்கலைச் செய்வார்கள். ரசிகர்களின் ஆதரவைப் பெறுவார்கள்.
பெண்மணிகள் வீண்வாதங்களில் ஈடுபடாமல் உற்றார் உறவினர்களை அனுசரித்துச் செல்லவும். மாணவமணிகளுக்கு கல்வியில் ஆர்வம் அதிகரிக்கும்.
பரிகாரம்: ஞாயிறன்று சூரிய நமஸ்காரம் செய்து ஆத்ம ஒளி பெறுங்கள்.
அனுகூலமான தினங்கள்: 16, 21.
சந்திராஷ்டமம்: 18, 19, 20.
{pagination-pagination}
கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)
சிறிதே தாமதமானாலும் உங்கள் முயற்சிகள் வெற்றி பெறும். மற்றவர்களைச் சார்ந்து செயலாற்றிய நீங்கள் சுயமாகச் செயலாற்றும் காலமிது. தைரியமாகத் திட்டமிட்டுச் செயல்படுவீர்கள். பணவசதி சரளமாக இருக்கும்.
உத்தியோகஸ்தர்களுக்கு அனைத்து வேலைகளும் சிறப்பாக முடியும். ஊதிய உயர்வும் இடமாற்றமும் கிடைக்கும். வியாபாரிகள் தங்கள் பிரச்னைகளை வெளிக்காட்டிக் கொள்ளாமல் சாதுர்யமாகச் சமாளிப்பார்கள். விவசாயிகள் நீர்ப்பாசன வசதிக்காக எடுக்கும் முயற்சிகள் பலனளிக்கும். கால்நடைகளால் அனுகூலம் உண்டாகும்.
அரசியல்வாதிகள் அனைத்து காரியங்களிலும் வெற்றிவாகை சூடுவார்கள். அதிகம் சிரமப்படாமல் புதிய பதவிகளில் அமர்வர். தொண்டர்கள் ஆதரவும் இருக்கும். கலைத்துறையினரைத்தேடி புதிய வாய்ப்புகள் வரும். உங்கள் முயற்சியை மற்றவர்கள் பாராட்டுவார்கள்.
பெண்மணிகள் கணவரிடம் அனுசரித்துச் செல்லவும். வார்த்தைகளில் கவனம் தேவை. மாணவமணிகளுக்கு படிப்பில் ஆர்வம்அதிகரிக்கும். இதனால் எதிர்பார்த்த மதிப்பெண்களைப் பெறுவீர்கள்.
பரிகாரம்: பார்வதி தேவியை தீபமேற்றி வழிபடவும்.
அனுகூலமான தினங்கள்: 18, 20.
சந்திராஷ்டமம்: 21, 22.
{pagination-pagination}
துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம் முடிய)
உங்கள் எண்ணங்கள் வெற்றி பெறும். சுபச் செய்திகள் தேடி வரும். சமூகத்தில் உங்கள் செல்வாக்கு உயரக் காண்பீர்கள். நண்பர்களின் அலட்சியப்போக்கை பெரிது படுத்த மாட்டீர்கள். வேலையில் குறியாக இருந்து பலன் பெறுவீர்கள்.
உத்தியோகஸ்தகர்களுக்கு எதிர்பார்த்த பதவி உயர்வு தடைபடும். பணிகளில் முன்கூட்டியே செயல்பட்டால் பிரச்னைகளைத் தவிர்க்கலாம். வியாபாரிகள் புதிய முயற்சிகளைத் தள்ளிப் போடவும். நண்பர்களின் ஆலோசனைகளைக் கேட்டு நடக்கவும். விவசாயிகள் புதிய தானியங்களைப் பயிரிட்டு நல்ல மகசூலைக் காண்பார்கள். வழக்கமான விளைச்சல்களில் அதிக கவனம் செலுத்தவும்.
அரசியல்வாதிகள் தீட்டும் திட்டங்கள் யாவும் வெற்றி பெறும். எதிரிகளுக்கு தகுந்த பதிலடி கொடுப்பதற்கான நேரம் வந்து விட்டது. கலைத்துறையினர் கடுமையாக உழைத்து நற்பலன் அடைவார்கள். கைநழுவிப்போன ஒப்பந்தங்கள் திரும்பக் கிடைக்கும்.
பெண்மணிகளுக்கு குடும்பத்தில் ஒற்றுமை மேலோங்கும். குழந்தைகளால் சந்தோஷம் கிடைக்கும். கணவரின் உடல்நலத்தில் கவனம் செலுத்தவும். மாணவமணிள் படிப்பில் அக்கறை காட்டவும்.
பரிகாரம்: ஆஞ்சநேயரையும் லட்சுமி ஹயக்ரீவரையும் வழிபடவும்.
அனுகூலமான தினங்கள்: 17, 20.
சந்திராஷ்டமம்: இல்லை.
{pagination-pagination}
விருச்சிகம் (விசாகம் 4-ம் பாதம் முதல் அனுஷம், கேட்டை முடிய)
எதிர்பார்த்த பணவரவும் உழைப்புக்கேற்ற பலனும் கிடைக்கும். நீங்கள் எடுக்கும் முயற்சிகள் ஒரு பெரிய சாதனைக்கு அடித்தளமாக அமையும். உபரி வருமானத்தைக் கொண்டு பூமி வாங்குவீர்கள். வெளியூர், வெளிநாட்டுத் தொடர்புகள் நலம் தரும்.
உத்தியோகஸ்தர்கள் தங்கள் வேலைகள் யாவையும் கருத்துடன் செய்து முடிப்பீர்கள். அலுவலக ரீதியான பயணங்களை மேற்கொள்வீர்கள். வியாபாரிகளுக்கு லாபம் குறைவாகவே கிடைக்கும். கூட்டாளிகளை கலந்தாலோசித்த பிறகே புதிய முயற்சிகளில் இறங்கவும். விவசாயிகளுக்கு விளைச்சல் நன்றாக இருக்கும். பழைய குத்தகைளை நன்றாக முடித்து அதற்கேற்ப வருமானம் பெறுவீர்கள்.
அரசியல்வாதிகள் செய்ய எடுத்த பெரிய காரியத்தை வெற்றிகரமாக முடித்து பலரது பாராட்டையும் பெறுவார்கள். கலைத்துறையினரைத் தேடிப் புதிய வாய்ப்புகள் வரும். பெண்மணிகள் இல்லத்தில் நிம்மதியைக் காண்பார்கள். கணவரிடம் கோரிக்கைகளை நிறைவேற்றிக்கொள்வீர்கள். மாணவமணிகள் நன்றாகப் படித்து மதிப்பெண்கள் பெறுவீர்கள். பெற்றோரின் ஆதரவுடன் விளையாட்டுகளில் பங்கேற்று வெற்றி பெறுவீர்கள்.
பரிகாரம்: சூரியபகவானை வழிபட்டு வரவும்.
அனுகூலமான தினங்கள்: 19, 20.
சந்திராஷ்டமம்: இல்லை.
{pagination-pagination}
தனுசு (மூலம், பூராடம், உத்திராடம் முதல் பாதம் முடிய)
சிறிய முயற்சிகளும் பெறும் வெற்றியைக் கொடுக்கும். குடும்பத்தில் அமைதி நிலவும். புதிய நட்புகள் உருவாகும். உங்கள் நம்பிக்கைகள் பலப்படும். மனச்சோர்வுக்கு ஆளாகாமல் உழைக்க வேண்டும். தேக ஆரோக்கியத்தில் அக்கறை எடுத்துக் கொள்ளவும்.
உத்தியோகஸ்தர்கள் இருக்கும் இடத்தை விட்டு வெளியூருக்கோ, வெளி மாநிலங்களுக்கோ செல்வீர்கள். வியாபாரிகளுக்கு இருந்த வந்த தடைகள் விலகும். எதிலும் ஜாக்கிரதையுடன் முயற்சிகளைத் தொடரவும். எவருக்கு எந்த வாக்குறுதிகளையும் தர வேண்டாம். விவசாயிகளுக்கு மகசூல் நன்றாக இருக்கும். லாபம் அதிகரிக்கும். கால்நடைகளுக்குச் செலவு செய்ய நேரிடும்.
அரசியல்வாதிகளின் செயல்கள் சாதனைகளாக மாறும். கட்சி மேலிடத்தின் பாராட்டு கிடைக்கும். தொண்டர்களின் ஆதரவும் இருக்கும். கலைத்துறையினர் சுமாரான வாய்ப்புகளைப் பெறுவீர்கள்.
பெண்மணிகள் விட்டுக்கொடுத்து நடந்து கொண்டால் குழப்பங்களிலிருந்து தப்பிக்கலாம். மாணவமணிகள் வருங்காலத்திற்குச் செய்யும் பயிற்சிகள் அனைத்தும் வெற்றிகரமாக அமையும்.
பரிகாரம்: மேற்குத்திசை நோக்கும் பிள்ளையாரை வழிபடவும்.
அனுகூலமான தினங்கள்: 16, 19.
சந்திராஷ்டமம்: இல்லை.
{pagination-pagination}
மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)
தோல்விகள் அகன்று வெற்றிகள் குவியத்தொடங்கும். உங்கள் செயல்கள் சரியான இலக்கை அடையும். ஆன்மிகத்தில் சாதனை புரிவீர்கள். குடும்பத்தில் அமைதியைக் காண்பீர்கள். பிள்ளைகளால் பெருமை அடைவீர்கள்.
உத்தியோகஸ்தர்களுக்கு பணிகள் சுமுகமாக முடியும். மேலதிகாரிகள் நட்புடன் பழகுவார்கள். எதிர்பார்த்த இடமாற்றங்களைப் பெறுவீர்கள். வியாபாரிகள் புதிய யுக்தியுடன் செயல்பட்டு வியாபாரத்தைப் பெருக்குவார்கள். கூட்டாளிகளின் ஆதரவும் கிடைக்கப் பெறுவீர்கள். விவசாயிகளுக்கு கொள்முதலில் மிகுந்த லாபம் கிடைக்கும், கால்நடைகளை வைத்திருப்போர் நல்ல வருமானம் பெறுவர்.
அரசியல்வாதிகள் எடுத்த காரியங்களை எளிதாக முடித்து வெற்றி பெறுவார்கள். கட்சி மேலிடத்தின் கவனத்தை ஈர்ப்பீர்கள். கலைத்துறையினருக்கு முயற்சிகள் யாவிலும் வெற்றி உண்டாகும்.
பெண்மணிகள் குழந்தைகளால் சந்தோஷம் அடைவர். கணவரிடம் விட்டுக்கொடுத்து நடந்துகொள்வர். மாணவமணிகள் படிப்பில் அதிகக் கவனம் செலுத்தவும். விளையாட்டுகளில் வெற்றி பெறுவீர்கள்.
பரிகாரம்: சனீஸ்வரருக்கு தீபமேற்றி வழிபடவும்.
அனுகூலமான தினங்கள்: 17, 20.
சந்திராஷ்டமம்: இல்லை.
{pagination-pagination}
கும்பம்(அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)
பொருளாதார நிலையில் முன்னேற்றம் ஏற்படும். குடும்பத்தில் குழப்பங்கள் அகலும். மந்தமாக இருந்து வந்த சுபகாரியங்கள் சுறுசுறுப்பாக முடியும். பெயரும் புகழும் அதிகரிக்கும். உடல் ஆரோக்கியம் நன்றாகவே அமையும்.
உத்தியோகஸ்தர்களின் கோரிக்கைகள் உடனுக்குடன் நிறைவேறும். மூத்த அதிகாரிகளும் சக ஊழியர்களும் நட்புடன் பழகுவார்கள். வியாபாரிகள் புதிய முயற்சிகளை மேற்கொண்டு வெற்றி பெறுவார்கள். விவசாயிகள் அதிக மகசூலைக் காண்பார்கள். கால்நடைகளால் பலன் அதிகரிக்கும். புதிய குத்தகைகள் தானாக வந்தால் மட்டுமே எடுத்துக்கொள்ளவும்.
அரசியல்வாதிகளின் பொதுச் சேவையை அனைவரும் பாராட்டுவர். மேலிடத்தின் மூலம் புதிய பொறுப்புகள் கிடைக்கும். கலைத்துறையினருக்கு உயர்ந்தவர்களின் உதவியால் புதிய வாய்ப்புகள் கிடைக்கும்.
பெண்மணிகள் கணவரிடம் ஒற்றுமையோடு பழகுவார்கள். கவனமில்லாமல் மனதில் சற்று அமைதி குறையும். மாணவமணிகள் படிப்பில் அதிக மதிப்பெண்களைப் பெறுவார்கள். நண்பர்களிடம் ஒற்றுமையோடு இருப்பீர்கள்.
பரிகாரம்: திங்களன்று விநாயகருக்கு அருகம்புல் மாலை அணிவித்து வழிபடவும்.
அனுகூலமான தினங்கள்: 19, 22.
சந்திராஷ்டமம்: இல்லை.
{pagination-pagination}
மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)
பெரிய திருப்பங்கள் ஏதும் நீங்கள் எதிர்பார்க்க முடியாது. பணவரவு தாராளமாகவே இருக்கும். காரியங்கள் அனைத்தையும் வெற்றியுடன் முடிப்பீர்கள். சிலருக்கு வாகனம் வாங்கும் யோகம் உண்டாகும்.
உத்தியோகஸ்தர்களுக்கு வேலைப்பளு அதிகரிக்கும். அவற்றைச் செவ்வனே செய்து முடிக்கும் ஆற்றலைப் பெறுவீர்கள். வியாபாரிகளுக்கு வருமானம் சீராக இருக்கும். மறைமுகப் போட்டிகளை மிக்க சாதுர்யத்துடன் சமாளிப்பீர்கள். கூட்டாளிகளால் தொந்தரவுகள் உண்டாகலாம். விவசாயிகளுக்கு மகசூல் சுமாராக இருக்கும். ஆகையால் மாற்றுப் பயிர்களை உற்பத்தி செய்து பலன் பெறவும். கால்நடைகளால் லாபம் பெறுவீர்கள்.
அரசியல்வாதிகளைத் தேடி புதிய பொறுப்புகள் வந்து சேரும். வாய் பேசாமல் மௌனம் காப்பது நன்று. கலைத்துறையினருக்கு சிறு தடைகள் வந்தாலும் ஒப்பந்தங்களை தக்க நேரத்தில் முடித்து விடுவீர்கள். பெண்மணிகளைத் தேடி இனிப்பான செய்திகள் வரும். பயணங்களால் மகிழ்ச்சி உண்டாகும். மாணவமணிகள் உழைப்புக்கேற்ப நல்ல மதிப்பெண்கள் கிடைக்கும்.
பரிகாரம்: வளசரவாக்கம் வேங்கடசுப்ரமணியரை வழிபட்டு வரவும்.
அனுகூலமான தினங்கள்: 21, 22.
சந்திராஷ்டமம்: இல்லை.