வியாழக்கிழமை 20 செப்டம்பர் 2018

பிள்ளையார்பட்டியில் சதுர்த்தி விழா: இன்று தேரோட்டம்

Published: 12th September 2018 12:56 AM
பிள்ளையார்பட்டியில் நாளை நடைபெறவுள்ள சதுர்த்தி விழாவையொட்டி மின்விளக்கு அலங்காரத்தில் ஒளிரும் கற்பக விநாயகர் கோயில் வளாகம்.


சிவகங்கை மாவட்டம் பிள்ளையார்பட்டியில் புதன்கிழமை (செப்.12) சதுர்த்தி விழா தேரோட்டம் நடைபெற உள்ளது. இதனையொட்டி கோயில் வளாகம் முழுவதும் மின்விளக்கு அலங்காரத்தில் ஒளிர்கிறது. 
பிள்ளையார்பட்டி கற்பக விநாயகர் கோயிலில் சதுர்த்தி விழா செப். 4 ஆம் தேதி கொடியேற்றத்துடன் தொடங்கியது. நாள்தோறும் காலை விழாவில் வெள்ளி கேடகத்தில் சுவாமி திருவீதி உலாவும், இரவு பல்வேறு வாகனங்களில் சுவாமி எழுந்தருளி திருவீதி உலாவும் நடைபெற்று வருகிறது. 
9-ஆம் திருநாளான புதன்கிழமை சதுர்த்தி தேரோட்டத்தை முன்னிட்டு காலை திருத்தேருக்கு சுவாமி எழுந்தருளல் வைபவம் நடைபெறும். இதனைத்தொடர்ந்து மாலை 4 மணிக்கு திருத்தேர் வடம் பிடிக்கப்பட்டு திருவீதி உலா நடைபெறும். அதன் பின்னர் கண்டனூர் அழகம்மை அருணாச்சலம் குழுவினரின் பரதநாட்டியமும், ஆண்டுக்கு ஒரு முறை மட்டும் மூலவருக்கு செய்யப்படும் சந்தனக்காப்பு அலங்கார தரிசனம் மாலை 4.30 மணிமுதல் இரவு 10 மணி வரை நடைபெறும். பின்னர் இரவு 8 மணிக்கு சுவாமி யானை வாகனத்தில் எழுந்தருளி திருவீதி உலா நடைபெறும். 
அதனைத்தொடர்ந்து வியாழக்கிழமை விநாயகர் சதுர்த்தி விழா, தீர்த்தவாரி உற்சவமும் மற்றும் இரவு பஞ்சமூர்த்திகள் திருவீதி உலாவும் நடைபெற உள்ளது. 
இதனையொட்டி பிள்ளையார்பட்டி கற்பக விநாயகர் கோயில் மின் விளக்கு அலங்காரம் செய்யப்பட்டு இரவு நேரங்களில் ஒளிர்கிறது.


 

More from the section

பிரம்மோற்சவத்தின் 7-ஆம் நாளில் சூரிய, சந்திர பிரபை வாகனங்களில் வலம் வந்த மலையப்பர்
திருமலையில் இன்று சூரிய, சந்திரபிரபை வாகன சேவை
கடவுளிடம் ஒப்பந்தம் போடுபவர்களா நீங்கள்? அப்படியென்றால் இது உங்களுக்குத் தான்!! 
திருப்பதி ஏழுமலையானுக்கு இசை அர்ப்பணம் செய்யும் இஸ்லாமிய சகோதரர்கள்
மகாராஷ்டிராவில் ஒரே இடத்தில் நடத்தப்பட்ட இந்து - முஸ்லீம் பண்டிகை!