2019-ஆம் ஆண்டு நடைபெறும் 12-ஆவது சீசன் ஐபிஎல் போட்டித் தொடர் சனிக்கிழமை (ஏப்.23) தொடங்கியது. முதல் ஆட்டத்தில் நடப்பு சாம்பியன் சென்னை சூப்பர் கிங்ஸ், விராட் கோலி தலைமையிலான ராயல் சேலஞ்சர்ஸ் பெங்களூரு அணிகள் மோதின.
சென்னை சேப்பாக்கம் மைதானத்தில் இரவு 8 மணிக்கு தொடங்கி நடைபெற்ற இந்த ஆட்டத்தில், முதலில் பேட் செய்த ஆர்சிபி அணி 70 ரன்களுக்கு சுருண்டது. இதையடுத்து ஆடிய சிஎஸ்கே 7 விக்கெட் வித்தியாசத்தில் அபார வெற்றிபெற்றது.
இந்நிலையில், ஒரு அணிக்கு எதிராக அதிக போட்டிகளில் தொடர் வெற்றிபெற்று சென்னை சூப்பர் கிங்ஸ் சாதனைப் படைத்துள்ளது. மேலும் இந்த பட்டியலில் 2-ஆம் முறையாக சிஎஸ்கே இடம்பிடித்துள்ளது.
அதன் விவரம் பின்வருமாறு:
(2015-18)* - கொல்கத்தா நைட் ரைடர்ஸ் அணிக்கு எதிராக மும்பை இந்தியன்ஸ் அணி தொடர்ந்து 8 முறை வென்றுள்ளது
(2011-15) - தில்லி டேர்டெவில்ஸ் அணிக்கு எதிராக ராயல் சேலஞ்சர்ஸ் பெங்களூரு அணி தொடர்ந்து 8 முறை வென்றுள்ளது
(2014-17) - கிங்ஸ் லெவன் பஞ்சாப் அணிக்கு எதிராக கொல்கத்தா நைட் ரைடர்ஸ் அணி தொடர்ந்து 8 முறை வென்றுள்ளது
(2012-15) - தில்லி டேர்டெவில்ஸ் அணிக்கு எதிராக சென்னை சூப்பர் கிங்ஸ் அணி தொடர்ந்து 7 முறை வென்றுள்ளது
(2013-2018) - தில்லி டேர்டெவில்ஸ் அணிக்கு எதிராக ராஜஸ்தான் ராயல்ஸ் அணி தொடர்ந்து 7 முறை வென்றுள்ளது
(2014-19)* - ராயல் சேலஞ்சர்ஸ் பெங்களூரு அணிக்கு எதிராக சென்னை சூப்பர் கிங்ஸ் அணி தொடர்ந்து 7 முறை வென்றுள்ளது
(* நடப்பு தொடர் உட்பட)