ஸ்பெயின் லா லீகா கால்பந்து போட்டியில் நடப்பு சாம்பியன் பார்சிலோனா முதல் தோல்வியை சந்தித்தது.
கேம்ப் நெள மைதானத்தில் நடைபெற்ற ஆட்டத்தில் நட்சத்திர வீரர் மெஸ்ஸி அற்புதமாக 2 கோல்கள் அடித்த நிலையிலும் கடும் போராட்டத்துக்கு இடையே ரியல்பெட்டிஸ் அணி 4-3 என்ற கோல் கணக்கில் பார்சிலோனாவை வீழ்த்தியது. கடந்த 2016-இல் அலேவ்ஸ் அணியிடம் இறுதியாக தோல்வியடைந்திருந்தது பார்கா அணி. அதன்பின் தொடர்ந்து 42 வெற்றிகளை குவித்திருந்தது.
மற்றொரு ஆட்டத்தில் ரியல் மாட்ரிட் 4-2 என செல்டா விகோ அணியை வீழ்த்தியது. அலேவ்ஸ் 2-1 என ஹீயுஸ்கா அணியை வென்றது.