பெலாரஸ் தலைநகர் மின்ஸ்கில் நடைபெற்ற 21 வயதுக்குட்பட்டோர் ஓபன் டேபிள் டென்னிஸ் போட்டியில் இந்திய வீரர் மானவ் தாக்கர் 2-3 என்ற செட் கணக்கில் ரஷிய வீரர் டெனிஸ் இவோனினிடம் தோல்வியுற்று வெண்கலப் பதக்கம் வென்றார்.
புதுதில்லி அடுத்த கிரேட்டர் நொய்டாவில் சனிக்கிழமை நடைபெற்ற 21-ஆவது ஜேகே டயர் எப்எம்எஸ்சிஐ தேசிய கார்பந்தய சாம்பியன் போட்டியின் துவக்க நாளில் சென்னை வீரர் கார்த்திக் தரணி, மும்பை வீரர் நயன் சாட்டர்ஜி ஆகியோர் தங்கள் பந்தயங்களில் வென்றனர்.
ஜப்பானின் ஃபுயுஜிமியில் நடைபெற்ற 15 வயதுக்குட்பட்டோர் ஆசிய சிறுமிகள் மல்யுத்த போட்டியில் இந்திய அணி 3 தங்கம், உள்பட 7 பதக்கங்களுடன் ஒட்டுமொத்தமாக இரண்டாம் இடத்தைப் பெற்றுள்ளது.
பெங்களூருவில் சனிக்கிழமை நடைபெற்ற ஏடிபி சேலஞ்சர் போட்டி இறுதி ஆட்டத்தில் இந்திய வீரர் பிரஜ்னேஷ் குணேஸ்வரன் 6-2, 6-2 என்ற நேர் செட்களில் சக வீரரான சாகேத் மைனேனியை வீழ்த்தி சாம்பியன் பட்டம் வென்றார்.