டி10 லீக் போட்டியில் 25 பந்துகளில் சதமடித்து சாதனை புரிந்துள்ளார் சர்ரே அணி வீரர் வில் ஜேக்ஸ்.
ஐக்கிய அரபு நாடுகளின் துபை நகரில் டி10 லீக் ஆட்டங்கள் நடைபெற்றுவருகின்றன. இங்கிலாந்து கவுண்டி அணிகளான சர்ரே-லங்காஷையர் இடையே நடைபெற்ற ஆட்டத்தில் 20 வயதான சர்ரே வீரர் வில் ஜேக்ஸ் 25 பந்துகளில் சதமடித்தார். 30 பந்துகளில் மொத்தம் 105 ரன்களை குவித்தார் ஜேக்ஸ். இதில் 8 பவுண்டரி, 11 சிக்ஸர் அடங்கும் தொடர்ச்சியாக 6 சிக்ஸர்களையும் விளாசினார் ஜேக்ஸ். டி10 லீக் போட்டிக்கு அதிகாரபூர்வ அந்தஸ்து தரப்படவில்லை என்பதால், இது சாதனையாக கருதப்படாது.
சர்ரே அணி 3 விக்கெட் இழப்புக்கு 176 ரன்களை குவித்தது. பின்னர் ஆடிய லங்காஷையர் அணி 9 விக்கெட் இழப்புக்கு 81 ரன்கள் மட்டுமே எடுத்து தோல்வியடைந்தது. சர்ரே வீரர் காரேத் பேட்டி 4-21 விக்கெட்டை சாய்த்தார்.