உமையாள்புரம் சிவராமனுக்கு இசைப் பேரறிஞர் விருது: தமிழ் இசைச் சங்கம் வழங்குகிறது

தமிழ் இசைச் சங்கம் சார்பில் இசைக் கலைஞர்கள் உமையாள்புரம் கா.சிவராமன், க.வெங்கடேசன் ஆகிய இருவருக்கும் விருது வழங்கப்பட உள்ளது.
இதுகுறித்து தமிழ் இசைச் சங்கம் வெளியிட்ட அறிக்கை: தமிழ் இசைச் சங்கத்தின் 76-ஆம் ஆண்டு விழா சென்னையில் உள்ள ராஜா அண்ணாமலை மன்றத்தில் டிசம்பர் 21-ஆம் தேதி தொடங்குகிறது. இந்த விழாவில் மிருதங்க வித்வான் உமையாள்புரம் கா.சிவராமனுக்கு 63-ஆம் இசைப் பேரறிஞர் விருதும், திருமுறை இசைத் துறையில் புகழ்பெற்ற பழநி க.வெங்கடேனுக்கு 10-ஆவது பண் இசைப் பேரறிஞர் விருதும் வழங்கப்பட உள்ளது.
பாஜக மூத்த தலைவர் இல.கணேசன் கலந்து கொண்டு இருவருக்கும் விருதுகள், வெள்ளிப்பேழை, பொற்பதக்கம், பரிசுத் தொகையாக தலா ரூ.10 ஆயிரம் ஆகியவற்றை வழங்க உள்ளார் என்று தெரிவிக்கப்பட்டுள்ளது.