குற்றாலம் பேரருவி மற்றும் ஐந்தருவியில் வெள்ளப்பெருக்கு குறைந்ததையடுத்து, சுற்றுலாப் பயணிகள் குளிக்க விதிக்கப்பட்டிருந்த தடை வியாழக்கிழமை நீக்கப்பட்டது. இதையடுத்து, சுற்றுலாப் பயணிகள் உற்சாகமாக குளித்து மகிழ்ந்தனர்.
குற்றாலம் பகுதியில் கடந்த சில தினங்களாக தொடர்ந்து பெய்துவரும் சாரல் மழையின் காரணமாக அவ்வப்போது பேரருவி உள்ளிட்ட அருவிகளில் வெள்ளப்பெருக்கு ஏற்படுகிறது. வெள்ளப்பெருக்கு குறைந்தவுடன் சுற்றுலாப் பயணிகள் குளிக்க அனுமதிக்கப்படுகின்றனர்.
புதன்கிழமை பேரருவி மற்றும் ஐந்தருவியில் வெள்ளப்பெருக்கு ஏற்பட்டதையடுத்து குளிக்க தடைவிதிக்கப்பட்டிருந்தது. தண்ணீரின் சீற்றம் தணிந்ததையடுத்து, ஐந்தருவியில் புதன்கிழமை இரவும், பேரருவியில் வியாழக்கிழமை காலையும் தடை நீக்கப்பட்டது. இதையடுத்து, சுற்றுலாப் பயணிகள் உற்சாகமாக குளித்து மகிழ்ந்தனர்.