திங்கள்கிழமை 19 நவம்பர் 2018

சர்வதேச தரத்தில் ஏழைகளுக்கும் மருத்துவம்: டாக்டர் முகமது ரேலா

DIN | Published: 13th September 2018 02:41 AM
குரோம்பேட்டையில் புதன்கிழமை நடைபெற்ற டாக்டர் ரேலா இன்ஸ்டிட்யூட் மற்றும் மெடிக்கல் சயின்ஸ் பன்னோக்கு சிறப்பு மருத்துவமனைத் திறப்பு விழாவில் பங்கேற்ற திமுக தலைவர் மு.க.ஸ்டாலின் உள்ளிட்டோர்.


ஏழை, நடுத்தர மக்களுக்கு சர்வதேசத் தரம் மிகுந்த மருத்துவ சேவை அளிக்கும் வகையில் பணியாற்றுவேன் என்று டாக்டர் ரேலா இன்ஸ்டிட்யூட், மெடிக்கல் சயின்ஸ் மருத்துவமனையின் தலைவரும் கல்லீரல் மாற்று அறுவைச் சிகிச்சை மருத்துவருமான முகமது ரேலா தெரிவித்தார்.
குரோம்பேட்டையில் டாக்டர் ரேலா இன்டிஸ்டியூட், மெடிக்கல் சயின்ஸ் பல்நோக்கு சிறப்பு மருத்துவமனை திறப்பு விழா புதன்கிழமை நடைபெற்றது. திமுக தலைவரும் சட்டப் பேரவை எதிர்க் கட்சித் தலைவருமான மு.க.ஸ்டாலின் மருத்துவமனையைத் திறந்து வைத்தார். டாக்டர் முகமது ரேலா செய்தியாளர்களிடம் கூறியது: சர்வதேசத் தரமிக்க மருத்துவ சேவை அளிக்க அமைக்கப்பட்ட பல்நோக்கு சிறப்பு மருத்துவமனையில் 450 படுக்கைகள், 130 தீவிர கண்காணிப்பு சிகிச்சைப் பிரிவு படுக்கைகள், 14 அறுவைச் சிகிச்சை அரங்குகள் உள்ளன. ஒரே நேரத்தில் 40 நோயாளிகளுக்கு டயாலிசிஸ் சிகிச்சை அளிக்க முடியும்.
இங்கு எம்.ஆர்.ஐ, சி.டி. ஸ்கேன், பெட் ஸ்கேன் உள்ளிட்ட அனைத்து நவீன மருத்துவக் கருவிகள், சாதனங்கள், உபகரணங்கள் உள்ளன.
கல்லீரல், சிறுநீரகம், நுரையீரல் உள்ளிட்ட பல்வகை உறுப்பு மாற்று அறுவை சிகிச்சை வசதிகளும் உள்ளன என்றார் அவர்.
பங்கேற்றோர்: புதுச்சேரி முதல்வர் நாராயணசாமி, திராவிடர் கழகத் தலைவர் கி.வீரமணி, மதிமுக பொதுச் செயலர் வைகோ, முன்னாள் அமைச்சர் ஆர்க்காடு வீராசாமி, அப்பல்லோ மருத்துவமனையின் தலைவர் பிரதாப் ரெட்டி, டாக்டர் சேஷையா, தொழிலதிபர் வி.ஜி.சந்தோஷம், முன்னாள் எம்.பி. எஸ்.ஜெகத்ரட்சகன் உள்ளிட்ட பலர் பங்கேற்றனர்.

 

 

More from the section

ஆன்லைன் மருந்து விற்பனையைத் தடுக்கும் அதிகாரம் தங்களிடம் இல்லை: நீதிமன்றத்தில் தமிழக அரசு தகவல் 
நிவாரணப் பொருட்களுக்கு லக்கேஜ் கட்டணம் வாங்க வேண்டாம்: போக்குவரத்துத் துறை
மெரினாவில் எம்.ஜி.ஆர் நூற்றாண்டு விழா நினைவு வளைவைத் திறக்க சென்னை உயர் நீதிமன்றம் தடை 
தருமபுரி பேருந்து எரிப்பு வழக்கில் தண்டனை பெற்ற மூன்று பேரும் விடுதலை
இத்தனை காலம் நமக்கு உணவளித்தவர்களுக்கு நாம் உதவும் நேரம் இது!