18 நவம்பர் 2018

சிரி... சிரி... சிரி... சிரி... 

DIN | Published: 11th September 2018 11:24 AM

* "என் மனைவி கடைவீதியில் எது வாங்கினாலும் வாயில போட்டுப் பார்த்துதான் வாங்குவார்''
"அப்ப கொஞ்சம் எலிமருந்து வாங்கிட்டு வரச்சொல்லுங்க''
எஸ்.கார்த்திக் ஆனந்த், காளனம்பட்டி.

* "வழிப்பறியைத் தடுக்க நகர்வலம் சென்றேன். அப்படியொன்றும் நடக்கவில்லை மந்திரியாரே...''
"தாங்கள் மாறுவேடத்தில் செல்வதாக நினைத்து இயல்பான வேடத்தில் சென்று விட்டீர்கள் மன்னா''
செ.தர்மலிங்கம், திருச்சி.

* "நல்லாப் பேசின பஞ்சவர்ணக்கிளியை ஏன் விற்றே?''
"அது உங்க அம்மா கூட சேர்ந்து என்னைத் திட்ட ஆரம்பிச்சிடுச்சு''
செ.தர்மலிங்கம், திருச்சி. 

* "கபாலி... நீயும் வழிப்பறியில் இறங்கிவிட்டாயா?''
"ஆமாம் ஏட்டய்யா.... பொழைப்பே சரியில்லை... எல்லா வீட்லயும் கேமரா வெச்சுட்டாங்க''
செ.தர்மலிங்கம், திருச்சி.

* "உங்களுக்குத்தான் ஹெல்த் இன்ஷ்யூரன்ஸ் இருக்கே....மெடிக்கல் பில்லை கிளெய்ம் பண்ணி பணத்தை வாங்கிக்கலாமே சார்?''
"மெடிக்கல் பில்லை கிளெய்ம் பண்ணி பணத்தை வாங்குறதுக்குள்ள செத்துப் போயிடுவேன் சார்''
வி.ரேவதி, தஞ்சை.

* "கொஞ்சம் தள்ளி உட்காருங்களேன்''
"நீங்க பஸ்சில வரக்கூடாது... ஆட்டோவுல போக வேண்டியதுதானே?''
"ரொம்ப தேங்க்ஸ்... ஆட்டோ சார்ஜ் 100 ரூபா தாங்க''
கு.அருணாசலம், தென்காசி.

* "நான் வாரத்துல ஒருநாள்தான் என் மனைவிக்கு பயப்படுவேன்''
"பரவாயில்லையே''
"மீதி ஆறுநாள் நான் ஊர்ல இருக்கமாட்டேன்''
வி.பார்த்தசாரதி, சென்னை-5

* "வாஸ்துப்படி நான் வீடு கட்டி கூட கோர்ட்டு கேஸ்ன்னு அலையறேன்''
"ஏன் அப்படி?''
"நான் பொறம்போக்கு நிலத்துல வீடு கட்டிட்டேன்''
வி.பார்த்தசாரதி, சென்னை-5


 

More from the section

வாரிசுகளுக்கு சல்யூட்  அடிக்கும் அப்பாக்கள்!
என் மனைவி - 2: சொன்னால் நம்பமாட்டீர்கள்!
ஆயுள் காக்கும் ஆயுர்வேதம்: உதடுகளில் வறட்சி!
பேல்பூரி
அம்மாவும் பைரவனும்