பஞ்சாங்கம்

வெள்ளிக்கிழமை

16

விளம்பி வருடம், ஐப்பசி 30-ம் தேதி

நல்ல நேரம்

காலை 9.15 - 10.15   மாலை 4.45 - 5.45

ராகு காலம்

10.30 - 12.00

எம கண்டம்

3.00 - 4.30

குளிகை

7.30 - 9.00

திதி

அஷ்டமி

நட்சத்திரம்

அவிட்டம்

சந்திராஷ்டமம்

ஆயில்யம்

இன்றைய ராசிபலன்

மேஷம் - உழைப்பு
ரிஷபம் - ஊக்கம்
மிதுனம் - வாழ்வு
கடகம் - புகழ்
சிம்மம் - சிந்தனை
கன்னி - நட்பு
துலாம் - நற்செயல்
விருச்சிகம் - ஜெயம்
தனுசு - பெருமை
மகரம் - கவலை
கும்பம் - லாபம்
மீனம் - பகை

யோகம்: சித்த யோகம்

சூலம்: மேற்கு

பரிகாரம்: வெல்லம்

விசேஷம்: சுவாமிமலை ஸ்ரீ முருகப்பெருமான் இடும்பவாகனத்தில் புறப்பாடு. பூதத்தாழ்வார் திருநக்ஷத்திரம். 

கேள்வி - பதில்
  • நான் தனியார் கல்லூரியில் உதவிப் பேராசிரியராக பணிபுரிகிறேன். எப்போது அரசு வேலை கிடைக்கும்? தொழில் செய்யலாமா? பரிகாரம் ஏதும் செய்ய வேண்டுமா? வாழ்க்கையில் முன்னேற்றம் ஏற்படுமா? 
    - வாசகர், ராசிபுரம்

  • உங்களுக்கு மேஷ லக்னம், கடக ராசி. லக்னாதிபதி நீச்சம் பெற்று அங்கு ஆட்சி பெற்றுள்ள சந்திரபகவானுடன் இணைந்திருப்பதால் நீச்சபங்க ராஜயோகத்தைப் பெறுகிறார். பூர்வபுண்ணியாதிபதி பூர்வபுண்ணிய ஸ்தானத்திலேயே ஆட்சி பெற்றும் புதபகவான் ஆறாம் வீட்டில் உச்சம் பெற்றும் தொழில் லாப ஸ்தானாதிபதியான சனிபகவான் களத்திர நட்பு ஸ்தானத்தில் உச்சம் பெற்றிருப்பதும் சிறப்பு. அதனால் அரசு வேலை இன்னும் இரண்டாண்டுகளுக்குள் கிடைக்கும். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சூரியபகவானை வழிபட்டு வரவும்.
     

  • எனக்கு 77 வயதாகிறது. ஓரளவு ஆரோக்கியமாக உள்ளேன். எனக்கு செவ்வாய் தசை நடப்பதாகவும் செவ்வாய் தசை கண்டத்தைக் கொடுக்கும் என்றும் சொன்னார். இது சரிதானா?
    - வாசகர், ராஜபாளையம்

  • உங்களுக்கு ரிஷப லக்னம், கடக ராசி. லக்னாதிபதி பூர்வபுண்ணியாதிபதியுடன் களத்திர ஸ்தானத்தில் இணைந்து இருப்பதும் தர்மகர்மாதிபதியான சனிபகவான் ஆயுள் ஸ்தானாதிபதியுடன் இணைந்து இருப்பதும் சிறப்பு. தற்சமயம் ஆயுள் ஸ்தானாதிபதியான குருபகவானின் சாரத்தில் அமர்ந்திருக்கும் களத்திர நட்பு ஸ்தானாதிபதியான செவ்வாய்பகவானின் தசை நடக்கிறது. அவரை சனிபகவான் பார்வை செய்வதால் செவ்வாய் மகா தசையில் கண்டம் என்று எதுவும் வராது. மற்றபடி நீங்கள் செய்து வரும் ஐந்தெழுத்து ஜபம் சரியானது மற்றும் போதுமானது. தீர்க்காயுள் உண்டு.

  • என் மகனுக்கு ஜாதகத்தில் கோசாரத்தில் கும்பத்தில் (7- இல்) (8- இல்) சனி வரும் போதும் எங்கள் குடும்பத்தில் ஏதும் பாதிப்பு வருமா? ஜீவன ஸ்தானம் எவ்வாறு உள்ளது? நிரந்தர வேலை எப்போது கிடைக்கும்? அரசு வேலை அமையுமா? திருமணம் எப்போது நடைபெறும்? எத்தகைய பெண் அமையும்? 
    - வாசகர், சிவகாசி

  • உங்கள் மகனுக்கு ரிஷப லக்னம், சிம்மராசி. சந்திரபகவான் குருபகவானுடன் சுக ஸ்தானத்தில் இணைந்து குருசந்திர யோகத்தைப் பெறுகிறார். இந்த ஆண்டு நவம்பர் மாதத்திலிருந்து சந்திரபகவானின் தசையில் நலம் கூடத்தொடங்கும். சனிபகவான் தர்மகர்மாதிபதியாகி பாக்கிய ஸ்தானத்தில் ஆட்சி பெற்றிருப்பதால் கண்டக சனி, அஷ்டம சனியில் பெரிய பாதிப்பு என்று எதுவும் ஏற்படாது. அடுத்த ஆண்டு ஜனவரி மாதத்திற்குப்பிறகு திருமண முயற்சிகளை மேற்கொள்ளலாம். அரசு அல்லது அரசு சார்ந்த துறைகளில் வேலை அமையும். எதிர்காலம் சிறப்பாக அமையும்.

  • அமெரிக்காவில் ஆரம்ப கல்வி பயின்று வரும் எனது பேரனின் கல்வி, தொழில், உத்தியோகம் எல்லாம் வெளிநாட்டில்தான் அமையுமா? ஜாதகத்தில் அஸ்தாங்க தோஷம் உள்ளதா? ஏதும் பரிகாரம் செய்ய வேண்டுமா?
    - வாசகர், பள்ளிக்கரணை

  • உங்கள் பேரனுக்கு மீன லக்னம், மேஷ ராசி. அவருக்கு படிப்பு, வேலை, வாழ்க்கை வெளிநாட்டிலேயே அமையும். மற்றபடி அந்தாங்கத தோஷம் இல்லை. பாக்கியாதிபதி உச்சம் பெற்று பூர்வபுண்ணியாதிபதியுடன் கேந்திரத்தில் இருப்பதால் சந்திரமங்கள யோகம் உண்டாகிறது. பரிகாரம் எதுவும் தேவையில்லை. எதிர்காலம் சிறப்பாக அமையும்.

  • என் மகளுக்கு வேலை கிடைக்குமா? திருமணம் எப்போது நடைபெறும்? எதிர்காலம் எவ்வாறு இருக்கும்?
    - வாசகர், ஆற்காடு

  • உங்கள் மகளுக்கு கன்னி லக்னம், மீன ராசி. களத்திர ஸ்தானாதிபதி குடும்ப ஸ்தானத்தில் குடும்பாதிபதியுடன் இணைந்திருப்பது சிறப்பு. தற்சமயம் குடும்பாதிபதியின் தசை நடக்கிறது. அவருக்கு அடுத்த ஆண்டு அக்டோபர் மாதத்திற்குள்  படித்த நல்ல வேலையிலுள்ள வரன் அமைந்து திருமணம் கைகூடும். எதிர்காலம் சிறப்பாக அமையும்.  பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மூத்த மகள் அரசு பணிக்கு தேர்வு எழுதி வருகிறார். அரசு வேலை எப்போது கிடைக்கும்? எப்போது திருமணம் கைகூடும்? அவளுடைய ஜாததத்தில் 8-இல் ராகு இருப்பதால் மாங்கல்ய தோஷம் என்று கூறுகிறார்கள். அதற்கு என்ன பரிகாரம் செய்ய வேண்டும்? மணமகன் எத்திசையில் அமைவார்? 
    - வாசகர், வேதாரண்யம்

  • உங்கள் மகளுக்கு மிதுன லக்னம், கன்னி ராசி. குருபகவானின் பார்வை ராகுபகவானின் மீதும், மாங்கல்ய ஸ்தானத்தின் மீதும் படிவதால் சர்ப்ப தோஷம் இல்லை. அரசு கிரகங்கள் வலுவாக உள்ளதால் வங்கி, காப்பீடு  துறைகளில் வேலை கிடைக்கும்.  அடுத்த ஆண்டுக்குள் படித்த நல்ல வேலையிலுள்ள வரன் அமைந்து திருமணம் கைகூடும். எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகனுக்கு நீண்ட நாளாக திருமணம் கைகூடி வரவில்லை. எப்போது திருமணம் கைகூடும்? 
    - வாசகி, காஞ்சிபுரம்

  • உங்கள் மகனுக்கு மகர லக்னம், சிம்ம ராசி. சர்ப்ப தோஷம் உள்ளது. மற்றபடி புத்திர ஸ்தானாதிபதியும் களத்திர ஸ்தானாதிபதியும் இணைந்திருப்பதும் பாக்கியாதிபதி பாக்கிய ஸ்தானத்திலேயே உச்சம் பெற்றிருப்பதும் சிறப்பு. அடுத்த ஆண்டு இறுதிக்குள் சமதோஷமுள்ள பெண் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையம்மனை வழிபட்டு வரவும்.

  • எனது மகன்  டிப்ளமோ படித்துள்ளார். மேற்படிப்பு படிக்கும் யோகம் உண்டா? எனது மனைவி உடல் நலம் அவ்வப்போது பாதிப்படைகிறது? என்ன பரிகாரம் செய்ய வேண்டும்? தொழிலில் இடையூறுகள் ஏற்படுகின்றன. வேறு தொழில் தொடங்கலாமா?
    - வாசகர், சிவகாசி

  • உங்கள் மகனுக்கு விருச்சிக லக்னம், தனுசு ராசி. அவருக்கு வேலைச் செய்யவே அதிகம் வாய்ப்பு உள்ளதால் அவரை வேலைக்கு அனுப்பவும். தகுதிக்கேற்ற நல்ல வேலை கிடைக்கும். உங்கள் மனைவிக்கு கும்ப லக்னம், மேஷ ராசி. தற்சமயம் குருபகவானின் தசையில் சுக்கிரபகவானின் புக்தி நடப்பதால் அடுத்த ஆண்டு ஜூலை மாதத்திற்குப்பிறகு உடல்நிலை சீரடையும். உங்களுக்கு விருச்சிக லக்னம், மீன ராசி. தற்சமயம் பாக்கியாதிபதியின் தசையில் பிற்பகுதி நடப்பதால் நீங்கள் செய்துவரும் தொழிலிலேயே நல்ல முன்னேற்றம் ஏற்படும். வேறு தொழில் வேண்டாம். உங்கள் குடும்ப முன்னேற்றத்திற்காக முருகப்பெருமானை வழிபட்டு வரவும்.

  • என் மகனுக்கு குழந்தை பாக்கியம் உள்ளதா? தத்து எடுத்துக்கொள்ளும் வாய்ப்பு உள்ளதா?
    - ருக்மணி

  • உங்கள் மகனுக்கு துலாம் லக்னம், மேஷ ராசி. பூர்வபுண்ணிய புத்திர ஸ்தானாதிபதி அஷ்டம ஸ்தானத்தில் சூரியபகவானுடன் இணைந்து இருப்பது குறை. இருப்பினும் அவர்கள் இருவரையும் குருபகவான் குடும்ப ஸ்தானத்திலிருந்து பார்வை செய்வதாலும் தற்சமயம் குருபகவானின் தசையில் சனிபகவானின் புக்தி நடக்கத் தொடங்கி உள்ளதாலும் இன்னும் ஒன்றரை ஆண்டுக்குள் மழலைபாக்கியம் உண்டாகும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகளுக்கு எதிர்காலம் எவ்வாறு உள்ளது? ஜாதகத்தில் ஏதும் குறை உள்ளதா? லக்னத்தில் சூரியன் செவ்வாய் இருப்பது மாங்கல்ய தோஷமா? எத்தகைய வரன் அமையும்?
    - வாசகி, உடுமலை

  • உங்கள் மகளுக்கு மகர லக்னம், மிதுன ராசி. லக்னத்தில் சூரிய செவ்வாய் பகவான்கள் இணைந்திருப்பதும் குடும்ப ஸ்தானத்தில் லக்னாதிபதியும் பூர்வபுண்ணிய ஸ்தானாதிபதியும் இணைந்திருப்பதும் நலமே. லக்னத்தில் செவ்வாய்பகவான் உச்சம் பெற்று இருப்பதும் நலமே. அவருக்கு அடுத்த ஆண்டு ஏப்ரல் மாதத்திற்குப்பிறகு படித்த நல்ல வேலையிலுள்ள வரன் அமைந்து திருமணம் கைகூடும். அனைத்து ஜாதகங்கங்களுக்கும் களத்திர ஸ்தானாதிபதிக்கும் ஏற்ற சம தோஷம் பார்த்து சேர்க்க வேண்டியது அவசியம். அதோடு லக்னத்திற்கும் குடும்ப ஸ்தானத்திற்கும் ஏற்ற சமதோஷம் பார்க்க வேண்டும். இந்த பொதுவிதியைக் கடைபிடித்தால் போதுமானது. பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • என் மகனுக்கு எப்போது திருமணம் நடைபெறும்? என்ன தொழில் செய்வார்?
    - வாசகர், பாவூர்சத்திரம்

  • உங்கள் மகனுக்கு மகர லக்னம், சிம்ம ராசி. களத்திர ஸ்தானாதிபதி தன் வீட்டிற்கு குடும்ப ஸ்தானத்தில் இருப்பது சிறப்பு. தற்சமயம் ராகுபகவானின் தசை நடக்கத் தொடங்கியுள்ளது. அவருக்கு அடுத்த ஆண்டு இறுதிக்குள் தெற்கு திசையிலிருந்து பெண் அமைந்து திருமணம் கைகூடும். பெயிண்ட், ஹார்டுவேர், இரும்பு சம்பந்தப்பட்ட தொழில் அமையும். பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் அண்ணனுக்கு எப்போது திருமணம் நடைபெறும்? பரிகாரங்கள் செய்ய வேண்டுமா? திருமணத் தடைக்கு காரணம் என்ன? 
    - வாசகர், பண்ருட்டி

  • உங்கள் சகோதருக்கு மிதுன லக்னம், கும்ப ராசி. களத்திர ஸ்தானாதிபதி புத்திர ஸ்தானத்தையும் களத்திர ஸ்தானத்தையும் பாக்கிய ஸ்தானத்தையும் பார்வை செய்வது சிறப்பு. தற்சமயம் பாக்கியாதிபதியின் தசை நடக்கத் தொடங்கியுள்ளது. அந்நிய உறவில் திருமணம் கைகூடும். அதே ஆண்டு ஏப்ரல் மாதத்திற்குள் படித்த பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகனுக்கு திருமணமாகி 3 வருடங்கள் ஆகின்றன. புத்திர பாக்கியம் எப்போது கிடைக்கும்? 
    - வாசகர், தஞ்சாவூர்

  • உங்கள் மருமகளுக்கு சிம்ம லக்னம், துலாம் ராசி. புத்திர ஸ்தானாதிபதி குருபகவான் கர்ம ஸ்தானத்தில் அமர்ந்து குடும்பம், சுகம் மற்றும் ஆறாம் வீட்டையும் அங்கு அமர்ந்து இருக்கும் சூரிய புத சுக்கிர பகவான்களைப் பார்வை செய்கிறார். சந்திர மங்கள யோகம், புத ஆதித்ய யோகம் போன்ற சிறப்பான யோகங்கள் உள்ளன. உங்கள் மகனுக்கு ரிஷப லக்னம், மீன ராசி  பாக்கிய ஸ்தானமும் புத்திர ஸ்தானமும் குருபகவானும் வலுத்திருக்கிறார்கள். தற்சமயம் லக்னாதிபதியின் தசை நடப்பதும் சிறப்பாகும். ஒன்றரை ஆண்டுக்குள் அவர்களுக்கு குழந்தை பாக்கியம் உண்டாகும். இரண்டு குழந்தைகள் உண்டு. பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மகன் பி.டெக் முடித்து நல்ல வேலையில் உள்ளார். மேற்படிப்புக்கு தேர்வு எழுதியும் நல்ல தரவரிசையில் வர இயலவில்லை. மீண்டும் முயற்சிக்கலாமா? 
    திருமணம் எப்போது அமையும்?

    - வாசகர்

  • உங்கள் மகனுக்கு கன்னி லக்னம், மீன ராசி, உத்திரட்டாதி நட்சத்திரம். கல்வி ஸ்தானத்தில் பூர்வபுண்ணிய புத்திர புத்தி மற்றும் ருணம் ரோக சத்ரு ஸ்தானாதிபதியான சனிபகவான் பாக்கியாதிபதியான சுக்கிரபகவானின் சாரத்தில் அமர்ந்து தொழில் ஸ்தானத்திலுள்ள குருபகவானால் பார்க்கப் படுகிறார். தற்சமயம் லக்னத்திலேயே ஆட்சி, உச்சம், மூலத்திரிகோணம் பெற்ற புதபகவானின் தசையில் பிற்பகுதி நடக்கிறது. அவருக்கு தற்சமயம் வெளிநாடுகளுக்கு மேற்படிப்பு படிக்கும் வாய்ப்பு குறைவாகவே உள்ளது. மேலும் இன்னும் ஒன்றரை ஆண்டுக்குள் படித்த நல்ல பெண் அந்நிய உறவில் அமைந்து திருமணம் கைகூடும். வெளிநாடு சென்று பொருளீட்டும் யோகமும் உள்ளது. பிரதி தினமும் விநாயகப் பெருமானை வழிபட்டு வரவும்.

  • என் மகனுக்கு மருத்துவப் படிப்பு படிக்கும் அம்சம் உண்டா? எதிர்காலம் எவ்வாறு இருக்கும்?
    - வாசகர், வேலூர்

  • உங்கள் மகனுக்கு விருச்சிக லக்னம், மிதுன ராசி. அவருக்கு கல்வி ஸ்தானாதிபதி களத்திர நட்பு ஸ்தானத்தில் பூர்வ புண்ணிய  புத்திர ஸ்தானாதிபதியான குருபகவானுடன் இணைந்துள்ளார். சிவில், மெக்கானிக்கல் படிப்புகள் ஏற்றதாக அமையும். மேலாண்மை படிப்பை நிதி சம்பந்தப்பட்ட துறையில் படிப்பார். எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.

  • நான் டிரைவராக பணியாற்றினேன். மூன்றாண்டுகளுக்கு முன் பக்கவாதம் நோய் வந்து ஒரு கை, ஒரு கால் பாதிக்கப்பட்டது. வைத்தியம் பார்த்து தற்சமயம் குச்சியைப் பிடித்துக் கொண்டு நடக்கிறேன். என் மனைவியின் உழைப்பில் குடும்பம் ஓடுகிறது. வீடு இல்லாததால் வேப்பமரத்தின் அடியில் வசிக்கிறோம்.  எந்த மாதிரி தொழில் செய்யலாம்? பொருளாதாரம் உயருமா? கடினமாக உழைக்கும் எண்ணம் உள்ளது. எதிர்காலத்தைப் பற்றிய கவலை அதிகமாக உள்ளது. எப்போது உடல்நலம் சீராகும்? சொந்த வீடு கட்டும் யோகம் உண்டா?  
    - வாசகர்

  • உங்களுக்கு மேஷ லக்னம், பூசம் நட்சத்திரம் ஒன்றாம் பாதம், கடக ராசி. சுக ஸ்தானாதிபதியான நான்காம் வீட்டுக்கதிபதி சந்திரபகவான் நான்காம் வீட்டில் சனிபகவானின் சாரத்தில் (பூசம் நட்சத்திரம்) அமர்ந்து நவாம்சத்தில் சிம்ம ராசியை அடைகிறார். லக்னத்திற்கும் அஷ்டம ஸ்தானமான எட்டாம் வீட்டிற்கும் அதிபதியான செவ்வாய்பகவான் லக்னத்தில்  கேதுபகவானின் சாரத்தில் (அசுவினி நட்சத்திரம்) ஆட்சி பெற்று வர்கோத்தமத்திலும் (ராசியிலும் நவாம்சத்திலும் ஒரே ராசியில் அமரும் நிலை) அமர்ந்திருக்கிறார். எவருக்கும் லக்னாதிபதி லக்னத்தில் ஆட்சி பெற்று இருப்பது சிறப்பாகும். அதுவும் சுபாவ அசுபக் கிரகங்களுக்கு கேந்திராதிபத்யம் அமைந்து கேந்திர ராசிகளில் அமர்ந்திருப்பது மிகவும் சிறப்பு. செவ்வாய்பகவான் லக்னத்தில் ஆட்சி பெற்று அமர்ந்திருப்பதால் யோகபாக்கியங்கள் கூடும். மதிப்பும் அந்தஸ்தும் உயரும். சொத்துகளும் சேரும். பொதுநலப் பணிகளில் ஈடுபட்டு பெயரும் புகழும் பெறமுடியும். சுகானுபவம் கூடும். லக்ன கேந்திரத்தில் செவ்வாய்பகவான் ஆட்சி பெற்று இருப்பதால் பஞ்சமஹா புருஷ யோகங்களிலொன்றான ருசக யோகம் உண்டாகிறது. பொதுவாக, பஞ்சமஹா புருஷ யோகங்கள் இருந்தால் நல்ல உடல் வாகு உள்ளவராகவும் சகலகலா வல்லவராயும் எவரையும் தன் வசம் கவரும் ஆற்றல் மிக்கவராயும் திகழ்வார். ருசக யோகத்தால் பூமி, கட்டடம், விவசாயம் மூலமாகவும் லாபம் உண்டாகும் என்று கூறலாம். செவ்வாய்பகவான் நான்காம் பார்வையாக சுகஸ்தானத்தையும் அங்கு அமர்ந்திருக்கும் சந்திரபகவானையும் பார்வை செய்கிறார். இதனால் சந்திரமங்கள யோகம் உண்டாகிறது. இதனால் பூமி, நெருப்பு சம்பந்தப்பட்ட துறைகளின் மூலம் வருமானம் கிடைக்கும். மேலும் செவ்வாய்பகவான் வலுத்தவர்கள் தன்னம்பிக்கை மிக்கவர்களாகவும் சாதனைகள் செய்யும் வலிமை, துணிச்சல், நிர்வாகப் பொறுப்பு ஆகியவைகளைப் பெற்றவர்களாகவும்; அரசு உதவிகளைப் பெறுபவர்களாகவும் இருப்பார்கள்.
    பூர்வபுண்ணிய புத்திர ஸ்தானாதிபதியான சூரியபகவான் களத்திர நட்பு ஸ்தானத்தில் குருபகவானின் சாரத்தில் (விசாக நட்சத்திரம்) அமர்ந்து நவாம்சத்தில் மிதுன ராசியை அடைகிறார். பாக்கிய ஸ்தானமான ஒன்பதாம் வீட்டிற்கும் அயன ஸ்தானமான பன்னிரண்டாம் வீட்டிற்கும் அதிபதியான சூரியபகவான் தொழில் ஸ்தானமான பத்தாம் வீட்டில் சந்திரபகவானின் சாரத்தில் (திருவோண நட்சத்திரம்) நீச்சம் பெற்று அமர்ந்து நவாம்சத்தில் மேஷ ராசியை அடைகிறார். குருபகவான் லக்ன கேந்திரத்திலும் சந்திரகேந்திரத்திலும் இருப்பதால்  நீச்சபங்க ராஜயோகத்தைப் பெறுகிறார். தனம் வாக்கு குடும்ப ஸ்தானமான இரண்டாம் வீட்டிற்கும் களத்திர நட்பு ஸ்தானமான ஏழாம் வீட்டிற்கும் அதிபதியான சுக்கிரபகவான் பாக்கிய ஸ்தானமான ஒன்பதாம் வீட்டில் சுயசாரத்தில் (பூராடம் நட்சத்திரம்) அமர்ந்து நவாம்சத்தில் சிம்ம ராசியை அடைகிறார். தைரிய ஸ்தானமான மூன்றாம் வீட்டிற்கும், ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கும் அதிபதியான புதபகவான் களத்திர நட்பு ஸ்தானத்தில் ராகுபகவானின் சாரத்தில் (சுவாதி நட்சத்திரம்) அமர்ந்து நவாம்சத்தில் மீன ராசியில் நீச்சமடைகிறார். தொழில் ஸ்தானமான பத்தாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான சனிபகவான் தைரிய ஸ்தானமான மூன்றாம் வீட்டில் ராகுபகவானின் சாரத்தில் (திருவாதிரை நட்சத்திரம்) அமர்ந்து நவாம்சத்தில் மகர ராசியில் ஆட்சி பெறுகிறார். ராகுபகவான் பாக்கிய ஸ்தானமான ஒன்பதாம் வீட்டில் கேதுபகவானின் சாரத்தில் (மூலம் நட்சத்திரம்) அமர்ந்து நவாம்சத்தில் ரிஷப ராசியை அடைகிறார். கேதுபகவான் தைரிய ஸ்தானமான மூன்றாம் வீட்டில் செவ்வாய்பகவானின் சாரத்தில் (மிருகசீரிஷம் நட்சத்திரம்) அமர்ந்து நவாம்சத்தில் விருச்சிக ராசியை அடைகிறார்.
    பொருளாதார வளத்தைக் கண்டறிவதற்கு முக்கியமாக இரண்டு மற்றும் ஒன்பதாம் வீடுகளைப் பார்க்க வேண்டும். அதாவது தனாதிபதி மற்றும் பாக்கியாதிபதிகள் வலுத்திருக்க வேண்டும். இவர்கள் இணைந்தோ அல்லது சமசப்தம பார்வை பெற்றோ, பரிவர்த்தனை (நட்சத்திர பரிவர்த்தனையும் இதில் அடக்கம்) பெற்றிருந்தாலோ, சிறப்பான தனயோகம் உண்டாகும் என்று கூற வேண்டும்.இத்தகையோர் ஒரு காலத்தில் ஏழ்மையை சந்தித்தாலும் வாழ்க்கையின் பிற்பகுதியில் (சராசரியாக நாற்பத்தைந்து வயதுக்கு மேல்) சுபிட்சங்களைப் பெற்றுவிடுகிறார்கள் என்பது அனுபவ உண்மை. இதோடு லாபாதிபதியும் வலுத்திருந்தால் ஒன்றுக்கு மேற்பட்ட இனங்களிலலிருந்து சுபிட்சங்கள் உண்டாகும். உங்களுக்கு இரண்டாம் வீட்டுக்கதிபதி பாக்கிய ஸ்தானத்தில் சுய சாரத்தில் அமர்ந்திருப்பதும் பாக்கியாதிபதி தொழில் ஸ்தானத்தில் நீச்சபங்க ராஜயோகம் பெற்று தன ஸ்தானத்தையும் சுக ஸ்தானத்தையும் அங்கு அமர்ந்திருக்கும் சுகாதிபதியையும் (கஜகேசரி யோகம்) ஆறாம் வீட்டையும் பார்வை செய்கிறார். இதனால் உங்கள் வாழ்க்கை தடம் புரண்டு விடாது என்று கூற வேண்டும். மேஷ லக்னத்திற்கு இரண்டு, ஏழாம் வீடுகளுக்கு அதிபதியான சுக்கிரபகவான் வலுத்த மாரகர் (கண்டங்களைக் கொடுப்பவர்) என்று கூறப்பட்டுள்ளது. உங்களுக்கு ஆரோக்கிய ஸ்தானாதிபதியான புதபகவான் (சுபக்கிரகம்) ஏழாம் வீடான சப்தம கேந்திரத்தில் அசுபக் கிரகமான ராகுபகவானின் சாரத்தில் அமர்ந்து நவாம்சத்தில் நீச்சமடைகிறார். அவர் அமர்ந்திருப்பது மாரகாதிபதியான சுக்கிர பகவானின் வீடாகும். ஆறாமதிபதிக்கு ஏழாமதிபதியின் சம்பந்தம் ஏற்பட்டு அவர் பலகீனப்படுகிறார். புதபகவான் நம் உடலில் நரம்புக்குக் காரகத்துவம் பெறுகிறார். பக்கவாதம் என்பது நரம்பு சம்பந்தப்பட்டது என்பது அனைவரும் அறிந்ததே. 
    2012 -ஆம் ஆண்டிலிருந்து சுக்கிரபகவானின் தசை நடக்கத் தொடங்கியது. முதல் பகுதியில் கண்டங்களும் சிரமங்களும் இடையூறுகளும் ஏற்பட்டது. இதனால் சுக்கிரபகவானின் தசையில் பிற்பகுதி ராகுபகவானின் புக்தி நடக்கும். சுக்கிர , ராகு பகவான்கள் பாக்கிய ஸ்தானத்தில் இணைந்து தைரிய ஸ்தானத்திலிருந்து தொழில் ஸ்தானாதிபதியால் பார்க்கப் படுகிறார்கள். சுக்கிரமஹா தசை நடப்பதால் திரவப் பொருள்கள், வெண்மை நிறப் பொருள்கள், உப்பு சம்பந்தப்பப்பட்ட பொருள்களின் மூலம் லாபம் பெறலாம். அதோடு லக்னாதிபதியான செவ்வாய்பகவானுக்கு உகந்த உணவு, நெருப்பு, மளிகை, எண்ணெய் வித்துகள், கட்டுமானம் போன்ற துறைகளிலும் ஈடுபடலாம். லக்னாதிபதி லக்னத்தில் ஆட்சி பெற்று இருப்பதால் மனதில் தெளிந்த சிந்தனைகள் உருவாகும். சந்திரபகவான் சுகஸ்தானத்தில் ஆட்சி பெற்றிருப்பதால் மனோபலமும் சிறப்பாக அமையும். பத்தாமதிபதி கேதுபகவானுடன் இணைந்திருப்பதால் ஞான மார்க்கம், பக்தி மார்க்கம், ஆன்மிகம், மருத்துவம் சம்பந்தப்பட்ட துறைகளில் ஈடுபாடு கூடும். அதோடு கணக்கன் என்கிற புதபகவானும் வலுத்திருப்பதால் ஜோதிடமும் வரும் குருமங்கள யோகம், கஜகேசரி யோகம், புத ஆதித்ய யோகம் போன்ற சிறப்பான யோகங்கள் உள்ளன. அதேநேரம் பத்தாமதிபதி தன் வீட்டிற்கு ஆறில் மறைவு பெறுவதால் செய்தொழிலில் ஏற்ற இறக்கங்கள் அடிக்கடி உண்டாகும்.  மற்றபடி சந்திரபகவானை (உடல் காரகர்) குருபகவான் பார்வை செய்வதால் உடல் நலம் முழுமையாகச் சீரடைந்துவிடும். அதனால் பெரிதாகக் கவலைப்பட எதுவுமில்லை. சுக்கிர தசை சனி புத்தியில் சொந்தவீடு கட்டும் யோகம் உண்டாகும். பிரதி தினமும் முருகப்பெருமானை மனதில் நினைத்துக் கொண்டு ""முருகா முருகா'' என்று ஜபித்து வரவும். மற்றபடி எதிர்காலம் சிறப்பாக அமையும்.


     

  • நான் தனியார் கல்லூரியில் உதவிப் பேராசிரியராக பணிபுரிகிறேன். எப்போது அரசு வேலை கிடைக்கும்? தொழில் செய்யலாமா? பரிகாரம் ஏதும் செய்ய வேண்டுமா? வாழ்க்கையில் முன்னேற்றம் ஏற்படுமா? 
    - வாசகர், ராசிபுரம்

  • உங்களுக்கு மேஷ லக்னம், கடக ராசி. லக்னாதிபதி நீச்சம் பெற்று அங்கு ஆட்சி பெற்றுள்ள சந்திரபகவானுடன் இணைந்திருப்பதால் நீச்சபங்க ராஜயோகத்தைப் பெறுகிறார். பூர்வபுண்ணியாதிபதி பூர்வபுண்ணிய ஸ்தானத்திலேயே ஆட்சி பெற்றும் புதபகவான் ஆறாம் வீட்டில் உச்சம் பெற்றும் தொழில் லாப ஸ்தானாதிபதியான சனிபகவான் களத்திர நட்பு ஸ்தானத்தில் உச்சம் பெற்றிருப்பதும் சிறப்பு. அதனால் அரசு வேலை இன்னும் இரண்டாண்டுகளுக்குள் கிடைக்கும். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சூரியபகவானை வழிபட்டு வரவும்.

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை