பஞ்சாங்கம்

வெள்ளிக்கிழமை

14

விளம்பி வருடம், கார்த்திகை 28-ம் தேதி

நல்ல நேரம்

காலை 9.15 - 10.15   மாலை 4.45 - 5.45

ராகு காலம்

10.30 - 12.00

எம கண்டம்

3.00 - 4.30

குளிகை

7.30 - 9.00

திதி

ஸப்தமி

நட்சத்திரம்

சதயம்

சந்திராஷ்டமம்

ஆயில்யம், மகம்

இன்றைய ராசிபலன்

மேஷம் - அமைதி
ரிஷபம் - லாபம்
மிதுனம் - வரவு
கடகம் - செலவு
சிம்மம் - கவலை
கன்னி - துயரம்
துலாம் - பயம்
விருச்சிகம் - ஆதாயம்
தனுசு - தனம்
மகரம் - குரோதம்
கும்பம் - அன்பு
மீனம் - சுகம்

யோகம்: சித்த யோகம்

சூலம்: மேற்கு

பரிகாரம்: வெல்லம்

விசேஷம்: திருவள்ளூர் ஸ்ரீ வீரராகவர் பெருமாள் திருமொழித் திருநாள் தொடக்கம். 

கேள்வி - பதில்
  • ஐடி நிறுவனத்தில் பணிபுரியும் எனக்கு வெளிநாட்டில் வேலை செய்யும் வாய்ப்பு உள்ளதா? சொந்த வீடு யோகம் உள்ளதா? எதிர்காலம் எவ்வாறு உள்ளது?
     - வாசகர், பள்ளிக்கரணை

  • உங்களுக்கு மகர லக்னம், கும்ப ராசி. தர்மகர்மாதிபதிகளை லக்னாதிபதி பார்வை செய்வது சிறப்பு. இது மூன்று திரிகோணாதிபதிகளின் சங்கமமாகும். இதனால் உங்கள் முயற்சிகள் சிறப்பாக வெற்றி பெறும். தற்சமயம் தொழில் ஸ்தானத்தைப் பார்வை செய்யும் குருமகா தசை நடப்பது சிறப்பாகும். அடுத்த ஆண்டு செப்டம்பர் மாதத்திற்குப்பிறகு சொந்த வீடு அமையும். அந்த காலகட்டத்தில் வெளிநாடு செல்லும் யோகமும் உண்டாகும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.
     
     

  • அரசுப் பணியில் உள்ள நான் இன்னும் 4 ஆண்டுகளில் ஓய்வு பெற உள்ளேன். தற்போது அரசியலில் ஈடுபட ஆர்வம் கொண்டுள்ளேன். அரசியலில் வெற்றி கிடைக்குமா? எந்த வகை அரசியல் எனக்கு உகந்தது? அல்லது எழுத்துத் துறையில் சாதனை படைப்பேனா?
     - வாசகர், திருநெல்வேலி

  • உங்களுக்கு தனுசு லக்னம், மிதுன ராசி. தர்மகர்மாதிபதிகள் தர்ம ஸ்தானமான பாக்கிய ஸ்தானத்தில் அமர்ந்திருக்கிறார்கள். களத்திர நட்பு ஸ்தானங்களில் வலுவான கிரகங்கள் அமர்ந்திருப்பதும் சிறப்பாகும். இதனால் அரசியலும் ஏற்றதாக அமைகிறது. அரசு வேலையை முழுமையாக முடித்துவிட்டு ஓய்வு பெற்றபிறகு முழு நேர அரசியலில் ஈடுபடுவது ஏற்றது. மற்றபடி எழுத்து துறையும் ஏற்றது. பிரதி புதன்கிழமைகளில் ஸ்ரீ ராமரை வழிபட்டு வரவும்.

  • எனக்கு இரட்டை குழந்தைகள். இவர்களில் மூத்த மகன் சிங்கப்பூரில் 10 ஆண்டுகளாக வேலை செய்கிறார். இளைய மகன் எம்.பி.ஏ., படித்துள்ளார். ஆனால் இவருக்கு இன்னும் எந்த வேலையும் சரியாக அமையவில்லை. நிலையான வேலை அமைய என்ன பரிகாரம் செய்ய வேண்டும்? குழந்தை பாக்கியம் எப்போது கிடைக்கும்?
     - வாசகர், கோயம்புத்தூர்

  • உங்கள் மகனுக்கு விருச்சிக லக்னம், கன்னி ராசி. தொழில் ஸ்தானாதிபதியான சூரியபகவான் களத்திர நட்பு ஸ்தானத்தில் அமர்ந்து லாப ஸ்தானத்தில் அமர்ந்திருக்கும் குருபகவானின் பார்வையை பெற்று அமர்ந்துள்ளார்.தற்சமயம் குருமகா தசையில் பிற்பகுதி நடக்கிறது. அடுத்த ஆண்டு ஜனவரி மாதத்திற்குப்பிறகு நிரந்தர வேலை, புத்திர பாக்கியம் ஆகியவை கிடைக்கும். மற்றபடி எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.

  • என் மகனுக்கு சரியான வேலை இல்லாததால் திருமணம் தள்ளிப்போகிறது. நிரந்தரமான வேலை எப்போது கிடைக்கும்? உத்தியோகம் பார்க்கும் பெண் அமையுமா? எப்போது திருமணம் கைகூடும்? பரிகாரம் ஏதும் செய்ய வேண்டுமா?
     - வாசகர், கொரட்டூர்

  • உங்கள் மகனுக்கு மிதுன லக்னம், கன்னி ராசி. தொழில் ஸ்தானத்தில் ராகுபகவானும் தொழில் ஸ்தானாதிபதி லாப ஸ்தானத்திலும் அமர்ந்திருப்பது சிறப்பு. தற்சமயம் குருபகவானின் தசையில் சனிபகவானின் புக்தி நடக்கத் தொடங்கியுள்ளது. அவருக்கு அவர் படித்துள்ள பொறியியல் துறையிலேயே உத்தியோகம் உடனடியாக கிடைக்கும். இன்னும் இரண்டாண்டுகளுக்குள் படித்த பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் மகனுக்கு திருமணமாகி விவாகரத்தாகி விட்டது. மறுமணம் உண்டா? குடும்ப வளர்ச்சி, எதிர்காலம் எவ்வாறு இருக்கும்?
     - வாசகர்

  • உங்கள் மகனுக்கு கன்னி லக்னம், மீன ராசி. தற்சமயம் தன, பாக்கியாதிபதியான சுக்கிரபகவானின் தசை நடக்கிறது. இன்னும் ஒன்றரை ஆண்டுக்குள் குடும்ப ஸ்தானத்திற்கு ஏற்ற சமதோஷம் உள்ள பெண் அமைந்து மறுமணம் கைகூடும். புத்திர ஸ்தானாதிபதி லக்னத்தில் அமர்ந்திருப்பதால் புத்திர பாக்கியத்திற்கு குறைவு ஏற்படாது. தொழில் ஸ்தானமும் லாப ஸ்தானமும் வலுவாக உள்ளதால் செய்தொழிலில் நல்ல வளர்ச்சியை எட்டி விடுவார். எதிர்காலம் சிறப்பாக அமையும். பிரதி வெள்ளிக்கிழமைகளில் அம்பாளை வழிபட்டு வரவும்.

  • என் மகனுக்கு வயது 35. வெளிநாட்டில் வேலை பார்க்கிறார். எப்போது திருமணம் கைகூடும்? எத்திசையில் எத்தகைய பெண் அமையும்? புத்திர பாக்கியம், எதிர்காலம் எவ்வாறு இருக்கும்?
     - வாசகர், திருத்துறைப்பூண்டி

  • உங்கள் மகனுக்கு துலா லக்னம், மீன ராசி. களத்திர ஸ்தானாதிபதி குருபகவானால் பார்க்கப்படுவது சிறப்பு. தற்சமயம் தொழில் ஸ்தானத்தில் அமர்ந்திருக்கும் லக்னாதிபதியின் தசை நடக்கிறது. அடுத்த ஆண்டு மார்ச் மாதத்திற்குள் படித்த நல்ல வேலையில் உள்ள பெண் தென்கிழக்கு திசையிலிருந்து அமைந்து திருமணம் கைகூடும். புத்திர பாக்கியம் உண்டு. எதிர்காலம் சிறப்பாக அமையும்.
     

  • என் மகனுக்கு தற்போது சூரிய தசை, செவ்வாய் புக்தி நடக்கிறது. கேட் தேர்வு எழுத உள்ளார். மேற்படிப்பு படிக்க வாய்ப்பு உள்ளதா? நல்ல நிறுவனத்தில் வேலை கிடைக்குமா? ஜோதிடர் ஒருவர் கலப்பு திருமணம் செய்து கொள்வான் என்று கூறுகிறார்? அப்படி நடக்க வாய்ப்பு உள்ளதா?
     - வாசகர், சேலம்

  • உங்கள் மகனுக்கு மிதுன லக்னம், சிம்ம ராசி. தற்சமயம் சூரியபகவானின் தசை நடக்கத் தொடங்கியுள்ளது. அவருக்கு கேட் தேர்வின் மூலம் மேற்படிப்பு படிக்க வாய்ப்புள்ளது. களத்திர ஸ்தானாதிபதி களத்திர ஸ்தானத்திலேயே ஆட்சி பெற்று இருப்பதால் பெற்றோர் நிச்சயித்த திருமணம் நடைபெறும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • எனக்கு எப்போது அரசு வேலை கிடைக்கும்? திருமணம் எப்போது அமையும்?
     - வாசகர், நாகர்கோவில்

  • உங்களுக்கு மகர லக்னம், தனுசு ராசி. லக்ன, குடும்பாதிபதி லாப ஸ்தானத்தில் அமர்ந்து புத்திர ஸ்தானத்தைப் பார்வை செய்கிறார். களத்திர ஸ்தானாதிபதி மறைவு பெற்றிருந்தாலும் களத்திர ஸ்தானத்தில் பாக்கியாதிபதி அமர்ந்திருப்பது சிறப்பு. தற்சமயம் அஷ்டமாதிபதியின் தசை முடியும் தருவாயில் உள்ளது. குருபகவானின் பார்வை கர்ம ஸ்தானத்தின் மீது படிகிறது. உங்களுக்கு அடுத்த ஆண்டு இறுதிக்குள் படித்த பெண் அமைந்து திருமணம் கைகூடும். பிரதி சனிக்கிழமைகளில் சனிபகவானை வழிபட்டு வரவும். அரசு கிரகங்கள் வலுவாக உள்ளதால் அரசு அல்லது அரசு சம்பந்தப்பட்ட வேலை கிடைக்கும்.

  • பி. இ., படித்துள்ள என் மகளுக்கு திருமண ஏற்பாடு செய்கிறேன். தற்போது என்ன தசாபுக்தி நடக்கிறது? செவ்வாய் தோஷம் போன்ற தோஷங்கள் இருக்கிறதா?
     - வாசகர், சென்னை

  • உங்கள் மகளுக்கு துலாம் லக்னம், கும்ப ராசி. லக்னாதிபதி பாக்கிய ஸ்தானத்தில் அமர்ந்திருக்கிறார். களத்திர ஸ்தானாதிபதி களத்திர ஸ்தானத்தில் ஆட்சி பெற்று அமர்ந்து உச்சம் பெற்ற லாபாதிபதியுடன் இணைந்து குருபகவானால் பார்க்கப்படுவதால் தோஷம் என்று பெரிதாகக் கூறமுடியாது. சுகாதிபதி ஆறாம் வீட்டில் சுய சாரத்தில் இருப்பதும் சிறப்பு. அவருக்கு அடுத்த ஆண்டு இறுதிக்குள் படித்த நல்ல வேலையிலுள்ள வரன் அமைந்து திருமணம் கைகூடும். மற்றபடி ஜாதகம் சரியாகவே கணிக்கப்பட்டுள்ளது. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் நண்பரின் மகனுக்கு கடந்த 6 மாதங்களாக பெண் பார்த்து வருகின்றனர். இன்னும் திருமணம் அமையவில்லை. திருமண யோகம் இருக்கிறதா? எப்போது திருமணம் நடைபெறும்?
     - வாசகர், ஈரோடு

  • உங்கள் நண்பரின் மகனுக்கு மகர லக்னம், விருச்சிக ராசி. லக்னத்தில் சுக லாபாதிபதி உச்சம் பெற்றிருக்கிறார். லக்னாதிபதி பூர்வபுண்ணிய புத்திர புத்தி ஸ்தானத்தில் அமர்ந்து குருபகவானால் பார்க்கப்படுகிறார். தர்மகர்மாதிபதிகள் பலமாக அமர்ந்திருக்கிறார்கள். தற்சமயம் புத்திர, தொழில் ஸ்தானாதிபதியான சுக்கிரபகவானின் தசை நடக்கிறது. அதனால் அவருக்கு ஏற்ற பெண் அடுத்த ஆண்டு செப்டம்பர் மாதத்திற்குள் அமைந்து திருமணம் கைகூடும். முடிந்தால் அவரை பிரதி திங்கள்கிழமைகளில் சிவபெருமானையும் பார்வதி தேவியையும் வழிபட்டு வரச் சொல்லவும்.

  • என் மகளுக்கு மூன்று ஆண்டுகளாக திருமணம் செய்ய முயற்சிகள் மேற்கொண்டு வருகிறேன். இன்னும் திருமணம் ஆகவில்லை. எப்போது திருமணம் கைகூடும்? அரசு வேலை கிடைக்குமா? மாப்பிள்ளை எத்திசையில் அமைவார்? சூரியன், சுக்கிரன் நீச்சத்தில் உள்ளதால் திருமணம், வேலைவாய்ப்பில் தடை ஏற்படுகிறதா?
     - வாசகர், மதுரை

  • உங்கள் மகளுக்கு விருச்சிக லக்னம், கும்ப ராசி. களத்திர ஸ்தானாதிபதி ராசியில் நீச்சம் பெற்றாலும் நவாம்சத்தில் ஆட்சி பெறுவதால் முழுமையான நீச்சபங்க ராஜயோகம் உண்டாகிறது. தற்சமயம் சுக ஸ்தானத்தில் ஆட்சி பெற்றிருக்கும் சுக, பஞ்சமாதிபதியின் தசை நடக்கிறது. அடுத்த ஆண்டு ஜூலை மாதத்திற்குள் திருமணம் கைகூடும். தெற்கு திசையிலிருந்து வரன் அமைவார். அரசு அல்லது அரசு சார்ந்த துறைகளில் உத்தியோகம் அமையும். மற்றபடி ஒரு கிரகத்துக்கு முழுமையான நீச்சபங்க ராஜயோகம் ஏற்பட்டுவிட்டால் மற்ற நீச்ச கிரகங்களுக்கும் நீச்சபங்க ராஜயோகம் கிடைத்துவிடும். பிரதி சனிக்கிழமைகளில் சனிபகவானை வழிபட்டு வரவும்.

  • என் மகன் விவாகரத்தானவர். இரட்டை குழந்தைகள் உள்ளனர். மறுதிருமணம் உண்டா? எப்போது?
     - வாசகர், நாகர்கோவில்

  • உங்கள் மகனுக்கு ரிஷப லக்னம், கடக ராசி. களத்திர ஸ்தானாதிபதி மறைவு பெற்று இருப்பது குறை. மற்றபடி பூர்வபுண்ணிய புத்திர ஸ்தானத்தில் புத்திர ஸ்தானாதிபதி உச்சம் பெற்றிருப்பதாலும் தற்சமயம் லக்னாதிபதியின் தசையில் இறுதிப்பகுதி நடப்பதால் அடுத்த ஆண்டு இறுதிக்குள் படித்த பெண் அமைந்து மறுமணம் கைகூடும். புத்திர பாக்கியம் உண்டு. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • பட்டப்படிப்பு படித்திருக்கும் நான் வாழ்க்கையில் நிறைய கஷ்டங்களை அனுபவித்து விட்டேன். எப்போது இந்த கஷ்டங்களிலிருந்து விடுதலை கிடைக்கும்? அரசாங்க வேலை கிடைக்குமா? திருமணம் எப்போது நடைபெறும்? ஏதும் பரிகாரம் செய்ய வேண்டுமா?
     - வாசகர், சென்னை

  • உங்களுக்கு கன்னி லக்னம், மகர ராசி, உத்திராடம் நட்சத்திரம். லக்னம் மற்றும் தொழில் ஸ்தானத்திற்கு அதிபதியான புதபகவான் கேந்திராதிபத்ய தோஷம் நீங்கப்பெற்று பன்னிரண்டாம் வீட்டில் இருப்பது விசேடம். பூர்வபுண்ணிய ஸ்தானாதிபதி சுக ஸ்தானத்திலும் தன பாக்கியாதிபதி சுக்கிரபகவான் தொழில் ஸ்தானத்திலும் அமர்ந்து சமசப்தமமாக பார்வை செய்கிறார்கள். தற்சமயம் ராகுபகவானின் தசையில் லக்னாதிபதியின் புக்தி இந்த ஆண்டு இறுதிவரை நடக்கிறது. அடுத்த ஆண்டு தொடங்கியவுடன் உங்கள் தகுதிக்கேற்ற வேலை கிடைத்து விடும். லாப ஸ்தானம் வலுவாக உள்ளதால் எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையையும் பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • நான் பள்ளியில் ஆசிரியராக இருக்கிறேன். வளைகுடா நாட்டிற்குச் சென்று பள்ளி ஆசிரியராக பணிபுரிய விண்ணப்பித்துள்ளேன். இது சரியான நேரமா? இந்த வாய்ப்பு கைகூடுமா? என் ஜாதகத்தில் வெளிநாட்டில் சம்பாதிக்கும் பாக்கியம் உள்ளதா? என்ன பரிகாரம் செய்ய வேண்டும்?
     - வாசகி, நாகர்கோவில்

  • உங்களுக்கு மேஷ லக்னம், மேஷ ராசி. லக்னத்தில் பாக்கியாதிபதியான குருபகவான் அமர்ந்து பாக்கிய ஸ்தானத்தையும் சப்தம ஸ்தானத்தையும் பூர்வபுண்ணிய ஸ்தானத்தையும் பார்வை செய்கிறார். பூர்வபுண்ணிய ஸ்தானாதிபதியும் லக்னாதிபதியும் சேவை கிரகமான ஆறாமதிபதியான புதபகவானும் பாக்கிய ஸ்தானத்தில் அமர்ந்திருக்கிறார்கள். இவர்கள் மூவரின் மீதும் குருபகவானின் பார்வை படிகிறது. குருசந்திர யோகம், சிவராஜ யோகம், குருமங்கள யோகம் ஆகிய சிறப்பான யோகங்கள் உண்டாகின்றன. வெளிநாடு வாசத்திற்கு சர ராசிகளும் நீர் ராசிகளும் பாக்கிய ஸ்தானமும் அயன ஸ்தானமும் குறிப்பாக, வலுத்திருக்க வேண்டும் என்பது ஜோதிட விதி. அதோடு சாதகமான தசாபுக்திகளும் நடக்கும் காலங்கள் அமைந்தால் வெளிநாடு செல்லும் முயற்சிகள் சுலபமாக வெற்றி பெறும். உங்களுக்கு தற்சமயம் களத்திர நட்பு ஸ்தானமான ஏழாம் வீட்டில் (சர ராசி) குருபகவானின் பார்வையைப் பெற்றிருக்கும் ராகுபகவானின் தசையில் சுக ஸ்தானத்தில் (சர ராசியில்) அமர்ந்திருக்கும் சனிபகவானின் புக்தி நடக்கிறது. அதனால் வெளிநாட்டிற்கு முயற்சி செய்யத் தொடங்கியிருக்கிறீர்கள். அடுத்த ஆண்டு ஏப்ரல் மாதத்திற்குப்பிறகு தொடங்கும் குருபகவானின் பார்வையை பெற்ற புதபகவானின் புக்தியில் வளைகுடா நாடுகளுக்குச் செல்லும் யோகம் உண்டாகும். தொடர்ந்து யோக தசைகள் நடப்பதால் எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மகன் கடந்த 5 ஆண்டுகளாக சிங்கப்பூரில் வேலை செய்கிறார். திருமணமாகி மூன்றாண்டுகள் ஆகியும் குழந்தை பாக்கியம் இல்லை. இருவருக்கும் ஐந்தாம் வீட்டில் சர்ப்பக் கிரகங்கள் இருப்பது குறையா? தாய்நாட்டிற்கு வந்து வேலைக்கு முயற்சிக்கலாமா? பரிகாரம் எதுவும் செய்ய வேண்டுமா? லக்னத்தில் குருசந்திர யோகம் அமைவது சிறப்பா? பரிகாரம் என்ன செய்ய வேண்டும்?
     - வாசகர், விருதுநகர்

  • உங்கள் மகனுக்கு ரிஷப லக்னம், ரோகிணி நட்சத்திரம், ரிஷப ராசி. தைரிய ஸ்தானமான மூன்றாம் வீட்டிற்கு அதிபதியான சந்திரபகவான் லக்னத்தில் சுயசாரத்தில் (ரோகிணி நட்சத்திரம்) உச்சம் பெற்று அமர்ந்து நவாம்சத்தில் மிதுன ராசியை அடைகிறார். ஒருவருக்கு லக்னமும் ராசியும் ஒன்றாக அமைவது சிறப்பாகும். லக்னத்தைக் கொண்டே ஒருவருடைய உருவ அமைப்பு, உயரம், அழகு, நிறம், குணம், ஆரோக்கியம், மனோபாவம், உடல் வலிமை ஆகியவற்றை அறியலாம். லக்னமும் லக்னாதிபதியும் நன்றாக அமைந்துவிட்டால் மட்டுமே சுக வாழ்க்கை உண்டாகும். அதோடு மற்ற கிரகங்களால் உண்டாகும் யோக பலன்களை ஜாதகர் அனுபவிக்க முடியும். கிரகங்களின் ஸ்தான பலத்தை குறிப்பிடும்பொழுது, உச்சபலத்திற்கு முழு பலனும், மூலத்திரிகோண பலத்திற்கு 90 விழுக்காடு பலனும், ஆட்சி பலத்திற்கு 80 விழுக்காடு பலனும் கிடைக்கும். சந்திரபகவான் உச்சம் பெற்றிருப்பதால் சந்திரபகவான் முழுமையான பலத்தைப் பெற்றவராகிறார். சந்திரபகவானுக்கு "மதி' என்று ஒரு பெயர் உண்டு. சந்திரபகவானின் பலம் வலுத்தவர்களுக்கு இயற்கையிலேயே மதியூகம் சிறப்பாக அமைந்துவிடும். இவர் மனோகாரகர் அல்லது மனதை நிர்ணயிப்பவர் என்றும், மாத்ருகாரகர் அதாவது தாயை நிர்ணயிப்பவர் என்கிற காரகத்துவங்களும் உள்ளது. கவர்ச்சிகரமான முகத்தோற்றம், கற்பனா சக்தி, அமைதியாகவும் பொறுமையாகவும், நிதானமாகவும் சிந்தித்து முடிவெடுக்கும் இயல்பும் மற்றவர்களின் மனதைப் படிக்கும் ஆற்றலும், சந்தர்ப்பத்திற்கு ஏற்ப நடந்துகொள்ளும் புத்திசாலித்தனமும் உள்ளுணர்வுக்கு மதிப்பு கொடுத்து நடந்து கொள்ளுதல் போன்றவற்றிற்கும் சந்திரபகவான் காரணமாகிறார். பொதுவாக, வளர்பிறை சந்திரபகவான் முழுச் சுபராக கருதப்படுகிறார். கடக ராசியானது நீர் ராசி மற்றும் சர ராசியாகவும் ஆவதால் அடிக்கடி பயணம் செய்யும் வாய்ப்புகளும் தேடிவரும். சட்டென்று துணிந்து வேகமாகச் செயல்படக் கூடியவராகவும், தன்மானம் மிக்கவராகவும் இருப்பார். சந்திரபகவானுக்கு பகை வீடு என்று எதுவும் கிடையாது.
     அஷ்டம ஸ்தானமான எட்டாம் வீட்டிற்கும், லாப ஸ்தானமான பதினொன்றாம் வீட்டிற்கும் அதிபதியான குருபகவான் லக்னத்தில் சந்திரபகவானின் சாரத்தில் (ரோகிணி நட்சத்திரம்) அமர்ந்து நவாம்சத்தில் மேஷ ராசியை அடைகிறார். லக்னத்தில் குருபகவான் பலம் பெற்று அமர்ந்து இருந்தால் தீர்க்காயுள், நல்ல அறிவு, சிறப்பான கல்வி, செல்வம் செல்வாக்கு ஆகியவற்றை உண்டாக்குவார். பூர்வீகச் சொத்துகள் தடங்கலின்றி கிடைக்கும். எடுத்த காரியங்களை சிறப்பாகச் செய்து முடிக்கும் திறமை உண்டாகும். பெரியோர்களின் நட்பு, தேகத்தில் பொலிவு, அரசாங்கத்திலிருந்து வெகுமதி, பாராட்டு போன்றவை உண்டாகும். வாழ்க்கையில் சிறிய நிலையிலிருந்து படிப்படியாக உயர்ந்து உயரிய நிலைமையை எட்டி விடுவார்கள்.
     ஒரு செயல் செய்யும் பொழுது அதில் எக்காரணத்திலாவது உண்டாகக்கூடிய அவப் பெயரை முன்பே அறிந்து கொள்ளும் உள்ளுணர்வு ஏற்பட்டு அதிலிருந்து தப்பித்துக்கொள்ளும் புத்தி இயற்கையிலேயே அமையும். வெளிநாட்டுத் தொடர்புடன் செய்யும் செயல்களில் கூடுதல் லாபம் உண்டாகும். தனம் வாக்கு குடும்ப ஸ்தானமான இரண்டாம் வீட்டிற்கும் பூர்வபுண்ணிய புத்திர ஸ்தானமான ஐந்தாம் வீட்டிற்கும் அதிபதியான புதபகவான் ருணம் (கடன்) ரோகம் (வியாதி) சத்ரு (விரோதி) ஸ்தானத்தில் செவ்வாய்பகவானின் சாரத்தில் (சித்திரை நட்சத்திரம்) வர்கோத்தமத்தில் (ராசியிலும் நவாம்சத்திலும் ஒரே ராசியில் அமரும் நிலை) அமர்ந்திருக்கிறார். லக்னத்திற்கும் ஆறாம் வீட்டிற்கும் அதிபதியான சுக்கிரபகவான் சுகஸ்தானமான நான்காம் வீட்டில் கேதுபகவானின் சாரத்தில் (மகம் நட்சத்திரம்) அமர்ந்து நவாம்சத்தில் மேஷ ராசியை அடைகிறார். சுகாதிபதியான சூரியபகவான் பூர்வபுண்ணிய புத்திர புத்தி ஸ்தானமான ஐந்தாம் வீட்டில் சந்திரபகவானின் சாரத்தில் (அஸ்த நட்சத்திரம்) அமர்ந்து நவாம்சத்தில் ரிஷப ராசியை அடைகிறார். களத்திர, நட்பு ஸ்தானமான ஏழாம் வீட்டிற்கும், அயன ஸ்தானமான பன்னிரண்டாம் வீட்டிற்கும் அதிபதியான செவ்வாய்பகவான் லாப ஸ்தானமானபதினொன்றாம் வீட்டில் சனிபகவானின் சாரத்தில்(உத்திரட்டாதி நட்சத்திரம்) அமர்ந்து நவாம்சத்தில் துலாம் ராசியை அடைகிறார். தர்மகர்மாதிபதியான சனிபகவான் அஷ்டம ஸ்தானமான எட்டாம் வீட்டில் கேதுபகவானின் சாரத்தில் (மூலம் நட்சத்திரம்) அமர்ந்து நவாம்சத்தில் மேஷ ராசியில் நீச்சமடைகிறார். கேதுபகவான் சுக ஸ்தானத்தில் சுக்கிரபகவானின் சாரத்தில் (பூரம் நட்சத்திரம்) அமர்ந்து நவாம்சத்தில் துலாம் ராசியை அடைகிறார். ராகுபகவான் தொழில் ஸ்தானமான பத்தாம் வீட்டில் குருபகவானின் சாரத்தில் (பூரட்டாதி நட்சத்திரம்) அமர்ந்து நவாம்சத்தில் மேஷ ராசியை அடைகிறார்.
     உங்கள் மருமகளுக்கு மிதுன லக்னம், கும்ப ராசி, அவிட்டம் நட்சத்திரம். லக்னம் மற்றும் சுக ஸ்தானமான நான்காம் வீட்டிற்கும் அதிபதியான புதபகவான் லக்னத்தில் ஆட்சி பெற்று பஞ்சமஹா புருஷ யோகங்களில் ஒன்றான பத்ர யோகத்தைக் கொடுக்கிறார். அவருடன் பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும், அயன ஸ்தானமான பன்னிரண்டாம் வீட்டிற்கும் அதிபதியான சுக்கிரபகவானும் இணைந்திருக்கிறார். இதனால் மஹாவிஷ்ணு மஹா லட்சுமி யோகம் உண்டாகிறது. அஷ்டம ஸ்தானமான எட்டாம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான சனிபகவான் பாக்கிய ஸ்தானத்தில் அமர்ந்திருக்கிறார். களத்திர ஸ்தானமான ஏழாம் வீட்டிற்கும் தொழில் ஸ்தானமான பத்தாம் வீட்டிற்கும் அதிபதியான குருபகவான் பூர்வபுண்ணிய புத்திர ஸ்தானமான ஐந்தாம் வீட்டில் அமர்ந்து பாக்கிய ஸ்தானத்தையும் அங்கு அமர்ந்திருக்கும் சந்திர, சனி பகவான்களையும் லாப ஸ்தானத்தையும் அங்கு ஆட்சி பெற்று அமர்ந்திருக்கும் ஆறு மற்றும் பதினொன்றாம் வீட்டிற்கும் அதிபதியான செவ்வாய்பகவானையும்; லக்னத்தையும் அங்கு அமர்ந்திருக்கும் புத, சுக்கிர பகவான்களையும் பார்வை செய்கிறார். பூர்வபுண்ணிய புத்திர காரகரான குருபகவான் பூர்வபுண்ணிய புத்திர ஸ்தானாதிபதியைப் பார்வை செய்வது சிறப்பு. ராகுபகவான் பூர்வபுண்ணிய ஸ்தானத்தில் குருபகவானின் சாரத்தில் அமர்ந்திருப்பதும் சிறப்பு. தற்சமயம் குரு மஹா தசையில் புதபகவானின் புக்தி நடக்கத் தொடங்கி இன்னும் இரண்டாண்டுகள் வரை நடக்கும்.
     உங்கள் மகனுக்கு பலமான குருசந்திர யோகம் லக்ன கேந்திரத்தில் உண்டாகியிருக்கிறது. இதை ஜோதிட கிரந்தங்கள் சிறப்பாக கூறுகின்றன. அவருக்கு சுக ஸ்தானத்தில் கேதுபகவான் அமர்ந்திருந்தாலும் பாவகத்தில் பூர்வபுண்ணிய ஸ்தானத்தில் அமர்ந்திருக்கிறார். இதை பெரிய குறை என்று எடுத்துக்கொள்ள முடியாது. குருபகவானின் பார்வை புத்திர ஸ்தானத்தின் மீதும் அங்கு அமர்ந்திருக்கும் பிதுர்காரகரான சூரியபகவானின் மீதும் படிகிறது. அவருக்கும் தற்சமயம் குருபகவானின் தசையில் தர்மகர்மாதிபதியான சனிபகவானின் புக்தி நடக்கிறது. இந்த காலகட்டம் அவரது வாழ்க்கையில் அனுகூலமான திருப்பங்களை கொண்டு சேர்க்கும். இன்னும் இரண்டாண்டுகளுக்குள் புத்திரபாக்கியம் உண்டாகும். தாய்நாட்டுக்கு வந்து நல்ல வேலைக்கு முயற்சி செய்யலாம். அதனால் உத்தியோகம் பாதிப்படையாது. தொழில் ஸ்தானத்தில் பலமான ராகுபகவான் அமர்ந்திருப்பதும் சிறப்பாகும். இரண்டு குழந்தைகள்; ஒரு பெண், ஓர் ஆண் உண்டு. அவர்களைப் பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரச் சொல்லவும். மற்றபடி எதிர்காலம் சிறப்பாக அமையும்.
     
     

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை