பஞ்சாங்கம்

ஞாயிற்றுக்கிழமை

24

விளம்பி வருடம், ஆனி 10-ம் தேதி.

நல்ல நேரம்

காலை 6.30 - 7.30   மாலை 1.30 - 2.30

ராகு காலம்

4.30 - 6.00

எம கண்டம்

12.00 -1.30

குளிகை

3.00 - 4.30

திதி

ஏகாதசி

நட்சத்திரம்

சுவாதி

சந்திராஷ்டமம்

ரேவதி

இன்றைய ராசிபலன்

மேஷம் - பொறுமை
ரிஷபம் - போட்டி
மிதுனம் - செலவு
கடகம் - வெற்றி
சிம்மம் - நட்பு
கன்னி - களிப்பு
துலாம் - நன்மை
விருச்சிகம் - பாராட்டு
தனுசு - சுகம்
மகரம் - நலம்
கும்பம் - முயற்சி
மீனம் - பெருமை

யோகம்: அமிர்த சித்த யோகம்

சூலம்: மேற்கு

பரிகாரம்: வெல்லம்

விசேஷம்: திருப்பரங்குன்றம் ஸ்ரீ ஆண்டவர் இத்தலங்களில் ஊஞ்சலில் காட்சி. கண்டதேவி ஸ்ரீசிவபெருமான் பவனி. 

கேள்வி - பதில்
  • எனது மகனுக்கு 8- இல் செவ்வாய் உள்ளது. எந்த வயதில் திருமணம் நடைபெறும்? எத்திசையில் மணமகள் அமைவார்? அரசு வேலை கிடைக்குமா? பூர்வீகச் சொத்து கிடைக்குமா? எந்த தெய்வத்தை வணங்க வேண்டும்?"  - வாசகர், கோயம்புத்தூர்.
  • உங்கள் மகனுக்கு சிம்ம லக்னம், விருச்சிக ராசி. களத்திர ஸ்தானாதிபதி ஆறாம் வீட்டில் ஆட்சி பெற்று ராகுபகவானுடன் இணைந்திருக்கிறார். எட்டாம் வீட்டில் செவ்வாய்பகவான் (மீன ராசி) இருப்பது செவ்வாய் தோஷமில்லை. குருபகவானின் பார்வை களத்திர ஸ்தானத்தின் மீது படிகிறது. அவருக்கு தற்சமயம் அயன ஸ்தானத்தில் அமர்ந்திருக்கும் கேதுபகவானின் தசை நடக்கிறது. அவருக்கு இந்த ஆண்டு அக்டோபர் மாதத்திற்குப்பிறகு படித்த பெண் தென்மேற்கு திசையிலிருந்து அமைந்து திருமணம் கைகூடும். தனியார் பணியிலேயே நல்ல வளர்ச்சி அடைவார். பூர்வீகச் சொத்தும் கிடைக்கும். கேது மஹாதசையில் படிப்படியாக வளர்ச்சி அடைந்து நல்ல நிலைமையை எட்டி விடுவார். எதிர்காலம் சிறப்பாக அமையும். பிரதி தினமும் விநாயகப் பெருமானை வழிபட்டு வரவும்.
     

  • எனக்கு கடன் சற்று அதிகமாக உள்ளது. நான் படிப்படியாக கடனை அடைத்துவிடுவேனா? - வாசகர், திண்டிவனம்.
  • உங்களுக்கு சிம்ம லக்னம், கன்னி ராசி. சனிபகவான் ஆறாம் வீட்டுக்கும் அதிபதியாகி நீச்சம் பெற்றிருந்தாலும் நீச்சபங்க ராஜயோகத்தைப் பெறுகிறார். தற்சமயம் சனிமஹா தசையில் பிற்பகுதி நடக்கத் தொடங்கியுள்ளதால் படிப்படியாக கடன்களை அடைத்து விடுவீர்கள். எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.
     

  • என் வாழ்க்கையில் எந்தச் சிக்கலையும் சந்திக்கவில்லை. தற்சமயம் நடக்கும் சுக்கிர தசையில் சிக்கல் எதுவும் இல்லாமல் இருக்க என்ன பரிகாரம் செய்ய வேண்டும்? என் மகன்கள் ஆதரவாக இருப்பார்களா? - வாசகர், சென்னை.
  • உங்களுக்கு சிம்ம லக்னம். லக்னாதிபதியும் ஆயுள்காரகரும் ஆட்சி பெற்றிருக்கிறார்கள். பூர்வபுண்ணியாதிபதியும் பாக்கியாதிபதியும் தைரிய ஸ்தானத்தில் இணைந்து பாக்கிய ஸ்தானத்தைப் பார்க்கிறார்கள். தற்சமயம் பலம் பெற்றுள்ள சுக்கிரபகவானின் தசை நடக்கிறது. அதனால் இறுதிக்காலம் அமைதியாகக் கழியும். குழந்தைகளும் இறுதிவரை ஆதரவாக இருப்பார்கள். பிரதி தினமும் "'நமசிவாய'' என்று ஜபித்து வரவும்.

  • என் மகளுக்கு எப்போது திருமணம் கைகூடும்? அரசு வேலை கிடைக்குமா? - வாசகி, மயிலாடுதுறை.
  • உங்கள் மகளுக்கு சிம்ம லக்னம், கன்னி ராசி. தற்சமயம் பாக்கிய ஸ்தானத்திலுள்ள ராகுபகவானின் தசையில் சுக்கிரபுக்தி நடக்கத் தொடங்கியுள்ளது. இந்த ஆண்டு இறுதிக்குள் படித்த நல்ல வேலையிலுள்ள வரன் அமைந்து திருமணம் கைகூடும். படிப்புக்கேற்ற வேலையும் கிடைத்துவிடும். பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மகனுக்கு எப்போது திருமணம் நடைபெறும்? ஜாதகத்தில் தோஷங்கள் இருக்கிறதா? என்ன பரிகாரம் செய்ய வேண்டும்? உறவில் பெண் அமையுமா? வெளிநாடு செல்லும் வாய்ப்புண்டா? - வாசகர், புதுச்சேரி.
  • உங்கள் மகனுக்கு மகர லக்னம், புனர்பூசம் நட்சத்திரம், மிதுன ராசி. களத்திர ஸ்தானத்தில் அசுபக் கிரகங்கள் இருப்பதும் களத்திர ஸ்தானாதிபதி மறைவு பெற்றிருப்பதும் குறை. அதற்கேற்ற சமதோஷம் பார்த்து சேர்க்க வேண்டியது அவசியம். அவருக்கு தற்சமயம் புதபகவானின் தசை நடக்கிறது. அடுத்த ஆண்டு இறுதிக்குள் அந்நிய உறவில் தென்மேற்கு திசையிலிருந்து அமைந்து திருமணம் கைகூடும். வெளிநாடு சென்று பொருளீட்டும் யோகமும் உண்டு. எதிர்காலம் சிறப்பாக அமையும்.

  • சென்னையில் வீட்டுமனை வாங்கியுள்ளேன். அதில் வீடு கட்டி குடியேற விரும்புகிறேன். நேரம் எவ்வாறு உள்ளது? எப்போது வீடுகட்டும் பணியைத் தொடங்கலாம்? ஓய்வு கால வாழ்க்கை எவ்வாறு அமையும்? - வாசகி, திருப்பத்தூர்.
  • உங்களுக்கு மகர லக்னம், மேஷ ராசி. வீட்டைக் குறிக்கும் நான்காமதிபதி நீச்சம் பெற்று அந்த வீட்டுக்கதிபதியான சந்திரபகவானுடன் பரிவர்த்தனை பெற்று இருப்பதால் முழுமையான நீச்சபங்க ராஜயோகத்தைப் பெறுகிறார். உங்களுக்கு தற்சமயம் லக்னாதிபதியான சனிபகவானின் தசை நடக்கிறது. அடுத்த ஆண்டு ஜூன் மாதத்திற்குள் வீடு கட்டும் பணியை தொடங்கலாம். எதிர்காலம் அமைதியாகக் கழியும்.
     

  • என் மகனுக்கு ஆயில்ய நட்சத்திரம். இன்னும் திருமணம் கைகூடவில்லை. பரிகாரங்கள் செய்துள்ளோம். சொந்தத்தில் பெண் அமையுமா? இல்வாழ்க்கை, ஆரோக்கியம் , எதிர்காலம் எவ்வாறு இருக்கும்? - வாசகர், ஆம்பூர்.
  • உங்கள் மகனுக்கு கடக லக்னம், கடக ராசி, ஆயில்ய நட்சத்திரம். ஆயில்யம், மூலம், விசாகம், கேட்டை ஆகிய நட்சத்திரங்களில் பிறந்தவர்களுக்கு திருமண காலத்தில் அவசியமில்லாத பேச்சுகள் பலராலும் பேசப்படுகிறது. இதை அனுபவ ரீதியாக பார்த்தால் ஏற்றுக் கொள்ள முடியாது என்றே கூறவேண்டும். அதனால் இந்த நட்சத்திரங்கள் பற்றி கவலைப் படாமல் திருமணம் செய்யலாம் என்பதே எங்கள் கருத்தாகும். உங்கள் மகனுக்கு சுக ஸ்தானமும் சுகாதிபதியும் சிறிது பாதிக்கப்பட்டுள்ளதால் திருமணம் தாமதமாகிறது. மற்றபடி இந்த ஆண்டு அக்டோபர் மாதத்திலிருந்து அனுகூலமான திருப்பங்கள் உண்டாகிறது. அதனால் இன்னும் ஓராண்டுக்குள் படித்த பெண் தெற்கு திசையிலிருந்து அந்நிய சம்பந்தத்தில் அமைந்து திருமணம் கைகூடும். பரிகாரம் எதுவும் தேவையில்லை.

  • பி.இ., படித்துள்ள எனது இரண்டாவது மகன் எம். எஸ்., படிக்க வெளிநாடு செல்ல விரும்புகிறார். எப்போது வெளிநாடு செல்வார்? எப்போது திருமணம் நடைபெறும்? எதிர்காலம் எவ்வாறு இருக்கும்? - வாசகர், பொன்னேரி.
  • உங்கள் மகனுக்கு ரிஷப லக்னம், மகர ராசி. கல்வி ஸ்தானத்தில் கல்விக்காரகருடன் குருபகவானும் இணைந்திருக்கிறார்கள். தற்சமயம் ராகுபகவானின் தசையில் சுக்கிரபகவானின் புக்தி நடக்கிறது. அவருக்கு உள்நாட்டிலேயே வேலை நல்ல சம்பளத்துடன் இந்த ஆண்டுக்குள் கிடைத்து விடும். கம்பெனி மூலமாகவே வெளிநாடு செல்ல வாய்ப்பு கிடைக்கும். மற்றபடி குடும்பத்துடன் இணக்கமாக இருப்பார். எதிர்காலம் சிறப்பாக அமையும்.

  • என் மகனது திருமணத்தடை நீங்க என்ன பரிகாரம் செய்ய வேண்டும்? எப்போது திருமணம் கைகூடும்? மேற்படிப்பு படிக்கும் வாய்ப்புண்டா? அரசு வேலை கிடைக்குமா? திருமணத்திற்கு முன்பாக வீடு கட்டும் வாய்ப்புண்டா? - வாசகர், விழுப்புரம்.
  • உங்கள் மகனுக்கு கும்ப லக்னம், கடக ராசி. லக்னாதிபதி பூர்வபுண்ணிய ஸ்தானாதிபதி மற்றும் பாக்கியாதிபதிகள் தொழில் ஸ்தானத்தில் இணைந்திருக்கிறார்கள். அவருக்கு வெளிநாட்டிற்குச் சென்று பணிபுரியும் யோகம் இந்த ஆண்டு அக்டோபர் மாதத்திற்குப்பிறகு கிடைக்கும். இந்த ஆண்டே படித்த நல்ல வேலையிலுள்ள பெண் தெற்கு அல்லது தென்மேற்கு திசையிலிருந்து அமைந்து திருமணம் கைகூடும். இன்னும் இரண்டாண்டுகளுக்குள் சொந்தவீடு வேறு இடத்தில் அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • என் மகளின் கல்வி, ஆரோக்கியம், எதிர்காலம் எவ்வாறு இருக்கும்? - வாசகி, கோயம்புத்தூர்.
  • உங்கள் மகளுக்கு தனுசு லக்னம், துலாம் ராசி. தற்சமயம் பாக்கிய ஸ்தானத்தில் குருபகவானின் பார்வையை பெற்றுள்ள குடும்பாதிபதியான சனிபகவானின் தசை நடக்கிறது. இதனால் கல்வியில் படிப்படியான வளர்ச்சி ஏற்படும். ஆரோக்கிய ஸ்தானாதிபதியையும் குருபகவான் பார்வை செய்கிறார். தொழில் ஸ்தானாதிபதி பாக்கிய ஸ்தானத்தில் அமர்ந்திருப்பதால் எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும். 

  • என் மனைவியின் உடல்நிலை எப்போது சரியாகும்? தற்போதுள்ள குழப்பங்கள் நீங்கி வீட்டில் எப்போது அமைதி நிலவும்? - வாசகர், புதுச்சேரி.
  • உங்கள் மனைவிக்கு கும்ப லக்னம், மிதுன ராசி. பூர்வ புண்ணிய ஸ்தானாதிபதி லக்ன கேந்திரத்தில் அமர்ந்து இருப்பது சிறப்பு. அதோடு தற்சமயம் பூர்வபுண்ணியாதிபதியின் தசையில் சுக பாக்கியாதிபதியான சுக்கிரபகவானின் புக்தி நடக்கிறது. அதனால் அவருக்கு இந்த ஆண்டு ஜூலை மாதத்திற்குப்பிறகு மன அமைதி திரும்பும். பிரதி புதன் கிழமைகளில் பெருமாளையும் தாயாரையும் வழிபட்டு வரவும்.

  • என் மருமகளுக்கு உத்தியோகம் எப்போது கிடைக்கும்? அரசு வேலை கிடைக்குமா? குழந்தை பாக்கியம் கிட்டுமா? - வாசகர், மதுரை.
  • உங்கள் மருமகளுக்கு ரிஷப லக்னம், மீன ராசி. களத்திர ஸ்தானாதிபதி களத்திர ஸ்தானத்தைப் பார்வை செய்வது சிறப்பு. மேலும் பூர்வபுண்ணிய புத்திர ஸ்தானாதிபதி புத்திர ஸ்தானத்திலேயே ஆட்சி பெற்று அமர்ந்து இருப்பதும் சிறப்பு. அவருக்கு இந்த ஆண்டே சிறப்பான தனியார் உத்தியோகம், புத்திர பாக்கியம் ஆகியவை கிடைக்கும். அவருக்கு தற்சமயம் புதபகவானின் தசையில் ராகுபகவானின் புக்தி நடக்கிறது. மற்றபடி எதிர்காலம் சிறப்பாக அமையும். பிரதி செவ்வாய்க்கிழமைகளில் முருகப்பெருமானை வழிபட்டு வரவும்.

  • பி.இ., படித்துள்ள என் மகனுக்கு அரசு வேலை கிடைக்குமா? திருமணம் எப்போது நடைபெறும்? அரசு வேலையிலுள்ள பெண அமையுமா? கட்டும் வீட்டிற்கு எத்திசையில் வாசற்படி அமைக்கலாம்? - வாசகர், கடலூர்.
  • உங்கள் மகனுக்கு கும்ப லக்னம், விருச்சிக ராசி. அரசு கிரகங்கள் வலுவாக உள்ளதால் அரசு அல்லது அரசு சம்பந்தப்பட்ட வேலை கிடைக்கும். இன்னும் இரண்டாண்டுகளுக்குள் படித்த அரசு வேலையிலுள்ள பெண் அமைந்து திருமணம் கைகூடும். வடக்கு வாசல் பார்த்த மனை ஏற்றது. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.
     

  • என் மகளுக்கு திருமணமாகி இரண்டரை வருடங்கள்ஆகிறது. இன்னும் குழந்தை பாக்கியமில்லை. எப்போது புத்திரபாக்கியம் கிட்டும்? பரிகாரம் எதுவும் செய்ய வேண்டுமா? - வாசகி, சென்னை.
  • உங்கள் மகளுக்கு மகர லக்னம், விருச்சிக ராசி. தற்சமயம் புத்திர ஸ்தானாதிபதியின் தசையில் இறுதிப்பகுதி நடக்கிறது. புத்திர ஸ்தானாதிபதி புத்திர காரகர் மற்றும் பாக்கியாதிபதிகளுடன் இணைந்து இருக்கிறார். அடுத்த ஆண்டு மார்ச் மாதத்திற்குள் புத்திர பாக்கியம் உண்டாகும். பிரதி சனிக்கிழமைகளில் சனிபகவானை வழிபட்டு வரவும்.

  • எனது மகனது படிப்பு , வேலை எவ்வாறு இருக்கும்? சளித்தொல்லை சரியாவதற்கு ஏதாவது பரிகாரம் செய்ய வேண்டுமா? இரண்டு சக்கர வாகனம் வாங்கிக் கொடுக்கலாமா? எதிர்காலம் எவ்வாறு இருக்கும்? - வாசகி, சென்னை.
  • உங்கள் மகனுக்கு மிதுன லக்னம், சிம்ம ராசி. அவருக்கு கல்வி ஸ்தானாதிபதி கல்வி ஸ்தானத்திலேயே ஆட்சி, உச்சம் , மூலதிரிகோணம் பெற்று அமர்ந்திருக்கிறார். இதனால் படிப்பை நல்ல படியாக முடித்து விடுவார். தொழில் ஸ்தானத்தில் பாக்கியாதிபதி அமர்ந்து இருப்பதால் படிப்பு முடிந்தவுடன் தகுதியான வேலையும் கிடைத்துவிடும். தற்சமயம் குடும்பாதிபதியின் தசையில் பிற்பகுதி நடப்பதால் படிப்படியாக உடல் ஆரோக்கியமும் சிறப்படைந்துவிடும். மற்றபடி இருசக்கர வாகனம் வாங்கிக் கொடுக்கலாம். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • எனக்கு 37 வயதாகிறது. களத்திர தோஷ ஜாதகமா? திருமணம் நடைபெறுமா? எப்போது கைகூடும்? சர்ப்பதோஷத்தால் திருமணம் நடக்கவில்லையா? பொருளாதாரம் எவ்வாறு இருக்கும்? அரசு வேலை கிடைக்குமா? ஏழரை சனி முடிந்த பின்பும் முன்னேற்றமில்லையே. ஏதேனும் பரிகாரம் செய்ய வேண்டுமா? - வாசகர், போடிநாயக்கனூர்
  • உங்களுக்கு சிம்ம லக்னம், துலாம் ராசி, விசாக நட்சத்திரம். அயன ஸ்தானமான பன்னிரண்டாம் வீட்டிற்கு அதிபதியான சந்திரபகவான் தைரிய ஸ்தானமான மூன்றாம் வீட்டில் குருபகவானின் சாரத்தில் (விசாக நட்சத்திரம்) அமர்ந்து நவாம்சத்தில் மிதுன ராசியை அடைகிறார். லக்னாதிபதியான சூரியபகவான் பாக்கிய ஸ்தானமான ஒன்பதாம் வீட்டில் சுக்கிரபகவானின் சாரத்தில் (பரணி நட்சத்திரம்) அமர்ந்து நவாம்சத்தில் கன்னி ராசியை அடைகிறார். பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான குருபகவான் லக்ன கேந்திரத்தில் கேதுபகவானின் சாரத்தில் (மகம் நட்சத்திரம்) அமர்ந்து நவாம்சத்தில் மிதுன ராசியை அடைகிறார். சுக ஸ்தானமான நான்காம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான செவ்வாய்பகவான் லக்ன கேந்திரத்தில் கேதுபகவானின் சாரத்தில் (மகம் நட்சத்திரம்) அமர்ந்து நவாம்சத்தில் ரிஷப ராசியை அடைகிறார்.
    தனம் வாக்கு குடும்ப ஸ்தானமான இரண்டாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான புதபகவான் பாக்கிய ஸ்தானமான ஒன்பதாம் வீட்டில் கேதுபகவானின் சாரத்தில் (அசுவினி நட்சத்திரம்) அமர்ந்து நவாம்சத்தில் ரிஷப ராசியை அடைகிறார். 
    தைரிய ஸ்தானமான மூன்றாம் வீட்டிற்கும் தொழில் ஸ்தானமான பத்தாம் வீட்டிற்கும் அதிபதியான சுக்கிர
    பகவான் லாப ஸ்தானமான பதினொன்றாம் வீட்டில் செவ்வாய்பகவானின் சாரத்தில் (மிருகசீரிஷம் நட்சத்திரம்) அமர்ந்து நவாம்சத்தில் தன் மூலதிரிகோண ராசியான துலாம் ராசியை அடைகிறார். ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கும் களத்திர நட்பு ஸ்தானமான ஏழாம் வீட்டிற்கும் அதிபதியான சனிபகவான் லக்ன கேந்திரத்தில் சூரியபகவானின் சாரத்தில் (உத்திரம் நட்சத்திரம்) அமர்ந்து நவாம்சத்தில் தனுசு ராசியை அடைகிறார். ராகுபகவான் லக்ன கேந்திரத்தில் கேதுபகவானின் சாரத்தில் (மகம் நட்சத்திரம்) அமர்ந்து நவாம்சத்தில் மேஷ ராசியை அடைகிறார். கேதுபகவான் களத்திர நட்பு ஸ்தானமான ஏழாம் வீட்டில் செவ்வாய்பகவானின் சாரத்தில் (அவிட்டம் நட்சத்திரம்) அமர்ந்து நவாம்சத்தில் துலாம் ராசியை அடைகிறார்.
    பொதுவாக, திருமணத்திற்கு களத்திர ஸ்தானாதிபதி நன்றாக பலம் பெற்றிருக்க வேண்டும். களத்திர ஸ்தானாதிபதி சுபக் கிரகங்களுடன் சேர்ந்திருந்தால் சுலபமாக தக்க வயதில்திருமணம் நடந்தேறும். அதோடு குடும்ப ஸ்தானமும் சுக ஸ்தானமும் நன்றாக அமைந்தால் மணவாழ்க்கை அமைதியான கடலில் செல்லும் படகைப் போன்று எந்த தடுமாற்றமுமின்றி சீராகச் செல்லும்.
    உங்களுக்கு களத்திர நட்பு ஸ்தானாதிபதியான சனிபகவான் லக்னத்தில் அமர்ந்து ஏழாம் வீட்டைப் பார்வை செய்கிறார். அவர் தன் பரஸ்பரம் விரோதம் பெற்ற கிரகமான லக்னாதிபதியான சூரியபகவானின் சாரத்தில் இருப்பது குறை. இருப்பினும் சூரியபகவான் பாக்கிய ஸ்தானமான ஒன்பதாம் வீட்டில் உச்சம் பெற்றிருப்பது சிறப்பாகும். இதனால் களத்திர ஸ்தானாதிபதி தான் பெற்றுள்ள ஸ்தான பலத்தாலும் சார பலத்தாலும் பலம் பெறுகிறார் என்று புரிந்துகொள்ள வேண்டும். சனிபகவான் அவருடன் பரஸ்பரம் விரோதம் பெற்ற கிரகமான செவ்வாய்பகவானுடன் இணைந்து இருக்கிறார். இத்தகைய சேர்க்கையினால் சனிபகவானுக்கு பலம் குறைகிறது. மேலும் சனிபகவானுடன் ராகுபகவான் இணைந்திருப்பது சிறப்பானது என்றாலும் களத்திர ஸ்தானாதிபதியுடன் இணைந்திருக்கிறார் என்கிற ரீதியில் பார்த்தால் குறை என்றே கூறவேண்டியிருக்கிறது. இவர்களுடன் பூர்வபுண்ணியாதிபதியான குருபகவான் லக்ன சுபராகி இணைந்து இருப்பதால் இந்த குறைகள் நீங்கிவிடும் அம்சமாகும் என்று உறுதியாகக் கூறலாம்.
    களத்திர ஸ்தானாதிபதியுடன் குருபகவான் இணைந்து இருப்பதால் ஆன்மிகத்தில் நாட்டமுள்ள படித்த பெண் மனைவியாக அமைவார். குருபகவான் சுக, பாக்கியாதிபதியான செவ்வாய்பகவானுடன் இணைந்து இருப்பதால் குருமங்கள யோகம் உண்டாகிறது. இதனால் குடும்பத்தில் சுக பாக்கியங்கள் நிறையும் என்று கூற முடிகிறது. மேலும் நிலபுலன்களாலும் தொடர்ந்து வருமானம் வரும். குருபகவானின் பார்வை புத்திர ஸ்தானமான ஐந்தாம் வீட்டின் மீது படிவதால் புத்திர பாக்கியம் சீராக இருக்கும். ஏழாம் பார்வையாக களத்திர ஸ்தானத்தின் மீதும் கேதுபகவானின் மீதும் படிவதால் சர்ப்ப தோஷம் குறைகிறது. களத்திர ஸ்தானமும் சுபத் தன்மையைப் பெறுகிறது. ஒன்பதாம் பார்வையாக பாக்கிய ஸ்தானத்தையும் அங்கு அமர்ந்து இருக்கும் புதஆதித்யர்கள் மீதும் படிகிறது. சூரியபகவானை குருபகவான் பார்வை செய்வதால் சிவராஜ யோகம் உண்டாகும் என்பதை அனைவரும் அறிந்ததே. தற்
    சமயம் குருபகவானின் பார்வையிலுள்ள லாபாதிபதியான புதபகவானின் தசையில் களத்திர ஸ்தானாதிபதியான சனிபகவானின் புக்தி நடப்பதால் அடுத்த ஆண்டு இறுதிக்குள் சமதோஷமுள்ள பெண் நல்ல குடும்பத்திலிருந்து தெற்கு அல்லது தென்மேற்கு திசையிலிருந்து அமைந்து திருமணம் கைகூடும். களத்திர தோஷமும் தீர்ந்துவிடும் அமைப்புகள் உள்ளதால் கவலை வேண்டாம். பொருளாதாரத்தைப் பொருத்தவரையில் தன ஸ்தானமான இரண்டாம் வீடு, பாக்கிய ஸ்தானமான ஒன்பதாம் வீடும் லாப ஸ்தானமான பதினொன்றாம் வீடும் முக்கிய இடத்தை வகிக்கின்றன.
    உங்களுக்கு மேற்கூறிய வகையில் புதன் செவ்வாய்பகவான்கள் பலமாக இருப்பதால் இறுதிவரை பொருளாதாரம் நன்றாகவே தொடரும். பொதுவாக, சூரிய, குரு, செவ்வாய், சனிபகவான்கள் வலுவாக இருப்பதால் அரசு வேலை கிடைக்கும் என்று கூறவேண்டும். உங்களுக்கு இந்த அரசு கிரகங்கள் வலுவாக உள்ளதால் அரசு அல்லது அரசு சார்ந்த துறைகளில் இன்னும் இரண்டாண்டுகளுக்குள் வேலை அமையும். சென்ற ஆண்டு இறுதியில் துலாம் ராசிக் காரர்களுக்கு ஏழரை நாட்டுச் சனி முடிவடைந்து விட்டது. இன்னும் இண்டாண்டுகளுக்குள் சனிபகவான் கோசாரப்படி உங்களின் மூன்றாம் ராசியில் சஞ்சரிக்கிறார். சனிபகவான் 3,6,11 ஆம் இடங்களில் லக்ன கட்டத்திலோ அல்லது கோசாரத்திலோ சஞ்சாரம் செய்தால் அவர்களுக்கு சராசரிக்கும் அதிகமான அதிர்ஷ்ட வாய்ப்புகள் எதிர்பாராமல் கிடைக்கும் என்றால் மிகையாகாது. உங்களுக்கு பெரும்பாலான கிரகங்கள் கேதுபகவானின் சாரத்தில் சஞ்சரிப்பதாலும் நடக்க இருப்பதும் கேதுபகவானின் தசையாக இருப்பதாலும் பிரதி தினமும் விநாயகப் பெருமானை வழிபட்டு வரவும். மற்றபடி எதிர்காலம், மணவாழ்க்கை, பொருளாதாரம், புத்திர பாக்கியம் ஆகியவை சிறப்பாக இருக்கும்.

  • என் மகனுக்கு திருமண யோகம் உள்ளதா? எப்போது திருமணம் நடைபெறும்? ஏதும் பரிகாரம் செய்ய வேண்டுமா? - வாசகர், சென்னை.
  • உங்கள் மகனுக்கு ரிஷப லக்னம், மீன ராசி. தற்சமயம் சுகாதிபதியான சூரியபகவானின் தசையில் பின்பகுதி நடக்கிறபடியால் அடுத்த ஆண்டு ஜூலை மாதத்திற்குள் திருமணம் கைகூடும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை