கும்பம்

(வான்வெளி மண்டலத்தில், பூமி உள்பட எல்லா கிரகங்களும் சூரியனை சுற்றிவருகின்றன. ஆனால், பூமியிலிருந்து பார்க்கும்போது எல்லா கிரகங்களும் பூமியை சுற்றிவருவதுபோல் தோற்றம் அளிக்கிறது. நாமும், காலையில் சூரியன் கிழக்கில் உதயமாவார் என்றும், மாலையில் மேற்கே அஸ்தமனமாவார் என்றும் கூறுகிறோம். அதாவது, சூரியன் சுற்றுவதுபோல் கூறுகிறோம். இத்தகைய தோற்றத்துக்கு GEO CENTRIC POSITION என ஆங்கிலத்தில் குறிப்பிடுவர்.

பூமியை சூரியன் சுற்றும் பாதைக்கு இருபுறமும் 7½ பாகைகள் கொண்ட நீள்வட்டப் பாதைக்கு ZODIAC என்று பெயர். இந்த ZODIAC ஆனது 360 பாகைகள் கொண்டது. இது 12 பகுதிகளாகப் பிரிக்கப்பட்டுள்ளது. ஒவ்வொரு பகுதிக்கும் ராசி என்று பெயர். 1. மேஷம், 2. ரிஷபம், 3. மிதுனம், 4. கடகம், 5. சிம்மம், 6. கன்னி, 7. துலாம், 8. விருச்சிகம், 9. தனுசு, 10. மகரம், 11. கும்பம், 12. மீனம் ஆகியவை அந்த ராசிகள்).

***

கும்பம் (AQUARIUS)

(ஜனவரி 20 – பிப்ரவரி 18)

இது ஒரு ஆண் ராசி. ஸ்திர ராசி. காற்று ராசியும்கூட. இதற்கும் அதிபதி சனிதான். இது காற்று ராசியாக இருப்பதால், மிகுந்த புத்திக்கூர்மையைத் தரக்கூடியது. நீருடன் உள்ள கும்பம்தான் இதன் அடையாளம். இதன் குறியீடு K. இந்த ராசி கணுக்கால் மற்றும் உடல் நரம்புகளைக் குறிக்கிறது. நரம்பு சம்பந்தமான VERICOSE என்னும் நோய் வரக்கூடும். இந்த வீடு சுக்கிரனுக்கும் புதனுக்கும் நட்பு வீடு. சூரியன், சந்திரன், செவ்வாய், குரு ஆகியோருக்குப் பகை வீடு. இந்த ராசியானது மற்ற கிரகங்களின் கெட்ட பார்வை பட்டால், சோம்பேறித்தனம் பற்றிக்கொள்ளும். எப்போதும் கவலையுடனும், எதிர்மறை எண்ணங்களுடனும் இருப்பார்கள்.

ஆகஸ்ட் 18

இன்று குடும்பத்தில் ஏதாவது பிரச்சனை தலைதூக்கலாம். எல்லோரையும் அனுசரித்து செல்வது நன்மை தரும். கணவன், மனைவிக்கிடையே  திடீர் கருத்து வேற்றுமை உண்டாகலாம் கவனம் தேவை. பிள்ளைகளிடம் அன்பாக பழகுவது நன்மை தரும். உறவினர் வகையில் மனவருத்தம் ஏற்படலாம். 

அதிர்ஷ்ட நிறம்: மஞ்சள், நீலம், வெள்ளை

அதிர்ஷ்ட எண்கள்: 2, 6, 9
 

ஆகஸ்ட் 11 - ஆகஸ்ட் 17

(அசுவினி, பரணி, கார்த்திகை முதல் பாதம் முடிய)

பொருளாதார நிலைமை சீராக இருக்கும். முயற்சிகள் அனைத்தும் படிப்படியான வெற்றிகளைத் தேடித்தரும். குடும்பத்தில் உறவினர்களால் சிறு குழப்பங்கள் ஏற்படலாம். இல்லத்தில் சுப நிகழ்ச்சிகள் நடைபெறும். உடல் நலம் சீராக இருக்கும். வீடு மாற்றம் செய்ய நினைப்பவர்கள் அதை நிறைவேற்றிக்கொள்ளலாம். 

உத்தியோகஸ்தர்களின் கோரிக்கைகள் அனைத்தும் நிறைவேறும். பணவரவும் நன்றாகவே இருக்கும். வியாபாரிகள் துணிந்து முதலீடுகள் செய்து எதிர்பார்த்த லாபத்தை அள்ளுவார்கள். விற்பனையில் கூடுதல் கவனம் செலுத்துவார்கள். விவசாயிகள் புதிய குத்தகைகளை எடுக்க வேண்டாம். வாய்க்கால் வரப்பு பிரச்னைகள் ஏற்பட வாய்ப்புள்ளதால் கவனமாக இருக்கவும். 

அரசியல்வாதிகள் யோசித்து எடுக்கும் முடிவுகள் வெற்றியைக் கொடுக்கும். தொண்டர்களை அனுசரித்துச் செல்லவும். கலைத் துறையினர் புதிய ஒப்பந்தங்களைச் செய்வார்கள். உங்கள் முயற்சிகள் வெற்றிப்பாதையை காட்டும். பெண்மணிகள் இல்லத்தில் நிலவும் சந்தோஷத்தால் உற்சாகம் அடைவார்கள். மாணவமணிகள் படிப்பில் அக்கறையுடன் செயல்படவும். 

பரிகாரம்: அனுமனை வழிபட்டு வரவும். 

அனுகூலமான தினங்கள்: 11, 12. 

சந்திராஷ்டமம்: இல்லை.

ஆகஸ்ட் மாதம்

(அவிட்டம் 3, 4 பாதம், சதயம், பூரட்டாதி 1, 2, 3  பாதம்)

எந்த காரியம் செய்தாலும் அதில் முன்னேற்றம் காண வேண்டும் என்ற ஆர்வம் உடைய கும்பராசியினரே நீங்கள் உழைப்பதற்கு அஞ்சாதவர். இந்த மாதம் நல்ல பலன்களைப் பெறுவதில் சிரமம் இருக்காது.  வீணாக மனதை உறுத்திக் கொண்டிருந்த கவலை நீங்கும். எவ்வளவு திறமையுடன்  செயல்பட்டாலும் காரிய தடங்கல் ஏற்படலாம். அடுத்தவருக்கு உதவிகள் செய்யும் போது கவனம் தேவை. பயணத்தினால் வீண் செலவும், அலைச்சலும் உண்டாகும்.

தொழில் வியாபாரம் தொடர்பான காரியங்களில் இழுபறியான நிலை காணப்படும். புதிய ஆர்டர்கள் தொடர்பாக அலையும்படி இருந்தாலும் சாதகமாக முடியும். பணவரத்து திருப்தி தரும். உத்தியோகத்தில் இருப்பவர்கள் அலுவலகம் தொடர்பான பணிகளில் முழுமூச்சுடன் செயல்பட்டு முன்னேற்றம் காண்பார்கள். பயணங்களின் போது உடமைகளை கவனமாக பாதுகாப்பாக வைப்பது நல்லது.
குடும்பத்தில் இருந்த பிரச்சனைகள் நீங்கும். கணவன், மனைவிக்கிடையே இருந்த மன வருத்தம் நீங்கும். குழந்தைகளின் எதிர்காலத்திற்கான திட்டங்களை செயல்படுத்துவீர்கள். புதிதாக வீடு - மனை வாங்குவதற்கான வேலைகளைத் தொடங்குவீர்கள்.

பெண்களுக்கு மற்றவர்களின் பொறுப்புகளை ஏற்பதை தவிர்ப்பது நல்லது. வீண் அலைச்சல் உண்டாகலாம்.

அரசியல்வாதிகளுக்கு தொண்டர்களால் ஆதாயம் ஏற்படும். மக்கள் பிரச்சனைகளைத் தீர்ப்பதில் ஆர்வம் காட்டுவீர்கள். மேலிடத்திலிருந்து மகிழ்ச்சியான செய்திகள் வந்து சேரும்.

கலைத்துறையினருக்கு பணவரத்து இருக்கும். வராமல் இழுபறியாக இருந்த பணம் வந்து சேரும். வேலைப்பளு காரணமாக குடும்பத்தை விட்டு பிரிந்து இருக்க வேண்டிய சூழ்நிலை இருக்கும்.

மாணவர்களுக்கு பாடங்களை படிப்பதில் முழுமூச்சுடன் ஈடுபடுவீர்கள். உங்களது பொருட்களின் மீது கூடுதல் கவனம் இருப்பது நல்லது.

அவிட்டம் 3, 4 பாதம்:
இந்த மாதம் தொழில், வியாபாரத்தில் ஈடுபட்டு இருப்பவர்கள் கூடுதலாக பணியாற்ற வேண்டும். ஆர்டர்கள் கிடைக்க அலைய வேண்டி இருக்கும். பணவரத்து இருந்தாலும் கொடுக்கல் வாங்கலில் கவனம் தேவை. உத்தியோகத்தில் இருப்பவர்கள் கவனமாக செயல்படுவது நல்லது. புதிய பதவிகள் தொடர்பான விஷயங்கள் தாமதப்பட்டாலும் பொறுப்புகள் அதிகரிக்கும்.

சதயம்:
இந்த மாதம் குடும்பத்தில் இருப்பவர்களை அனுசரித்து செல்வது நன்மை தரும். வாழ்க்கை துணையின் உடல் நலனில்  அக்கறை தேவை. சிறிய விஷயங்களுக்கு கூட கோபம் வரலாம். அதனால் உறவினர்கள், நண்பர்களிடம் கவனமாக  பேசுவது நல்லது. விபரீத ஆசைகள் ஏற்படலாம். கவனம் தேவை.

பூரட்டாதி 1, 2, 3  பாதம்:
இந்த மாதம் பேச்சின் இனிமை சாதுரியம் இவற்றால் எடுத்த காரியங்களில் சாதகமான பலன் பெறுவீர்கள். உங்களது பொருட்களை கவனமாக பாதுகாத்துக் கொள்வது நல்லது. உங்கள் பொருட்களை கவனமாக வைத்துக் கொள்வது நல்லது.

பரிகாரம்: விநாயக பெருமானை தேங்காய் தீபம் ஏற்றி வழிபடுவது காரிய தடைகளை போக்கும். நன்மை கிடைக்கும்.

அதிர்ஷ்ட கிழமைகள்: ஞாயிறு - வியாழன்

சந்திராஷ்டம தினங்கள்: 24 - 25

அதிர்ஷ்ட தினங்கள்: 18 - 19

தமிழ்ப் புத்தாண்டுப் பலன்கள் - 2017

(அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)

இந்த ஹேவிளம்பி ஆண்டு ஐப்பசி மாதம் வரையில் உள்ள காலகட்டத்தில் செய்தொழிலில் அபிவிருத்தி அடையும். நீங்கள் எதிர்பார்த்தது கை வந்து சேர்ந்துவிடும். நல்ல செயல்களைச் செய்து உங்கள் பெருமையை கூட்டிக்கொள்வீர்கள். மனதில் நிம்மதி இருக்கும். வருமானம் சீராகவே இருக்கக் காண்பீர்கள். செய்தொழிலிலும் புதிய சூழல் உருவாகக் காண்பீர்கள். போட்டியாளர்கள் சற்று பின்தங்குவார்கள். உங்களின் செயல்திறன் அதிகரிக்கும். உங்களுக்குக் கீழ் வேலை செய்பவர்களால் சில பிரச்னைகள் உருவாகும். அதனால் சிறிது விட்டுக் கொடுத்துச் செல்ல வேண்டிவரும். தாயாரின் உதவியும் கிடைக்கும். நீங்கள் சார்ந்துள்ள துறையில் புதிய அனுபவங்களைப் பெறுவீர்கள். ஆன்மிகச் சிந்தனைகள் அதிகமாக இருக்கும். வழக்குகளிலும் எதிர்பார்த்த வாய்தா கிடைக்கும். நீங்கள் தடைக்கற்களைப் படிக்கற்களாக மாற்றிக்கொள்வீர்கள். மறைமுக நேர்முக எதிர்ப்புகள் எவ்வளவு வந்தாலும் தாக்குப்பிடித்து விடுவீர்கள். திருமணமாகாமல் தவித்தவர்களுக்கு திருமணம் உறுதியாகும் காலகட்டமாக இது அமைகிறது.

இந்த ஆண்டு கார்த்திகை மாதத்திலிருந்து ஆண்டு இறுதி வரை உள்ள காலகட்டத்தில் கடினமான காரியங்களைக்கூட சுலபமாக முடித்துவிடுவீர்கள். வருமானம் பலவகையிலும் உங்களைத் தேடிவரும். ஸ்பெகுலேஷன் துறையின் மூலமும் லாபம் கிடைக்கும். குடும்பத்தில் திருமணம் புத்திரபாக்கியம் இரண்டும் கைகூடும். நேர்முக எதிர்ப்புகள் எவ்வளவு வந்தாலும் தாக்குபிடித்து விடுவீர்கள். குடும்பத்திலும் ஒற்றுமை கூடும். புரிந்துகொள்ளாத உற்றார் உறவினர்கள் சகஜமாகப் பழகத் தொடங்குவார்கள். பிரிந்து வாழ்ந்த தம்பதிகள் இணைந்து வாழும் சூழ்நிலையும் ஏற்படும். உடலில் இருந்த உபாதைகள் மறையும். தோற்றத்தில் மிடுக்கு உண்டாகும். மனதில் இருந்த குழப்பங்களும் இந்த காலத்தில் விலகிவிடும். பெரியோரையும் ஆன்மிகத்தில் உயர்ந்தோரையும் சந்தித்து அவர்களின் ஆசிகளைப் பெறுவீர்கள். ஆணையிடும் அதிகாரப் பதவிகள் உங்களை நாடி வந்து கோலோச்சும் என்றால் மிகையாகாது. 

உத்தியோகஸ்தர்களுக்கு வேலைப்பளு கூடினாலும் அதை கடின உழைப்பை மேற்கொண்டு சமாளிப்பார்கள். செய்யும் தொழிலில் இறக்கங்கள் இராது. உழைப்புக்கு ஏற்ற வருமானம் கிடைக்கும். புதிய வேலைக்கு முயற்சி செய்பவர்கள் அதை இந்த ஆண்டு பெறுவார்கள். உங்கள் மதிப்பு மரியாதை உயர்ந்தே காணப்படும். வியாபாரிகளுக்கு கொடுக்கல் வாங்கலில் சுமாரான பலன்களே கிடைக்கும். வியாபாரத்தில் போட்டி பொறாமைகள் ஏற்படினும் அவைகளை சுலபமாக சமாளிப்பீர்கள். வருமானம் சராசரிக்கும் அதிகமாக இருப்பதால் சிறிது செலவு செய்து கடையை அழகுபடுத்துவீர்கள். வெளியூர் பயணங்களால் சிறிது அலைச்சல் ஏற்பட்டாலும் உங்கள் எண்ணங்கள் ஈடேறும். விவசாயிகள் பயிர் விளைச்சலில் முன்னேற்றத்தைக் காண்பார்கள். அலைச்சல்கள் சற்று அதிகரித்தாலும் விவசாயப் பணிகளைச் செவ்வனே செய்து முடிப்பீர்கள். பழைய பயிர்க்கடன்களும் அடைபட்டுவிடும். குடும்பத்தில் சுப நிகழ்ச்சிகளை நடத்தி மகிழ்வீர்கள். சக விவசாயிகள் மத்தியில் உங்கள் மதிப்பு மரியாதை உயரும் ஆண்டாக இந்த ஆண்டு அமைகிறது. 

அரசியல்வாதிகள் சற்றும் அச்சமில்லாமல் செயல்படுவீர்கள். பணிகளை முழுமையாகச் செய்து முடிப்பீர்கள். பழைய சிக்கல்கள் மறையும். உங்கள் கட்சியைச் சேர்ந்தவர்களும் ஆதரவு அளிப்பார்கள். தொண்டர்களும் உங்கள் கருத்துக்கு மதிப்பு கொடுப்பார்கள். வெளியூரிலிருந்து வரவேண்டிய பணமும் வந்து சேரும். கலைத்துறையினருக்கு எதிர்பார்த்த அளவு வருமானம் கிடைக்கும். உங்கள் வேலைகளைச் சரியாக முடித்து நல்ல பெயர் எடுப்பீர்கள். சக கலைஞர்கள் பகைமை மறந்து நட்பு பாராட்டுவார்கள். புதிய ஒப்பந்தம் தேடிவரும். புதிய வண்டி வாகனம் வாங்கும் யோகம் உண்டாகும். பெண்மணிகள் குடும்பத்தினருடன் ஒற்றுமையாக இருப்பார்கள். தாய்வழியில் ஆதரவு கூடும். வருமானத்திற்குக் குறைவு வராது. மாணவமணிகள் கல்வியில் முன்னேற்றமடைவார்கள். உடல் வலிமையும் மனவளமும் கூடும். ஆசிரியர்களும் பெற்றோரும் பாராட்டும்படி நடந்து கொள்வீர்கள்.

பரிகாரம்: சிவதரிசனம் உகந்தது.

***

ஆங்கிலப் புத்தாண்டுப் பலன்கள் - 2017

இந்த 2017-ம் ஆண்டு ஆகஸ்ட் மாதம் வரை உள்ள காலகட்டத்தில் ஆரோக்கியம் மேம்பட துவங்கும். நெடுநாளாக கஷ்டப்பட்டுக்கொண்டிருந்த உபாதைகளிலிருந்து விடுபட்டு விடுவீர்கள். செய்தொழிலில் வளர்ச்சி ஏற்பட்டாலும் எதிர்பார்த்த லாபம் கிடைக்காது. போட்டியாளர்கள் மறைமுகமாக தொல்லை கொடுத்து வருவார்கள். உற்றார் உறவினர்கள், நண்பர்களின் கடினமான பேச்சுக்களால் வருத்தமடைவீர்கள். இருப்பினும் பெரிதுபடுத்தமாட்டீர்கள். குடும்பத்தில் அமைதி நிலவும். பொறாமையுடனும் பொறுப்புடனும் நிதானத்துடனும் செயல்களைச் செய்வீர்கள். புகழ், கௌரவம் இவற்றை எதிர்பார்க்காமல் கடமையே என்கிற ரீதியில் உழைப்பீர்கள். அறிமுகமில்லாதவர்களிடம் ரகசியங்களைப் பகிர்ந்துக்கொள்ளக் கூடாது. மாறுபட்ட யோசனைகளால் பழைய பிரச்னைகளுக்குத் தீர்வு காண்பீர்கள். முக்கிய விழாக்களில் மட்டுமே கலந்துகொள்வீர்கள். தர்மசங்கடமான சூழ்நிலைகளையும் தவிர்த்துவிடுவீர்கள். அரசு அதிகாரிகளுடனும் அனுசரித்துச் செல்வீர்கள். குழந்தைகளால் சமூகத்தில் அந்தஸ்து உயரும். பூர்வீகச்சொத்து விஷயங்களில் உங்கள் பங்கு தானாக வந்துசேரும். சிலருக்கு புதிய வீட்டிற்கு குடிசெல்லும் வாய்ப்புகளும் உண்டாகும். 

செப்டம்பர் மாதம் முதல் ஆண்டு இறுதிவரை உள்ள காலகட்டத்தில் செய்தொழிலில் உற்சாகத்துடன் பணியாற்றுவீர்கள். சிறப்பான எதிர்காலத்திற்காக அஸ்திவாரம் அமைத்துக்கொள்வீர்கள். சிறிய அளவு முயற்சியிலும் பெரிய வெற்றிகளைப் பெறுவீர்கள். வீடு, வாகனம் போன்ற அசையா அசையும் சொத்துகளை வாங்க முயற்சி செய்வீர்கள். செய்தொழிலில் போட்டி பொறாமைகள் இருந்தாலும் அவைகள் உங்களை பாதிக்காது. நண்பர்களின் உதவி கிடைக்கும். தெளிவான முடிவுகளை எடுப்பீர்கள். இல்லத்தில் திருமணம் போன்ற சுப நிகழ்ச்சிகள் நடக்கும். குழந்தைகள் இல்லாதோருக்கு மழலை பாக்கியம் கிடைக்கும். உடன்பிறந்தோர் உங்களைப் புரிந்துகொள்வார்கள். ஆளுமைத்திறன் கூடும். அதிகாரம் செய்யும் பதவிகளில் அமர்வீர்கள். திறமைகளை வெளிப்படுத்த வாய்ப்புகளும் கிடைக்கும். குடும்பத்திலும் சந்தோஷம் நிறையும். சட்டப் பிரச்னைகளிலிருந்து உங்களைக் காத்துக்கொள்வீர்கள். குலதெய்வ பிரார்த்தனைகளை நிறைவேற்றுவீர்கள். செய்தொழிலை கட்டாயமாக விரிவுபடுத்தும் சூழ்நிலை உருவாகும். மனதிற்கினிய பயணங்களைச் செய்யும் காலகட்டமாக இது அமைகிறது என்றால் மிகையாகாது.

உத்தியோகஸ்தர்கள் இந்த ஆண்டு அதிகமாக உழைக்கவேண்டி வரும். சிலருக்கு விரும்பத் தகாத இடமாற்றங்கள் ஏற்படலாம். அலைச்சலுக்குப் பயந்து வேலைகளைத் தட்டிக் கழித்தால் வீண் பிரச்னைகளை நீங்கள் சந்திக்க நேரிடும். பணவரவுக்கு ஏந்த குறையும் வராது. வியாபாரிகளுக்கு நினைத்ததெல்லாம் நடக்கும். வியாபாரம் அபிவிருத்தியடையும். கூட்டுத்தொழில் செய்யவும் வாய்ப்புண்டாகும். வண்டி வாகனங்கள் வாங்குவீர்கள். வசதி, வாய்ப்பு அந்தஸ்து அதிகரிக்கும். விவசாயிகள் விளைச்சலில் அக்கறை காட்டவும். பாசன வசதிகளுக்காகச் சிறிது செலவு செய்வார்கள். குடும்பத்தில் சுபகாரியங்களை நடத்துவார்கள். கால்நடைகள் மூலமும் நல்ல பலனை அடைவார்கள். சக விவசாயிகளும் உதவிகரமாக இருக்கும் ஆண்டாக இது அமைகிறது.

அரசியல்வாதிகள் எடுத்த காரியங்கள் அனைத்திலும் வெற்றிவாகை சூடுவார்கள். அதனால் பெயரும் அந்தஸ்தும் அதிகரிக்கும். தொண்டர்களின் ஒத்துழைப்பும் அமோகமாக இருக்கும். எதிர்பார்த்த பதவிகளும் கிடைக்கும். மாற்றுக் கட்சியைச் சேர்ந்தவர்களும் ஆதரவாக இருப்பார்கள். மறைமுக எதிர்ப்புகள் விலகும். கலைத் துறையினர் நல்ல வருமானத்தைக் காண்பார்கள். புகழைத் தக்கவைத்துக்கொள்வார்கள். புதிய ஒப்பந்தங்களை தைரியமாக எடுத்து சிறப்பாக செய்து சாதனைகளாக மாற்றிவிடுவீர்கள். பெண்மணிகளுக்கு கணவருடனான ஒற்றுமை அதிகரிக்கும். குழந்தைகளால் மகிழ்ச்சியும் பெருமைகளும் உண்டாகும். ஆடை ஆபரணங்களை வாங்கி மகிழ்வீர்கள். உடல்ஆரோக்கியம் பலப்படும். குடும்பத்தாருடன் சுற்றுலா சென்று வருவதற்கான வாய்ப்புகளும் உண்டாகும். குடும்பத்தில் மருத்துவச் செலவுகள் என்று எதுவும் ஏற்படாது. மாணவமணிகள் விளையாடும் நேரத்தில் கவனமாக இருக்கவும். கல்வியில் நிலவும் மந்தமான நிலையை போக்க கடுமையாக உழைக்கவேண்டி இருக்கும். படித்த பாடங்களையே திரும்பத் திரும்ப படிக்கவும்.

பரிகாரம்: சனிபகவானை வழிபட்டு வரவும்.