சிம்மம்

(வான்வெளி மண்டலத்தில், பூமி உள்பட எல்லா கிரகங்களும் சூரியனை சுற்றிவருகின்றன. ஆனால், பூமியிலிருந்து பார்க்கும்போது எல்லா கிரகங்களும் பூமியை சுற்றிவருவதுபோல் தோற்றம் அளிக்கிறது. நாமும், காலையில் சூரியன் கிழக்கில் உதயமாவார் என்றும், மாலையில் மேற்கே அஸ்தமனமாவார் என்றும் கூறுகிறோம். அதாவது, சூரியன் சுற்றுவதுபோல் கூறுகிறோம். இத்தகைய தோற்றத்துக்கு GEO CENTRIC POSITION என ஆங்கிலத்தில் குறிப்பிடுவர்.

பூமியை சூரியன் சுற்றும் பாதைக்கு இருபுறமும் 7½ பாகைகள் கொண்ட நீள்வட்டப் பாதைக்கு ZODIAC என்று பெயர். இந்த ZODIAC ஆனது 360 பாகைகள் கொண்டது. இது 12 பகுதிகளாகப் பிரிக்கப்பட்டுள்ளது. ஒவ்வொரு பகுதிக்கும் ராசி என்று பெயர். 1. மேஷம், 2. ரிஷபம், 3. மிதுனம், 4. கடகம், 5. சிம்மம், 6. கன்னி, 7. துலாம், 8. விருச்சிகம், 9. தனுசு, 10. மகரம், 11. கும்பம், 12. மீனம் ஆகியவை அந்த ராசிகள்).

***

சிம்மம் (LEO)

இது ஒரு ஆண் ராசி. ஸ்திர ராசியும் கூட. மேஷத்தைப்போல இதுவும் ஒரு நெருப்பு ராசி. இதன் அதிபதி சூரியன். இது சூரியனின் மூலத்திருகோண வீடு. சூரியனின் மேஷ ராசிப் பிரவேசமே தமிழ்ப் புத்தாண்டாகக் கொண்டாடப்படுகிறது. சூரியனின் கடக ராசிப் பிரவேசம் தட்சணாயணம் என்றும், மகர ராசிப் பிரவேசம் உத்தராயணம் என்றும் கூறப்படுகிறது. இந்த ராசிக்கு சிம்ம உருவத்தைக் கொடுத்தாலும், இந்த ராசி மனித இதயத்தின் இரண்டு வால்வுகளின் அமைப்பையே கொண்டிருக்கிறது. இது E என்று குறிக்கப்படுகிறது. மனித இதயம், பின் முதுகு, முதுகுத் தண்டுவடம் ஆகியவற்றை இந்த ராசி குறிக்கிறது.

அக்டோபர் 22

இன்று தொழில் வியாபாரம் தொடர்பான காரியங்களுக்காக அலைய வேண்டி இருக்கும். வாடிக்கையாளர்களிடம் அனுசரித்து பேசுவதுநல்லது. உத்தியோகத்தில் இருப்பவர்கள் மேல் அதிகாரிகளை அனுசரித்து செல்வதன் மூலம் நன்மை கிடைக்க பெறுவார்கள்.
அதிர்ஷ்ட நிறம்: மஞ்சள், ஆரஞ்சு
அதிர்ஷ்ட எண்: 1, 3, 9
 

அக்டோபர் 19 - அக்டோபர் 25

(மகம், பூரம்,உத்திரம் முதல் பாதம் முடிய) 

எண்ணங்கள் அனைத்தும் ஈடேறும். தெய்வ வழிபாடுகளில் மனம் ஈடுபடும். திட்டமிட்ட காரியங்களில் வெற்றிவாகை சூடுவீர்கள். பணவசதி சரளமாக இருக்கும். உடல் ஆரோக்கியம் சிறப்படையும்.
உறவினர்கள் ஆதரவாக இருப்பார்கள். 

உத்தியோகஸ்தர்களுக்கு எதிர்பாராத நிம்மதி கிடைக்கும். மேலதிகாரிகள் உங்கள் நலனில் அக்கறை செலுத்துவார்கள். வியாபாரிகள் தங்கள் முயற்சிகளில் பின்வாங்காமல் செயல்பட்டு வெற்றி
பெறுவீர்கள். வியாபாரத்தைப் பெருக்குவீர்கள். விவசாயிகள் அதிக மகசூலைக் காண்பீர்கள். கடுமையாக உழைத்து எதிர்பார்த்த லாபத்தை அள்ளுவீர்கள்.  

அரசியல்வாதிகள் எடுத்த காரியத்தை வெற்றிகரமாக முடிப்பீர்கள். பலருடைய பாராட்டைப் பெறுவீர்கள். சிலருக்கு புதிய பதவிகள் கிடைக்கும். கலைத்துறையினரைத் தேடி புதிய வாய்ப்புகள் வரும்.
துறையில் நீண்ட காலமாக நிலவி வந்த போட்டி பொறாமைகள் விலகும். 

பெண்மணிகள் கணவருடன் ஒற்றுமையாக இருப்பீர்கள். ஆடை ஆபரணங்களை வாங்கி மகிழ்வீர்கள். மாணவமணிகள் கல்வியிலும் விளையாட்டிலும் நன்கு தேர்ச்சி பெறுவீர்கள்.

பரிகாரம்: முருகப்பெருமானை வழிபட்டு வரவும்.

சந்திராஷ்டமம்: 22, 23, 24
 

அக்டோபர் மாத பலன்கள் 

(மகம், பூரம், உத்திரம் 1ம் பாதம்)

தொட்டது எல்லம் பொன்னாக்கும் திறமை படைத்த சிம்ம ராசி அன்பர்களே, இந்த மாதம் வெகுகாலமாக தடைப்பட்டு வந்த விஷயங்கள் அனைத்தும் இப்போது நிறைவேற வாய்ப்புள்ளது. அது தங்களுக்கு மகிழ்ச்சி அளிப்பதுடன், மனநிறைவையும் அளிக்கும்.

குடும்பத்தில் பொருளாதார நிலை திருப்திகரமாக இருக்கும். குடும்ப சூழ்நிலையும் மனநிறைவைத் தரும். உறவினர்களிடையே மனக்கசப்புகள் ஏதேனும் ஏற்பட்டிருந்தால் அவை அனைத்தும் இப்போது சரியாகி, உறவு வலுப்பெறும.. உடலில் சிறுசிறு உபாதைகள் ஏற்பட்டு அதனால் மருத்துவச் செலவுகள் ஏற்படக்கூடும். குடும்பத்தில் நடக்கவிருக்கும் சுப நிகழ்ச்சி ஒன்றை தலைமை தாங்கி நடத்தி வைப்பீர்கள்.  சிலர் திருக் கோயில் கும்பாபிஷேகத்திற்கு உதவி செய்ய முன்வருவீர்கள். 

உத்தியோகம்  வேலை பார்த்து வரும் அன்பர்கள் சிலர் தற்போது இருக்கும் நிறுவனத்திலிருந்து வேறு ஒன்றிற்கு மாற வேண்டும் என நினைத்து அதற்கான முயற்சியிலும் ஈடுபட்டு வருவீர்கள் அது வெற்றியைத் தேடித் தரும்.

தொழில் வியாபாரம்  வியாபாரத்தை விரிவுபடுத்துவதற்கான முயற்சிகளில் சிலர் ஈடுபட்டு வருவீர்கள் அதில் வெற்றி கிட்டும் பழைய பாக்கிகள் வசூலாகும்.  தேக்கமடைந்த பொருட்கள் நல்ல லாபத்தை பெற்றுத்தரும். தொழிலில் பங்குதாரர்களுடன் இருந்த  மனக் கசப்பு  விலகும்.

கலைத்துறையினர்  புதிய வீடு வாங்கும் கால கட்டம். அதற்கு தேவையான பணவசதி தங்கு தடையின்றி கிடைக்கும். சக கலைஞர்களிடம் பாராட்டும் நன்மதிப்பும் பெறுவீர்கள்.
அரசியல் துறையினர் கட்சி சம்பந்தமான முக்கிய முடிவுகளை  நீங்கள் துணிந்து எடுக்கலாம் அதனால் நன்மையே கிடைக்கும்.

மாணவமணிகள் மேற்கல்வி பயில விண்ணப்பித்து காத்திருக்கும் மாணவமணிகளுக்கு நற்செய்தி இந்தமாதம் வந்து சேரும். தாங்கள் விருப்பப்பட்ட கல்வி நிறுவனத்திலேயே இடம் கிடைப்பதற்கு வாய்ப்புள்ளது.

பெண்மணிகளுக்கு குதூகலமான காலகட்டம். புதிய வேலைக்கு விண்ணப்பித்திருக்கும் பெண்மணிகளுக்கு நல்ல வேலை கிடைக்க கூடும். உங்களுக்கென்று ஒதுக்கப்பட்ட இடத்தை  நீங்களே தக்க வைத்துக் கொள்வீர்கள். 

மகம்:
இந்த மாதம் குடும்பம் ஒற்றுமையாகவும் அமைதியாகவும் நடப்பதற்கு கிரகங்கள் சாதகமாக உள்ளன. பிரச்சினைகள் இருந்த இடம் தெரியாமல் போகும். உடன் பிறந்தவர்களும், குடும்பத்தில் உள்ளவர்களும் உங்கள் பேச்சுக்கு முக்கியத்துவம் கொடுப்பார்கள். 

பூரம்:
இந்த மாதம் மனக்குழப்பம் தீரும். தைரியமாக எந்த காரியத்தையும் செய்து முடிப்பீர்கள். தேவையான உதவிகள் கிடைக்கும். மாணவர்களுக்கு  மிக கவனமாக பாடங்களை படித்து கூடுதல் மதிப் பெண் பெற முயற்சி செய்வீர்கள்.

உத்திரம் 1ம் பாதம்:
இந்த மாதம் நீங்கள் அமைதியாக இருந்தாலும் வீண் சண்டைகள் மற்றும் வீணான குழப்பங்கள் உங்களைத் தேடி வர வாய்ப்பு இருக்கிறது. வீடு, நிலம் மற்றும் வாகனங்கள் வாங்கலாம். 

பரிகாரம்:  முருகனுக்கு அரளிப்பூ சாற்றி வணங்க எல்லா தடைகளும் விலகும். காரிய வெற்றி உண்டாகும்.
அதிர்ஷ்ட கிழமைகள் : செவ்வாய், புதன்
சந்திராஷ்டம தினங்கள்: 22, 23, 24
அதிர்ஷ்ட தினங்கள்: 15, 16
 

தமிழ் புத்தாண்டு பலன்கள் - 2018

 (மகம், பூரம், உத்திரம் முதல் பாதம் முடிய)

இந்த விளம்பி வருடத்தில் ஐப்பசி மாதம் வரை உள்ள காலகட்டத்தில் செய்தொழிலில் சொல்லுமளவுக்கு லாபங்கள் கிடைக்கும். செய்தொழில் கணிசமாக விருத்தியடையும். பெற்றோர்களுடன் இணக்கமாக நடந்துகொண்டு அவர்களின் மனம் நோகாமல் பார்த்துக்கொள்வீர்கள். வழக்கு விஷயங்கள் அனுகூலமான திருப்பங்களை சென்றடையும். கஷ்டப்பட்டு சம்பாதித்த பொருள்கள் சிறிது விரயமாகும் காலமிது. செலவுகள் செய்யும் நேரத்தில் கவனம் தேவை. நண்பர்கள் உற்றார், உறவினர்களுடன் சுமுகமான தொடர்பை வைத்துக்கொள்வீர்கள்.

உடல் ஆரோக்கியம் மேம்பட  யோகா, பிராணாயாமம் செய்யவும்.  எப்போதும் சுறுசுறுப்பாக காணப்படுவீர்கள். புதிய சேமிப்புத் திட்டங்களிலும் சேருவீர்கள். பழைய தொழிலில் ஆதாயம் இல்லை என்று கருதி புதிய தொழிலையும் தொடங்குவீர்கள். திடீரென்று மகிழ்ச்சி தரும் உல்லாசப் பயணங்களையும் மேற்கொள்வீர்கள். செய்தொழிலில் பலமான ஓர் அஸ்திவாரத்தையும் போடுவீர்கள். கடன்கள் அனைத்தையும் படிப்படியாக அடைத்து விடுவீர்கள். சிலருக்கு பங்குவர்த்தகத்தின் மூலமும் சிறிது கூடுதல் வருமானம் கிடைக்கும்.  உங்களுக்குக்கீழ் வேலைப் பார்ப்பவர்களுடன் உறவு சீராகவே தொடரும். குடும்பத்தில் முயற்சியின் பேரில் சுப காரியப் பேச்சுவார்த்தைகள் கூடிவரும். மறைமுக எதிரிகள் மறைந்து போவார்கள்.

இந்த ஆண்டு கார்த்திகை மாதத்திலிருந்து ஆண்டு இறுதிவரை உள்ள காலகட்டத்தில் எண்ணிய எண்ணங்களும் போடும் திட்டங்களும் கூட சில சமயம் நடைபெறவில்லை என்றாலும் சில நாள்கள் கழித்து பலன் தரக்கூடியதாக இருக்கும். இல்லத்திற்குத் தேவையான நவீன உபகரணங்களை சிறிது சிரமத்தின்பேரில் வாங்குவீர்கள். சுய கௌரவத்திற்காக மற்றவர்களை ஏவி காரிய சாதனை செய்து வந்த நீங்கள் தற்சமயம் தாமாகவே நேர்முகமாக காரியத்தில் காலடி எடுத்து வைத்து மாறுதலைச் சந்திப்பீர்கள்.

வண்டி வாகனங்களுக்குப் பராமரிப்புச் செலவுகள் செய்ய நேரிடும். எந்த விஷயத்திலும் அகலக்கால் வைக்க வேண்டாம். தேக ஆரோக்கியம் கவனிக்கப்பட வேண்டி வரும். கண், தோல், வயிறு சம்பந்தப்பட்ட உபாதைகள் ஏற்பட வாய்ப்புள்ளது. தைரியம் துணிவு இப்பொழுது சரிபாதிக்குமேல் குறைந்துவிட்டது போல் தோன்றும். அதனால் அவசரப்பட்டு எதையாவது பேசிவிட்டு பின்பு அதனால் மனவருத்தம் ஏற்பட வாய்ப்புள்ளது. எவருக்கும் முன்ஜாமீன் போடுவதோ உங்கள் பெயரில் கடன் வாங்கிக் கொடுப்பதோ கூடாது.

உத்தியோகஸ்தர்கள் அனைத்து வேலைகளையும் குறித்த காலத்திற்குள் முடித்து மேலதிகாரிகளின் பாராட்டைப் பெறுவார்கள். பதவி உயர்வு பெறுவதற்கு உங்களை தயார் படுத்திக் கொள்வீர்கள். பணவரவு குறித்த நேரத்தில் கை வந்து சேரும். வியாபாரிகளுக்கு லாபம் பெருகினாலும் கடும் போட்டிகளைச் சந்திக்க நேரிடும். அதனால் வாடிக்கையாளர்களிடம் நிதானமாகப் பேசவும். முதலீடுகளை கூட்டாளிகளுடன் கலந்தாலோசித்தப்பின்பு செய்யவும். வேகமாக விற்பனையாகும் பொருள்களுக்கு அதிக முக்கியத்துவம் கொடுக்கவும். விவசாயிகளுக்கு மகசூல் அதிகரித்து லாபம் பெருகும். கால்நடைகளால் நல்ல லாபம் கிடைக்குமென்பதால் புதிய கால்நடைகளை வாங்குவீர்கள்.  பழைய கடன்களைத் திருப்பிச் செலுத்துவீர்கள். வழக்குகள் முடிய தாமதமாகும்.

அரசியல்வாதிகளுக்கு கட்சியில் புதிய பொறுப்புகள் கிடைக்கும். மேலும் உங்கள் மீது முழு நம்பிக்கை வைத்து சில பணிகளைக் கொடுக்கும். அவைகளை செவ்வனே செய்து முடித்து விடுவீர்கள். தொண்டர்களின் பாராட்டையும் பெறுவீர்கள். திட்டங்களை சிரமமின்றி முடிப்பீர்கள். கட்சிப் பணிக்காக சில புதிய பயணங்களை மேற்கொள்வீர்கள். கலைத்துறையினர் புதிய ஒப்பந்தங்களைப் பெற தீவிர முயற்சிகளைச் செய்ய வேண்டி வரும். சுயமரியாதையை விட்டுக் கொடுக்க மாட்டீர்கள். சக கலைஞர்களின் உதவியால் உங்களின் திறமைகளை வளர்த்துக்கொள்வீர்கள். பெண்மணிகள் கணவருடனான உறவு சீர்படும். குடும்பத்தில் சந்தோஷத்தைக் காண்பீர்கள். உற்றார் உறவினர்களிடமிருந்து நல்ல செய்தி வரும். மாணவமணிகள் படிப்பில் சிறப்பான கவனம் செலுத்துவார்கள். பாடங்களை முன்னதாகவே படித்து ஆசிரியர்களின் பாராட்டுகளைப் பெறுவீர்கள்.

பரிகாரம்: ஸ்ரீ கிருஷ்ண பரமாத்மாவை வழிபட்டு வரவும்.

*****

ஆங்கிலப் புத்தாண்டு பலன்கள் - 2018

(மகம், பூரம்,உத்திரம் முதல் பாதம் முடிய)

இந்த 2018 ஆம் ஆண்டு  ஜூன் மாதம் வரை உள்ள காலகட்டத்தில் வருமானம் சீராகவே தொடரும் என்றாலும் பேராசைக்கு இடம் தராமல் பணியாற்ற வேண்டும். நண்பர்கள் போல் பழகும் விரோதிகளும் அவர்கள் தீட்டும் சதித்திட்டங்களும் உங்களை கலக்கமுற செய்யும். அதோடு நன்கு யோசித்த பிறகே மற்றவர்களுக்கு வாக்கு கொடுக்கவும். 

மற்றபடி பெரிய கடன்களில் சிக்கிக் கொள்ளமாட்டீர்கள். தடங்கல்களைத் தாண்டி வெற்றியடைவீர்கள். நெடுங்காலமாக தொந்தரவு கொடுத்து வந்த உடற்கோளாறுகள் தீர்ந்து உடல்நலம் மேம்பாடு அடையும். சோம்பல் அறவே நீங்கி சுறுசுறுப்புடன் காரியமாற்றுவீர்கள். குழந்தைகளால் குடும்பத்தில் மகிழ்ச்சி உண்டாகும். சமூகத்தில் சிறப்பான கௌரவம் அந்தஸ்தும் கிடைக்கும். செய்தொழிலில் புதிய உத்வேகத்துடன் இறங்குவீர்கள். உடன்பிறந்தோர் மூலம் தேவையான ஆதரவைப் பெறுவீர்கள். விஷயங்களைப் புரிந்து கொண்டு சரியான வார்த்தைகளை பயன்படுத்துவீர்கள்.  இல்லத்தில் திருமணம் போன்ற சுய காரியங்களும் குழந்தைப்பேறும் உண்டாகும். பூர்வீக வழி சொத்துகள் சிரமமில்லாமல் கைவந்து சேரும். சமூகத்தில் உயர்ந்தோர்களின் நட்பும் ஆதரவும் கிடைக்கும். சிலர் புதிய வீடு வாங்கி நூதன கிரகப்பிரவேசம் செய்யும் காலகட்டமாக இது அமைகிறது. 

ஜூலை மாதம் முதல்  இந்த ஆண்டு இறுதி வரை உள்ள காலகட்டத்தில் உங்கள் அவசர புத்தியினால் சிறிய தவறுகளைச் செய்தாலும் கடைசி நேரத்தில் அவைகளிடமிருந்து விலகி விடுவீர்கள். மறைமுக எதிர்ப்புகளும் தானாகவே விலகி விடும், ஓய்வில்லாமல் காரியமாற்றிக்கொண்டே இருப்பீர்கள். செய்தொழிலில் அனுதினமும் வருமானம் வந்துகொண்டே இருக்கும். வண்டி வாகனம் வாங்கும் யோகம் அமையும். உங்கள் கோரிக்கைகள் உடனுக்குடன் நிறைவேறும். ஆபத்துகளை சூட்சும புத்தியால் கண்டறிந்து அதைக் கடந்து வந்து விடுவீர்கள். குடும்பத்தில் அமைதி நிலவும். தன்னம்பிக்கை உயரும். பேச்சில் வசீகரமும் நடையில் கம்பீரமும் உண்டாகும். தத்துவ ஆராய்ச்சிகளில் ஈடுபட மனம் விழையும். உங்களின் செயல்களை வரிசைப்படுத்தி காரியமாற்றும் காலகட்டமாக இது அமைகிறது என்றால் மிகையாகாது.

உத்தியோகஸ்தர்கள் அனைத்து வேலைகளையும் குறித்த காலத்திற்குள் முடித்து மேலதிகாரிகளின் பாராட்டைப் பெறுவார்கள். பணவரவு குறித்த நேரத்தில் கைவந்து சேரும். சக ஊழியர்களுக்கும் உதவி செய்வீர்கள். வியாபாரிகள் கூட்டாளிகளுடன் வாக்குவாதங்களில் ஈடுபடுவதைத் தவிர்க்கவும்.  பொருளாதார நிலையில் அபிவிருத்தியைக் காண்பீர்கள். புதிய முதலீடுகளில் கவனத்துடன் ஈடுபடுவது நன்மை தரும். சந்தையில் போட்டிக்குத் தகுந்தவாறு பொருள்களின் விலையை நிர்ணயித்து லாபங்களைப் பெறுவீர்கள். பழைய கடன்களிலிருந்து விடுபடும் சூழ்நிலை உருவாகும். விவசாயிகளுக்கு மகசூல் அதிகரித்து லாபம் பெருகும். புதிய கால்நடைகளை வாங்கிப் பயனடைவீர்கள். புதிய முயற்சிகளிலும் ஈடுபடுவீர்கள். பழைய கடன்களையும் திருப்பிச் செலுத்தும் ஆண்டாக இது அமையும். குடும்பத்தில் திருமணம் போன்ற சுப காரியங்கள் நடக்கும் . வழக்குகள் முடிய தாமதமாகும்.

அரசியல்வாதிகளுக்கு நல்ல பெயரும் புகழும் உண்டாகும் உடல் ஆரோக்கியம் சிறப்பாக இருக்கும். அடிக்கடி பயணங்களை மேற்கொண்டு கட்சிப் பணிகளை ஆற்றுவீர்கள். புதுத்தெம்புடன் சுறுசுறுப்புடன் செயல்படுவீர்கள். கலைத்துறையினர் புதிய ஒப்பந்தங்களைப் பெற தீவிர முயற்சிகளைச் செய்ய வேண்டிவரும். சுயமரியாதையை விட்டுக் கொடுக்க மாட்டீர்கள். சக கலைஞர்களின் உதவியால் திறமைகளை வளர்த்துக் கொள்வீர்கள்.

பெண்மணிகளுக்கு கணவருடன் உறவு நன்றாக இருக்கும். உற்றமும் சுற்றமும் அனுகூலமாக இருப்பார்கள். விருந்து கேளிக்கைகளில் ஈடுபட்டு பொழுதை மகிழ்ச்சியாகக் கழிப்பீர்கள். தாய் வீட்டுச் சீதனமும் வந்து சேரும். உங்கள் பெயரில் அசையாச் சொத்துகள் வாங்கும் யோகம் உள்ளது.

மாணவமணிகள் படிப்பில் சிறப்பான கவனம் செலுத்துவார்கள். பெற்றோர் உங்களுக்கு பக்கபலமாக இருப்பார்கள். விளையாட்டில் புதியவைகளைக் கற்றுக்கொள்வீர்கள்.

பரிகாரம்: சிவபெருமானை வழிபட்டு வரவும்.