உங்களுக்கு துலாம் லக்னம். பாக்கியாதிபதியான புதபகவான் லாப ஸ்தானத்தில் லாபாதிபதியான சூரியபகவானுடன் இணைந்து தசையை நடத்துகிறார். இதனால் அடுத்த ஆண்டு ஜனவரி மாதத்திற்குப்பிறகு குலதெய்வ வழிபாட்டை தொடர்ந்து செய்து வர வாய்ப்புகளும் யோகங்களும் உண்டாகும். குடும்ப வாழ்க்கையிலும் படிப்படியான முன்னேற்றம், வளர்ச்சி உண்டாகும். புத்திர ஸ்தானாதிபதி சுயசாரத்தில் அமர்ந்து புத்திரகாரகரான குருபகவானால் பார்க்கப்படுவதால் உங்கள் குழந்தைகள் நல்ல நிலைமையை எட்டி விடுவார்கள். பொருளாதாரத்தில் இறுதிவரை ஸ்திரத்தன்மை இருக்கும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.