உங்கள் மூத்த மகனுக்கு கடக லக்னம், மீன ராசி. தற்சமயம் சுக்கிரபகவானின் தசையில் களத்திர ஸ்தானாதிபதியின் புக்தி அடுத்த ஆண்டு இறுதிவரை நடக்கும். இந்த காலகட்டத்திற்குள் நல்ல உத்தியோகம், திருமணம் ஆகிய இரண்டும் கைகூடும். உங்கள் இரண்டாம் மகனுக்கு கன்னி லக்னம், கும்ப ராசி. தற்சமயம் அவருக்கு பூர்வபுண்ணிய ஸ்தானாதிபதியான சனிபகவானின் தசையில் சுயபுக்தி அடுத்த ஆண்டு ஜூலை மாதம் வரையில் நடக்கும். அதனால் இந்த தசையில் அவரின் ஆசைகள் அனைத்தும் பூர்த்தியாகும். மனதிற்குப் பிடித்த நல்ல உத்தியோகம் அமையும். இருப்பினும் மூன்றாண்டுகளுக்குள் குடும்ப மேம்பாட்டுக்காக பிரதி ஞாயிற்றுக்கிழமைகளில் சிவபெருமானை வழிபட்டு வரவும்.