உங்கள் மகளுக்கு மிதுன லக்னம், லக்னம் மற்றும் சுக ஸ்தானத்திற்கும் களத்திர மற்றும் தொழில் ஸ்தானத்திற்கும் அதிபதிகளான புதன் மற்றும் குருபகவான்கள் கேந்திராதிபத்ய தோஷம் நீங்கப்பெற்று சுப பலத்துடன் இருக்கிறார்கள். சிவராஜ யோகம், குருசந்திர யோகம் போன்ற சிறப்பான யோகங்கள் உள்ளன. மேலும் தற்சமயம் பூர்வபுண்ணியாதிபதியான சுக்கிரபகவானின் தசையில் களத்திர ஸ்தானாதிபதியின் புக்தி நடைபெறுவதால் அடுத்த ஆண்டு ஆகஸ்ட் மாதத்திற்குள் படித்த நல்ல உத்தியோகத்திலுள்ள வரன் அமைந்து திருமணம் கைகூடும். பெற்றோர் நிச்சயித்த திருமணமே கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.