உங்கள் மகனுக்கு மகர லக்னம், மகர ராசி. களத்திர ஸ்தானாதிபதி லக்னத்தில் நீச்சம் பெற்று நீச்சபங்க ராஜயோகம் பெற்ற குருபகவானுடன் இணைந்து இருவரும் களத்திர ஸ்தானத்தைப் பார்வை செய்கிறார்கள். குடும்ப ஸ்தானத்தில் புத ஆதித்யர்கள் அமர்ந்து அஷ்டம ஸ்தானத்தைப் பார்வை செய்கிறார்கள். தற்சமயம் குரு மஹா தசையில் பிற்பகுதி நடக்கிறது. அவருக்கு அடுத்த ஆண்டு மார்ச் மாதத்திற்குப்பிறகு ஓராண்டுக்குள் படித்த நல்ல உத்தியோகத்திலுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும். எதிர்காலம் சிறப்பாக அமையும்.