என் மகளுக்கு இரண்டு வருடங்களாக திருமணத்திற்கு வரன் பார்த்து வருகிறோம். ஆனால் இன்னும் கைகூடவில்லை. எப்போது திருமணம் நடைபெறும்? மணவாழ்க்கை எப்படி அமையும்? - சேகர், சென்னை

உங்கள் மகளுக்கு விருச்சிக லக்னம்., விருச்சிக ராசி. களத்திர ஸ்தானாதிபதி மறைவு பெற்று அசுபக் கிரகத்தால் பார்க்கப்படுகிறார். மற்றபடி பூர்வபுண்ணிய புத்திர ஸ்தானாதிபதி பாக்கிய ஸ்தானத்தில் உச்சம் பெற்று தொழில் ஸ்தானாதிபதியுடன் இணைந்திருக்கிறார். லக்னாதிபதியும் ஆட்சி பெற்று குருபகவானுக்கு கேந்திரம் பெற்று இருக்கிறார். சிவராஜயோகம், நீச்சபங்க ராஜயோகம், குருமங்கள யோகம் ஆகிய யோகங்கள் உள்ளன. தற்சமயம் மாங்கல்ய லாபாதிபதியின் தசையில் பாக்கியாதிபதியின் புக்தி நடக்கிறபடியால் இந்த ஆண்டு ஜூலை மாதத்திற்குள் படித்த வரன் அமைந்து திருமணம் கைகூடும்.