உங்கள் தம்பிக்கு ரிஷப லக்னம். தற்சமயம் களத்திர ஸ்தானத்திலுள்ள ராகுபகவானின் தசை நடக்கிறது. களத்திர ஸ்தானாதிபதி அசுபக் கிரகங்களுடன் இணைந்து இருப்பதால் திருமணம் தாமதமாகிறது. குருபகவானின் பார்வை களத்திர ஸ்தானாதிபதிக்கும் மற்ற கிரகங்களுக்கும் கிடைப்பதால் அடுத்த ஆண்டு இறுதிக்குள் சமதோஷமுள்ள பெண் அமைந்து திருமணம் கைகூடும். தர்மகர்மாதிபதி அதிபலம் பெற்றுள்ளதால் வேலையில் சிறப்பாக முன்னேறி விடுவார். பொருளாதாரத்திலும் வளர்ச்சி காண்பார். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.