உங்களின் ஜாதகம் சரியாக கணிக்கப்பட்டுள்ளது. நீங்கள் மாலை ஆறரை மணி அளவில் பிறந்திருக்கிறீர்கள் என்று எடுத்துக் கொள்ள வேண்டும். உங்களுக்கு மிதுன லக்னம், அஸ்த நட்சத்திரம் இரண்டாம் பாதம், கன்னி ராசி என்று வருகிறது. 2021 ஆம் ஆண்டு தொடங்கியவுடன் அதாவது தை மாதம் முதல் ஆனி மாதம் வரை உள்ள காலகட்டத்திற்குள் வளர்பிறையில் உங்கள் நட்சத்திரத்திற்கு உகந்த சுப முகூர்த்தத்தில் சதாபிஷேகம் செய்து கொள்ளலாம். தற்சமயம் லக்ன, தொழில் ஸ்தானாதிபதியான புதபகவானின் தசை நடக்கிறது. புதபகவான் பாக்கியாதிபதியான சுக்கிரபகவானுடன் ஆறாம் வீட்டில் இணைந்து தசையை நடத்துகிறார். இதனால் எதிர்காலம் சிறப்பாக அமையும். ஆன்மிகக் கிரகங்கள் வலுவாக உள்ளதால் ஆலய குடமுழுக்கு செய்யும் பாக்கியமுண்டு. பிரதி தினமும் விநாயகரை வழிபட்டு வரவும்.