உங்கள் பேத்திக்கு மேஷ லக்னம், மகர ராசி, உத்திராடம் நட்சத்திரம். களத்திர ஸ்தானாதிபதி பூர்வபுண்ணிய ஸ்தானத்தில் பாக்கியாதிபதியுடன் இணைந்திருக்கிறார். இதனால் புத்திர ஸ்தானம் வலுவடைகிறது என்று கூற வேண்டும். சுக ஸ்தானத்தில் புத ஆதித்ய யோகம் உண்டாகிறது. அதோடு சுகாதிபதியும் தொழில் ஸ்தானாதிபதியும் தொழில் ஸ்தானத்தில் இணைந்து சுக ஸ்தானத்தைப் பார்வை செய்வது சிறப்பு., தற்சமயம் பாக்கிய ஸ்தானத்தில் குருபகவானின் பார்வையை பெற்று அமர்ந்திருக்கும் ராகுபகவானின் தசை நடக்கிறது., அவருக்கு அடுத்த ஆண்டு அக்டோபர் மாதத்திற்குள் படித்த நல்ல உத்தியோகத்தில் உள்ள வரன் அமைந்து திருமணம் கைகூடும். மற்றபடி செவ்வாய் தோஷம் இல்லை. பிரதி சனிக்கிழமைகளில் சனிபகவானை வழிபட்டு வரவும்.