உங்கள் மகளுக்கு கும்ப லக்னம், கன்னி ராசி, அஸ்தம் நட்சத்திரம் நான்காம் பாதம். லக்னம் மற்றும் அயன ஸ்தானத்திற்கு அதிபதியான சனிபகவான் களத்திர ஸ்தானத்தில் அமர்ந்திருக்கிருக்கிறார். பூர்வபுண்ணிய புத்திர ஸ்தானத்தில் குருபகவானும் புத்திர ஸ்தானாதிபதி லாப ஸ்தானத்திலும் அமர்ந்து பரஸ்பரம் பார்வை செய்து கொள்வது சிறப்பு. சுக பாக்கியாதிபதியான சுக்கிரபகவான் அயன ஸ்தானத்தில் மறைவு பெற்று களத்திர ஸ்தானாதிபதியுடன் அமர்ந்திருக்கிறார். நவாம்சத்தில் மூன்று திரிகோணாதிபதிகளும் களத்திர ஸ்தானாதிபதியும் பலமாக அமர்ந்திருக்கிறார்கள். தற்சமயம் லக்ன சுபரான ராகுபகவானின் புக்தி நடப்பதால் அடுத்த ஆண்டு ஜூன் மாதத்திற்குள் படித்த நல்ல வேலையிலுள்ள வரன் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.