உங்கள் மகளுக்கு மீன லக்னம், சிம்ம ராசி. செவ்வாய்பகவான் தனபாக்கியாதிபதியாகி களத்திர ஸ்தானத்தில் இருந்தாலும் செவ்வாய் தோஷமில்லை. தற்சமயம் செவ்வாய்பகவானின் தசை நடக்கிறது. அவருக்கு அடுத்த ஆண்டு மார்ச் மாதத்திற்குள் திருமணம் கைகூடும். மற்றபடி களத்திர ஸ்தானாதிபதிக்கு ஏற்ற சமதோஷம் பார்த்து சேர்க்க வேண்டியது அவசியம். பிரதி புதன் கிழமைகளில் பெருமாளையும் தாயாரையும் வழிபட்டு வரவும். அரசு கிரகங்களான சூரியன், செவ்வாய், குரு, சனி, பகவான்கள் சுப பலத்துடன் இருப்பதால் அரசு அல்லது அரசு சம்பந்தப்பட்ட வேலை கிடைக்கும். எதிர்காலம் சிறப்பாக அமையும். தீர்க்காயுள் உண்டு.