உங்கள் சகோதரர் மகனுக்கு தனுசு லக்னம், துலா ராசி. தற்சமயம் உச்சம் பெற்ற லக்னாதிபதியான குருபகவானின் தசையில் களத்திர நட்பு தொழில் ஸ்தானாதிபதியான புதபகவானின் புக்தி நடக்கிறது. லக்னத்தில் ராகுபகவான் இருப்பது குறை. மற்றபடி பெரிதாக குறை என்று எதுவும் இல்லை. அவருக்கு இந்த ஆண்டு மார்ச் மாதத்திற்குப்பிறகு நிலையான உத்தியோகம் அமையும். பாக்கிய ஸ்தானத்தில் பூர்வபுண்ணிய ஸ்தானாதிபதி அமர்ந்திருப்பதால் பெற்றோருக்கு இறுதிவரைஆதரவாக இருப்பார். சர ராசிகள் வலுவாக உள்ளதால் வெளியூர் வெளிநாடுகளுக்குச் சென்று பொருளீட்டும் யோகமும் உண்டாகும். மற்றபடி சகோதரிக்கும் ஆதரவாக இருப்பார். இன்னும் 2 ஆண்டுகளுக்குள் படித்த பெண் அமைந்து திருமணம் கைகூடும். ஆயுள் ஆரோக்கியத்துக்கு எந்த பாதிப்பும் ஏற்படாது. பிரதி செவ்வாய்க்கிழமைகளில் துர்க்கையை வழிபட்டு வரவும்.