உங்கள் மகளுக்கு துலா லக்னம், மகர ராசி. கல்வி ஸ்தானத்தில் லக்னாதிபதி, ராகுபகவான் உடன் தர்மகர்மாதிபதிகளுடன் இணைந்திருக்கிறார்கள். பாக்கிய ஸ்தானத்தில் குருபகவான் அமர்ந்து கல்வி ஸ்தானாதிபதியை பார்வை செய்கிறார். இதனால் உயர்ந்த அரசு உத்தியோகம் கிடைக்க வாய்ப்புள்ளது. அதோடு தற்சமயம் ராகுபகவானின் தசையில் பிற்பகுதி நடக்கிறது. அதனால் அடுத்த ஆண்டு இறுதிக்குள் படித்த நல்ல உத்தியோகத்திலுள்ள வரன் அமைந்து திருமணம் கைகூடும். சனிபகவானே புத்திர ஸ்தானாதிபதியாகவும் ஆவதால் புத்திர பாக்கியத்திற்கு தடை எதுவும் இராது. பிரதி செவ்வாய்க்கிழமைகளில் துர்க்கையையும் பிரதி ஞாயிற்றுக் கிழமைகளில் சிவபெருமானையும் வழிபட்டு வரவும்.